Proverbios 27:18 - Q'eqchi Bible

¹⁸ Li naxch'oolani li rawimq, toxyal xsahil; ut li naxkol rix li xjunkab'lal laj eechal re, taak'ehe'q xloq'al.

Li Santil hu

¹⁸ Li ani naxchꞌolani lix to̱nal lix higo tixtzaca li ru. Ut li ani naril chi us li cꞌaꞌru re lix patrón, aꞌan ta̱qꞌuehekꞌ xlokꞌal.

Proverbios 27:18 ပူးပေါင်းရင်းမြစ်များ

2 Timoteo 2:6

Laj k'alom li nak'anjelak chi kaw tento naq a'an li xb'een taatz'aq ru li rawimq.

1 Corintios 9:7

Ani nawank chi soldaadil ut yal tixk'achi'i rib' xjunes? Ani na'awok jun siiraq chi uub' chi ink'a' ta tixyal xsahil ru li rawimq? Ani nab'eresink ketomq chi ink'a' ta tixyal xsahil li xketomq?

Cantares 8:12

Li wawimq, a'an we laa'in. Li jun mil chi tumin, a'an aaweheb', at Salomón, ut lajeek'aal cho'q reheb' laj k'aak'alehom re li awimq uub'.

1 Corintios 3:8

Li na'awok ut li nat'aqresink juntaq'eeteb' xloq'al, ab'an li junjunq toxk'ul xq'ajkamunkil a' yaal chanru xk'anjelak.

San Lucas 12:37

Us xaq reheb' laj k'anjel tole'tawe'q chi yo'lek xb'aan laj eechal reheb' sa' xk'ulunik. Relik chi yaal ninye eere naq tixb'ak' li xsa', tixhiltasiheb' sa' meex ut taanume'q sa' xyanqeb' chi xk'eeb'aleb' chi tzekank.

San Juan 12:26

Wi ani naraj k'anjelak chiwu, chinxtaaqehaq, ut b'ar wanqin laa'in, aran ajwi' wanq laj k'anjel chiwu. Wi ani taak'anjelaq chiwu, taak'ehe'q xloq'al xb'aan li Yuwa'b'ej.

San Lucas 19:17

«Us, at chaab'il moos -chu'uxk re-. Tiik aach'ool naq xatwank rik'in li b'a'b'ay; chiwanq b'i' aawankil sa' xb'een lajeeb' chi tenamit».

San Mateo 24:46

Us xaq re li moosej a'an li toltawe'q chi xb'aanunkil a'in naq tol'elq laj eechal re.

Proverbios 22:29

Li naxk'e xch'ool sa' li xk'anjel, taak'anjelaq chiruheb' awab'ej ut ink'a' chiruheb' yalaq aniheb'.

1 Pedro 2:21

A'in aj e naq li Yos kib'oqok eere, xb'aan naq li Kriist kixk'ul rahilal sa' eek'ab'a': kixk'am eeb'e re naq teetaaqe li xnums.

1 Pedro 2:18

Ex aj k'anjel, chexpaab'anq chiruheb' laj eechal eere ut chek'ehaqeb' sa' xnaq' eeru: moko ka'aj ta wi' eb' li chaab'il ut q'uneb' xch'ool, jo'eb' aj b'an wi' li josq'eb'.

Colosenses 3:22

Ex aj loq'b'il k'anjel, chepaab' eb' laj eechal eere sa' ruuchich'och' rik'in chixjunil li k'anjel, moko ka'aj ta wi' naq eb' a'an yookeb' cherilb'al re naq sahaqeb' xch'ool eerik'in, cheb'aanu b'an chi yaal, chi anchal eech'ool, yooqex chi roxloq'inkil li Qaawa'.

1 Corintios 9:13

Ma ink'a' nekenaw naq eb' li neke'k'anjelak sa' rochoch li Yos neke'xtzeka li naxmaatani li rochoch li Yos? Ut eb' li neke'k'anjelak chiru li artal, neke'tz'aqk li namayejaak sa' xb'een li artal.

Hechos 10:7

Ka'ajwi' ki'elk li ánjel rik'in, laj Kornelio kixb'oq wiib'eb' li xmoos ut jun aj puub' chaab'il xch'ool sa' xyanqeb' li neke'k'anjelak chiru,

San Marcos 10:43

Ab'an moko jo'kanaq ta sa' eeyanq laa'ex: ani naraj naq nimaq xwankil sa' eeyanq, a'anaq laj k'anjel cheru,

San Mateo 24:25

K'ehomaq reetal, ak junxilaj xinye resil eere.

Proverbios 17:2

Laj k'anjel seeb' xk'a'uxl taakanaaq cho'q aj eechal re li alab'ej maak'a' xna'leb', ut taatz'aqonq chi eechanink sa' xyanqeb' li wankeb' sa' li junkab'al a'an.

Salmos 123:2

Jo' laj k'anjel winq kaw na'ilok sa' ruq' laj eechal re, kama' laj k'anjel ixq kaw na'ilok sa' ruq' laj eechal re, jo'kano ajwi' laa'o: kaw li qilob'aal rik'in li Qaawa' li qaYos toj reetal tolril xtoq'ob'aal qu.

1 Samuel 2:30

Jo'kan naq li Qaawa', xYos laj Israel, naxye chi jo'ka'in: «Us ta ak xinye naq laajunkab'al ut li xjunkab'al laayuwa' junelik raj wanqeb' chiwu, ab'an anaqwan moko jo'kan ta chik tinb'aanu. Jo'k'ihaleb' li neke'oxloq'ink we, twoxloq'iheb', a'ut li neke'tz'eqtaanank we, tz'eqtaananb'ilaqeb' inb'aan.

Éxodo 24:13

Laj Moisés kixaqliik rochb'een laj Josué aj tenq' re, ut ke'taqe'k sa' xb'een li xtzuul li Yos.

2 Reyes 5:27

Li xsaqlepil laj Nahamán tixletz rib' chawix ut chirixeb' laawalal aak'ajol chi junajwa”. Ut naq laj Kejasí ki'elk chiru laj Eliseo, nujenaq chi saqlep naq koho, jo' ratz'amke xsaqsaqil.

2 Reyes 5:25

ut kox'okaq wan wi' laj eechal re: “B'ar xatchalk chaq, a Kejasí?”, chan laj Eliseo. Kichaq'ok laj Kejasí: “Maab'ar xinwulak, at inqaawa'”.

2 Reyes 3:11

Ab'an laj Josafat kixye: “Ma maak'a' junaq xpropeet li Yos arin, re naq tixpatz' chiru li Qaawa' k'aru us tqab'aanu?”. Jun reheb' laj k'anjel chiru li awab'ej re Israel kixsume: “Arin wank laj Eliseo, ralal laj Safat, li nak'ehok xch'ajleb' laj Elías junxil”, chan.

San Lucas 12:42

Kichaq'ok li Qaawa' ut kixye: “Ani li moosej tiik xch'ool ut wank xna'leb' li taak'ehe'q xwankil xb'aan laj eechal re sa' xb'eeneb' li rech moosil re xk'eeb'al xwaheb' sa' xq'ehil?

2 Reyes 18:31

Meepaab' raatin laj Esekías, xb'aan naq jo'ka'in xye chaq li awab'ej re Asiria: «K'amomaq eerib' sa' usilal wik'in ut q'axtesihomaq eerib' chiwu. Chi jo'kan li junjunq eere sa tixtzeka ru li x'uub' ut li x'iig, ut taaruk' li ha' wank sa' li xkumb'.

Proverbios 27:17

Li ch'iich' naq'esnaak rik'in ch'iich'; ut li winq, winq ajwi' taatuqub'anq xna'leb'.

Proverbios 27:19

Li xnaq' uhej nak'utunk sa' li ha'; jo'kan ajwi' li winq nak'utunk sa' li ch'oolej.

Isaías 36:16

Meepaab' li raatin laj Esekías, xb'aan naq jo'ka'in xye chaq li awab'ej re Asiria: «K'amomaq eerib' sa' usilal wik'in ut q'axtesihomaq eerib' chiwu. Chi jo'kan li junjunq eere sa tixtzeka ru li x'uub' ut li x'iig, ut taaruk' li ha' wank sa' li xkumb'.

Ester 6:11

Laj Amán kixxok li chaab'il aq'ej ut li kawaay, kixtiqib' laj Mardokeo ut kixb'eresi sa' li k'ayiil naq wank chirix kawaay, k'amol b'e chiru ut japjo re chi xyeeb'al: “Jo'ka'in na'uxmank re li winq nak'ehe'k xloq'al xb'aan li awab'ej!”.