Proverbios 27:10 - Q'eqchi Bible

¹⁰ Maatz'eqtaana laawamiiw chi moko li ramiiw laayuwa'. Moxaaseeraq'i laach'a'ajkilal rik'ineb' laawas aawiitz'in. Jwal us tatxtenq'a laawechkab'al chiru laakomon li wan chaq chi najt.

Li Santil hu

¹⁰ Ma̱tzꞌekta̱naheb la̱ cuami̱g chi moco ta̱tzꞌekta̱naheb li rami̱g la̱ yucuaꞌ. Chi moco tatxic saꞌ rochoch la̱ cuas chixyebal li chꞌaꞌajquilal li cuancat cuiꞌ. Kꞌaxal us nak tatxtenkꞌa la̱ cuechcabal li nachꞌ cuan chiru nak tatxtenkꞌa la̱ cuas li najt cuan.

Proverbios 27:10 ပူးပေါင်းရင်းမြစ်များ

Proverbios 18:24

Wankeb' amiiw nokoohe'xk'am sa' raaxiik'; ab'an wankeb' li q'axal nokoohe'xra ut jwal paab'ajeleb' chiru junaq asb'ej.

Proverbios 17:17

Li tz'aqal amiiw junelik narahok; sa' xq'ehil junaq rahilal tatxtenq'a jo' junaq tz'aqal asb'ej.

Proverbios 19:7

Li neb'a' natz'eqtaanaak xb'aaneb' li rech'alal; ma toja' ta chik ink'a' taakanab'aaq xjunes xb'aaneb' li ramiiw? Us ta naxtz'aama usilal chiruheb', ab'an eb' a'an maak'a' neke'raj re.

2 Samuel 19:24

Laj Mefibahal ajwi', ri laj Saúl, kikub'e chaq chi xk'ulb'al li awab'ej. Chalen naq koho li awab'ej toj sa' li kutan naq kisutq'iik Jerusalén sa' tuqtuukilal, ink'a' kixch'ajeb' li roq, chi moko kixk'os li xmach ut kixpuch' li raq'.

2 Samuel 21:7

Laj David kiril xtoq'ob'aal ru laj Mefibahal, ralal laj Jonatán ut ri laj Saúl, sa' xk'ab'a' li sumwank kixb'aanu laj David chiru li Qaawa' rik'in laj Jonatán, ralal laj Saúl; ut ink'a' kixq'axtesi reheb'.

Hechos 23:12

Naq kisaqewk, eb' laj Judiiy ke'xch'utub' rib' chi k'uub'ank ut ke'xye rik'in jurament naq ink'a' chik te'wa'aq te'uk'aq toj reetal te'xkamsi laj Pablo.

Jeremías 2:5

Jo'ka'in xye li Qaawa': K'aru kinmaakon chiruheb' leena' leeyuwa' naq kine'xtz'eqtaana? Koho xch'ooleb' chirixeb' li jalanil yos li maak'a' neke'ok wi'; jo'kan naq eb' a'an maak'a' ajwi' neke'ok wi'.

2 Crónicas 24:22

Laj Johás li awab'ej kisachk sa' xch'ool li usilal ki'uxk re xb'aan laj Johadá, xyuwa' laj Sakarías, kixkamsi b'an laj Sakarías li ralal li kixye sa' xkamik: “Li Qaawa' xril taxaq li k'aru xab'aanu ut a'an taxaq chik'ehoq reeqaj aawe!”, chan.

2 Samuel 19:28

Us ta chixjunil li xjunkab'al linyuwa' xk'ulub' kamsiik aab'aan, laa'at xinaak'ul sa' xyanqeb' li neke'tzekank aawochb'een. Moko ink'ulub' ta naq tintz'aama junaq chik usilal chawu”.

Deuteronomio 22:1

“Wi taawil junaq wakax malaj karneer li xsachk chiru laawas laawiitz'in, mayalaawil, taak'am b'an rik'in laawas aawiitz'in aj eechal re.