Proverbios 26:4 - Q'eqchi Bible

⁴ Maasume ru li k'aru naxye li maak'a' xna'leb' re naq ink'a' tatkanaaq laa'at jo' a'an.

Li Santil hu

⁴ Ma̱sume ru li cꞌaꞌru tixye li incꞌaꞌ naxtau xya̱lal, re nak incꞌaꞌ ta̱juntakꞌe̱ta a̱cuib riqꞌuin.

Proverbios 26:4 ပူးပေါင်းရင်းမြစ်များ

Proverbios 26:5

Tento taanaw xsumenkil li maak'a' xna'leb' re naq tixk'e reetal li xmajelal xna'leb'.

1 Pedro 3:9

Mex'eeqajunk maa'usilal rik'in maa'usilal, chi moko hob'e'k rik'in hob'ok; chex'usilaatinanq b'an, xb'aan naq a'an a'in b'oqb'ilex wi' chaq: re naq teereechani leerosob'tesinkil.

1 Reyes 12:14

Kiraatinaheb' jo' kiyehe'k re xb'aaneb' li saaj al ut kixye reheb': “Wi linyuwa' kaw xexk'e chi k'anjelak, laa'in q'axal wi' chik kaw tintaqlanq sa' eeb'een; ut wi linyuwa' chi tz'uum xe'xsak', laa'in texinsak' rik'in tz'uum wank ch'iich' chi ru'uj”, chan reheb'.

Proverbios 17:14

Xyoob'ankil li raaxiik', a'an jo' xteeb'al li tz'akanb'il ha': q'axal us li elk chi junpaat chiru naq taanimanq li xik'il uuchink.

1 Reyes 12:16

Naq chixjunileb' laj Israel ke'xk'e reetal naq li awab'ej ink'a' kiraj rab'inkileb', ke'xye a'in: “Maak'a' wank qe rik'in laj David! Maak'a' qeechanihom rik'in li ralal laj Jesé! Ex Israel, ayuqex sa' leerochoch chejunjunqal! Ut laa'at, a David, chawil laajunkab'al!”. Toja' naq eb' laj Israel koheb' sa' li xna'ajeb'.

San Judas 1:9

Li arkánjel Miguel, naq yo chaq chi xyalb'al xmetz'ew rik'in laj tza, naq ke'xwech'i rib' chirix li xch'och'el xsululel laj Moisés, ink'a' kixyal xraqb'al aatin sa' xb'een chi majewanb'il, ka'aj b'an wi' kixye: “Li Qaawa' chirahob'tesinq aawe”, chan.

Isaías 36:21

Eb' li poyanam mem ke'kanaak ut maajun chik aatin ke'xye, xb'aan naq xyehom li awab'ej: “Maajun aatin te'xsume”.

San Mateo 7:6

“Meek'e li k'aru q'axal sant reheb' li tz'i', chi moko chekut leelemtz'il q'ol chiruheb' li aaq: mare anchal te'xyeq'i sa' roqeb', te'xsutq'isi chaq rib' ut tole'xt'upi laa'ex.

Proverbios 23:9

Maak'e xchaab'il na'leb' li maak'a' xk'a'uxl, xb'aan naq yal tixse'e laachaab'il aatin xaye.

Proverbios 29:9

Naq li wank xna'leb' na'ok sa' raaxiik' rik'in junaq li maak'a' xna'leb', us ta taajosq'o'q malaj taase'eeq, ab'an maak'a' taakanaaq wi'.