Proverbios 26:3 - Q'eqchi Bible

³ Aajel ru li tz'uum cho'q re li kawaay ut li ch'iich' sa' re li b'uur; jo'kan ajwi' aajel ru li che' cho'q re xyi rix li maak'a' xna'leb'.

Li Santil hu

³ Li cacua̱y naqꞌueman xtzꞌu̱m re nak tixtau xya̱lal. Ut li bu̱r naqꞌueman li chꞌi̱chꞌ saꞌ re, re xberesinquil. Joꞌcan ajcuiꞌ li incꞌaꞌ naxtau xya̱lal. Tento xqꞌuebal xtzꞌu̱m re nak tixtau xnaꞌleb.

Proverbios 26:3 ပူးပေါင်းရင်းမြစ်များ

Proverbios 10:13

Wi chaab'il laana'leb', a'an nak'utunk naq nakat-aatinak; ab'an wi maak'a' aana'leb', taak'ehe'q aalob'.

1 Corintios 4:21

K'aru teeraj? Ma tinxik eerik'in chi wanq inche', malaj rik'in rahok ut tuulanil?

Salmos 32:9

Moko jo'kaqat ta li kawaay malaj li b'uur: chixjunileb' a'an maak'a'eb' xna'leb'; na'ajmank ru li k'aam ut li ch'iich' sa' reheb' re te'tuulanob'resiiq; wi ut ink'a', moko te'jiloq ta chaq aawik'in”.

2 Corintios 13:2

Ak inyehom chaq sa' xkab' inwulajik, reheb' li xe'maakob'k jo'wi' reheb' chixjunil, ut ninye wi' chik anaqwan naq maa'anihin sa' eeyanq: wi tinwulaq wi' chik sa' eeyanq, ink'a' tinkuyuq maak.

2 Corintios 10:6

yo'oon ajwi' wanko chi xrahob'tesinkil chixjunileb' laj q'etol aatin, naq tz'aqalaq re ru leepaab'aal.

Proverbios 27:22

Li maak'a' xna'leb' moko tixkanab' ta li xmemil, us ta taaputz'iiq chiru li ke'leb'.

Proverbios 19:29

Aajel ru li rapleb' tz'uum cho'q re li q'etq'et, ut li rahob'tesiik cho'q re li maak'a' xna'leb'.

Proverbios 19:25

Charap chi tz'uum li q'etq'et, ut eek' chik wanq li kach'in xna'leb'. Ab'anan wi seeb' laak'a'uxl, tz'aqal laaq'usb'al re naq taatzol aawib'.

Proverbios 17:10

Q'axal us li q'use'k cho'q re li wank xna'leb' chiru naq taajiliiq chi che' li maak'a' xna'leb'.