Proverbios 26:20 - Q'eqchi Bible

²⁰ Naq na'oso'k li si', nachupk li xam; ut naq na'so'k li tik'ti', nach'anaak li raaxiik'.

Li Santil hu

²⁰ Chi ma̱cꞌaꞌ xsiꞌil li xam nachup. Ut nak ma̱cꞌaꞌeb aj molol a̱tin, ma̱cꞌaꞌ chic ple̱t.

Proverbios 26:20 ပူးပေါင်းရင်းမြစ်များ

Santiago 3:6

Ut li ru'uj qaq' a'an xam, a'an jun ruuchich'och' nujenaq chi maa'usilal. Li ru'uj qaq' a'an jun xcha'al li qatz'ejwal, ab'an nokooxtz'ajni chi qajunxaqalil; naxloch xxamlel chixjunil li qayu'am chalen sa' xtiklajik, rik'in jun xam nachalk chaq sa' li xb'alb'a.

Proverbios 22:10

Isi aawik'in laj yoob'anel ch'a'ajkilal, ut taaraqe'q li wech'ij ib' ut li raaxiik'.

Proverbios 16:28

Li ink'a' us xna'leb' nayoob'ank raaxiik'; laj molonel aatin nayoob'ank jachok ib' sa' xyanqeb' li ramiiweb' rib'.

Proverbios 26:22

Li tik'ti'ik, a'an chanchan li saa'us: cham naxik wi', toj sa' xchamal li ch'oolej!

Santiago 3:5

Jo'kan ajwi' li ru'uj qaq': a'an jun xch'ina cha'al li qajunxaqalil, ab'an naxnima rib' rik'in xninqal ru b'aanuhom. K'ehomaq reetal li ch'ina xam: k'ajo' xnimal li k'iche' naxk'at!

Levítico 19:16

“Matyoob'ank aatin chirix xjolomeb' laawech'alal. “Mat-okenk chi xkamsinkil laawas aawiitz'in. Laa'in li Qaawa'.