Proverbios 26:12 - Q'eqchi Bible

¹² Toj naru xk'eeb'al xna'eleb'eb' li maak'a'eb' xna'leb'; ab'an jwal ch'a'aj xtenq'ankil junaq li naxk'oxla naq naxnaw chixjunil.

Li Santil hu

¹² Toj naru xqꞌuebal xnaꞌlebeb li incꞌaꞌ nequeꞌxtau xya̱lal chiruheb li nequeꞌxye nak cuanqueb xnaꞌleb. ¿Ma incꞌaꞌ ta biꞌ nequeqꞌue retal aꞌan?

Proverbios 26:12 ပူးပေါင်းရင်းမြစ်များ

Proverbios 29:20

Jwal nim chik li woyb'enihom rik'in junaq li maak'a' xna'leb' chiru li qoyb'enihom rik'in li ink'a' naxk'oxla li k'aru naxye.

Romanos 12:16

Wanqex sa' aatin cherib'il eerib', mexq'etq'eto'k, cherahaq b'an li k'aru kub'enaq xwankil; meek'oxla eerib' chi numtajenaq eena'leb'.

Proverbios 28:11

Li b'ihom naxk'oxla naq wank xna'leb'; ab'an li neb'a' ut tiik xch'ool tixye ani li winq a'an.

Apocalipsis 3:17

B'ihomin -chankat- xinb'ihomo'k, maak'a' namajelo'k we. Ut ink'a' nakanaw naq maak'a' wank aawe, xtoq'ob'aal aawu, neb'a'at, mutz'at ut t'ust'uukat.

San Mateo 21:31

Ani reheb' li wiib' chi alalb'ej xb'aanu li rajom li yuwa'b'ej? —A' li xb'een, chankeb'. Ut li Jesus kixye reheb': —Relik chi yaal ninye eere naq eb' laj titz'ol toj ut eb' laj yumb'eet te'wulaq xb'enwa cheru laa'ex sa' li xnimajwal awab'ejihom li Yos.

Proverbios 26:5

Tento taanaw xsumenkil li maak'a' xna'leb' re naq tixk'e reetal li xmajelal xna'leb'.

San Lucas 18:11

Laj pariseey, xaqxo naq kitijok sa' xch'ool chi jo'ka'in: «At inYos, ninyoxink chawu xb'aan naq ink'a' jo'kineb' li winq junch'ol, aj elq'eb', ink'a' tiikeb' xch'ool, aj muxuleb' sumlaak, chi moko jo'kin laj titz'ol toj a'in.

San Lucas 7:44

Toja' naq li Jesus kixsutq'isi rib' sa' xka'yab'aal li ixq ut kixye re laj Simón: —Ma nakawil li ixq a'in? Xolin'okaq sa' laawochoch ut ink'a' xak'e xch'ajb'al li woq. Ab'an a'an xt'aqresi li woq rik'in li xya'al ru ut xchaqihob'resi rik'in li rismal xjolom.

Proverbios 26:16

Sa' xch'ool laj q'em naq q'axal wi' chik wank xna'leb' chiruheb' wuqub' chi winq aj k'ehol na'leb'.

Proverbios 22:29

Li naxk'e xch'ool sa' li xk'anjel, taak'anjelaq chiruheb' awab'ej ut ink'a' chiruheb' yalaq aniheb'.

Proverbios 3:7

Maaye aawib' naq k'ajo' aana'leb'; chawoxloq'i li Qaawa' ut chatz'eqtaana li ink'a' us.

San Juan 9:41

Kixye li Jesus reheb': —Wi ta mutz'ex, maak'a' raj eemaak; ab'anan nekeye: «Nokoo'ilok»; jo'kan naq leemaak toj wank sa' eeb'een.

Proverbios 12:15

Li maak'a' xna'leb' naxk'oxla naq chaab'il naxb'aanu; a'ut li wank xna'leb' naxpaab' li xq'usb'al.

Proverbios 28:26

Li naxkawu xch'ool xjunes rib', a'an maak'a' xna'leb'; ab'an li nab'eresiik xyu'am xb'aan li chaab'il na'leb', a'an tixkol rib'.

Isaías 5:21

Ra chaalel sa' eeb'een li nekeye naq wank eena'leb' ut nekek'oxla naq seeb' leech'ool.