Proverbios 25:2 - Q'eqchi Bible

² Xloq'al li Yos, a'an xk'uulankil li xk'a'uxl; ab'an xloq'al li winq xtawb'al ru li k'aru muqmu.

Li Santil hu

² Naqꞌueheꞌ xlokꞌal li Dios nak cuan li cꞌaꞌak re ru tixcanab chi mukmu. Ut naqꞌueheꞌ ajcuiꞌ xlokꞌal li rey nak tixtau ru li cꞌaꞌru mukmu.

Proverbios 25:2 ပူးပေါင်းရင်းမြစ်များ

Deuteronomio 29:29

“Wank li na'leb' li ink'a' k'utb'esinb'il chiqu xb'aan li Qaawa' li qaYos, ut ka'ajwi' A'an nanawok re; ab'an li k'aru k'utb'esinb'il chiqu, a'an qe laa'o ut reheb' li qalal qak'ajol chi junelik, re naq tqak'anjela ru chixjunil li raatinul li Chaq'rab' a'in.

Li xHu LAJ JOB 42:3

Laa'at xaye: «Ani a'an li naxmux ru linb'aanuhom rik'in aatin chi maak'a' xyaalal?». Yaal a'an, xin'aatinak chi maak'a' inna'leb'; xin'aatinak chirix li sachb'ach'oolej nakab'aanu, ut ink'a' innawom intawom ru.

Li xHu LAJ JOB 38:4

B'ar wankat naq kink'ojob' li ruuchich'och'? Ye we, wi relik chi yaal nakanaw li yaal.

Li xHu LAJ JOB 29:16

chanchanin chik xyuwa'eb' li neb'a', ut nin'aatinak chi xkolb'aleb' li jalan xtenamiteb'.

Esdras 4:15

re naq taatz'il rix sa' xhuheb' laaxe'toon ut aran taak'e reetal ut taataw ru naq li tenamit Jerusalén a'an jun tenamit aj q'etol aatin, li nayoob'ank xch'a'ajkilal eb' li awab'ej ut chixjunileb' li na'ajej, ut junelik yo chi po'ok ch'oolej chalen chaq junxil. Xb'aan a'an kisache'k li tenamit a'an.

Esdras 4:19

Xintaqla xtz'ilinkil rix ut xtawmank naq relik chi yaal li tenamit a'an chalen chaq junxil naxq'etq'eti rib' chiruheb' li awab'ej ut naxyoob' poqoqij ib' ut mululij ib'.

Li xHu LAJ JOB 40:2

“Ma toj wank k'aru taaye we, a Job? Laa'at laj wech'onel ut laj jitol re li Nimajwal Yos”.

Esdras 5:17

“Jo'kan utan, wi naxk'ul aawu, at awab'ej, naqatz'aama chawu naq chataqla xtz'ilinkil rix a'in sa'eb' li tasb'il hu reheb' li awab'ej re Babilonia, ma yaal naq li awab'ej Siro kixtaqla xkab'lankil wi' chik li rochoch li Yos arin Jerusalén malaj ut ink'a'. Ut chakuy qamaak, chataqla chaq resil li k'aru xak'uub' xb'aanunkil chirix li na'leb' a'in”.

Esdras 6:1

Toja' naq li awab'ej Darío kixtaqla xsik'b'al sa'eb' li tasb'il hu k'uulanb'ileb' Babilonia;

Proverbios 25:3

Li xteram li choxa, li xchamal li ruuchich'och' ut li xk'a'uxeb' li awab'ej: maa'ani natawok ru.

Deuteronomio 29:28

Li Qaawa' ki'isink chaq reheb' sa' li xna'ajeb' rik'in xnimal xjosq'il ut kixtaqlaheb' sa' jalan chik tenamit, b'arwi' wankeb' anaqwan», cha'qeb'.

2 Samuel 1:5

“Chanru naq xanaw naq xe'kamk laj Saúl ut laj Jonatán li ralal?”, chan laj David re li al li kik'amok re li esilal.

2 Samuel 14:19

Toja' naq li awab'ej kixpatz': “Ma maawa' laj Johab xk'uub'ank re chixjunil a'in?”. Kichaq'ok li ixq: “At awab'ej, sa' aak'ab'a' laa'at ninye li waatin naq tz'aqal yaal li k'aru xaye. Laj Johab aj k'anjel chawu xtaqlank chaq we, ut a'an ajwi' xyehok we li k'aru xinnumsi chawu.

Proverbios 25:27

Moko us ta ruk'b'al naab'al li xya'al kab' chi moko li xsik'b'al naab'al li loq'al.

Eclesiastés 1:13

Rik'in li na'leb' k'eeb'il we xink'e inch'ool chi xpatz'inkil ut xtz'ilinkil rix jo'nimal nak'ulmank sa' ruuchich'och'. Ut xintaw ru a'in: q'axal aal li iiq a'in xk'e li Yos sa' qab'een re tqapaqo!