Proverbios 24:14 - Q'eqchi Bible

¹⁴ Jo'kanaq xsahil cho'q aawe li chaab'il na'leb'. Wi nakataw, sa tatwanq ut taatz'aqloq ru laawoyb'enihom.

Li Santil hu

¹⁴ Joꞌ xquiꞌal li xyaꞌal cab, joꞌcan ajcuiꞌ li cha̱bil naꞌleb nak te̱cꞌul. Cui te̱tau e̱naꞌleb us tex-e̱lk riqꞌuin li nequecꞌoxla xba̱nunquil ut te̱cꞌul li cꞌaꞌru yo̱quex chiroybeninquil.

Proverbios 24:14 ပူးပေါင်းရင်းမြစ်များ

Proverbios 23:18

Chi jo'kan sa toxaawil li kutan chaalel, ut taatz'aqloq ru laawoyb'enihom.

Proverbios 2:10

Xb'aan naq toxaataw li choxahil na'leb' ut taayal xsahil li nawok.

Santiago 1:25

Ab'an li naxk'e xch'ool chi xk'oxlankil rix li Chaq'rab' tz'aqal re ru aj k'ehol chi wank chi ach'ab'anb'il, ut junelik kaw xch'ool chi xpaab'ankil moko jo' ta aj ab'inel li junpaat nasachk sa' xch'ool, jo' b'an tz'aqal aj b'aanuhom re li k'aru nataqlaak wi', li winq a'an osob'tesinb'ilaq rik'in xk'anjelankil.

Jeremías 15:16

Naq xak'e we laawaatin, xink'uleb' chi anchal linch'ool ut xintzeka; a'an tz'aqal nak'ehok xsahil li waanm, xb'aan naq sik'b'il wu aab'aan, at Qaawa', at Nimajwal Yos.

Salmos 119:103

K'ajo' xki'al laawaatin naq naweek'a: naxq'ax ru xsahil li xya'al kab'.

Proverbios 22:18

Wi taak'uula sa' laach'ool li xyehomeb' ut junelik wanq sa' xtz'uumal aawe, q'axal taasaho'q sa' laach'ool.

Salmos 119:111

Laataqlahom a'an tz'aqal li tweechani chi junelik; a'an xnimal xsahil li waanm.

San Mateo 19:21

Kichaq'ok li Jesus ut kixye: —Wi taawaj naq tz'aqalaq aawe aawu, ayu, k'ayi jo'nimal wank aawe ut k'e reheb' li neb'a', ut taawanq aab'ihomal sa' choxa; toja' naq tatchalq ut tinaataaqe.

Proverbios 16:24

Li q'unil aatin, a'an chanchan xya'al kab': naxsahob'resi li qach'ool ut naxk'e xkawilal li qoq quq'.