Proverbios 24:12 - Q'eqchi Bible

¹² Us ta taaye: “Maak'a' ninnaw chirix a'an”, li Yos li natz'ilok rix li ch'oolej naxtaw xyaalal; Li na'ilok re laawaanm tixnaw a'an ut tixtoj jo' chanru li xb'aanuhom li junjunq.

Li Santil hu

¹² Usta ta̱ye nak ma̱cꞌaꞌ nacanau, abanan li Dios naxnau cꞌaꞌru cuan saꞌ a̱chꞌo̱l. Li Dios na-iloc a̱cue ut naxnau cꞌaꞌru yo̱cat. Aꞌan ta̱kꞌajca̱mu̱nk a̱cue aꞌ yal chanru la̱ yehom a̱ba̱nuhom.

Proverbios 24:12 ပူးပေါင်းရင်းမြစ်များ

Li xHu LAJ JOB 34:11

Li Yos naxq'ajkamu li junjunq a' yaal chanru li xyehom ut xb'aanuhom; naxk'e re li junjunq jo' li xk'ulub'.

Apocalipsis 2:23

Tinq'axtesiheb' li ralal xk'ajol chi kamk. Chi jo'kan chixjunileb' li Iklees te'xnaw naq laa'in li nintz'ili li xch'ooleb' ut li xk'a'uxeb'. Tink'e eere chejunjunqal jo' chanru leeb'aanuhom.

Romanos 2:6

Aran taak'eemanq xq'ajkamunkil li junjunq jo' chanru li xyehom xb'aanuhom:

Proverbios 21:2

Li junjunq naxk'oxla naq us chixjunil li naxb'aanu; ab'an li Qaawa' naxnaw li k'aru wank sa' li ch'oolej.

Jeremías 17:10

Laa'in, li Qaawa', nintz'il rix li ch'oolej ut ninnaw toj sa' xchamal li aanmej; ninq'ajkamu li junjunq a' yaal chanru li xyehom ut li xb'aanuhom”.

Eclesiastés 5:8

Wi sa' junaq tenamit taawil naq rahob'tesinb'ileb' li neb'a' ut ink'a' naraqmank aatin sa' tiikilal, misachk aach'ool xb'aan a'an. A'in nak'ulmank xb'aan naq li ani wank sa' xwankil, a'an taqlanb'il xb'aan li nim xwankil chiru; ut li nim xwankil, a'an taqlanb'il ajwi' xb'aan jalan chik q'axal nim wi' chik xwankil.

Salmos 121:8

Li Qaawa' na'ilok aawe jo'q'e tat-elq ut jo'q'e tatsutq'iiq chaq, chalen anaqwan ut junelik q'e kutan.

Salmos 121:3

Ink'a' tatxkanab' chi t'ane'k sa' b'e, xb'aan naq ink'a' nawark laj K'aak'alehom aawe.

1 Samuel 16:7

Ab'an li Qaawa' kixye re laj Samuel: “Maak'e reetal chanru na'ilok, chi moko li xnajtil roq. Moko a'an ta li sik'b'il ru inb'aan. Li naril li Yos, maawa' a' li naril li winq: li winq naril chanru na'ilok junaq, ab'an li Qaawa' naril li ch'oolej”.

Salmos 62:12

Li Qaawa' x'aatinak, ut k'iila wa xwab'i a'in: naq re li Yos chixjunil li wankilej.

Salmos 17:3

Laa'at xatz'il rix li waanm ut xinaawula'ani chi q'eq; xinaayal sa' xam, ab'an maak'a' maa'usilal xataw wik'in.

Apocalipsis 22:12

“K'e reetal, laa'in tinchalq chi seeb' ut tink'am chaq linq'ajkamuhom re xtojb'al li junjunq jo' chanru li xyehom xb'aanuhom.

Apocalipsis 2:18

“Tz'iib'an rik'in li x'ánjel li Iklees li wank Tiatira: «A'in naxye li Ralal li Yos, li wank xsa' li ru kama' raq'xam ut li roq chanchan chaab'il q'anch'iich'.

Apocalipsis 1:18

laa'in li Yo'yo. Kinkamk, ab'anan chak'e reetal, yo'yookin anaqwan chi junelik q'e kutan, ut wank wik'in li xlaawil li kamk ut li xna'ajeb' li kamenaq.

2 Corintios 5:10

Xb'aan naq chiqajunilo tento toxqak'ut qib' sa' xraqleb'aal aatin li Kriist re naq li junjunq tixk'ul xq'ajkamunkil, a' yaal chanru li xb'aanuhom, ma us malaj ink'a' us xb'aanu naq xwank sa' ruuchich'och'.

1 Corintios 4:5

Jo'kan naq mexraqok aatin chi maji' xq'ehil, toj reetal tol'elq li Qaawa'. A'an taakutanob'resinq re li k'a'aq re ru muqmu chaq sa' li aak'ab' ut tixk'utb'esi li na'alaak sa' xch'ool chixjunileb'. Toja' naq li junjunq tixk'ul xloq'al rik'in li Yos.

Romanos 2:16

Chixjunil a'in taak'utunq chi us sa' li kutan taaraqoq wi' aatin li Yos sa' xk'ab'a' li Jesukriist chirix li k'aru muqmu sa' xch'ooleb' chixjunileb'. A'an a'in li Chaab'il Esilal ink'ulum laa'in.

Hechos 17:28

xb'aan naq rik'in li Yos yo'yooko, nokoo'eek'ank ut wanko, jo' ajwi' wank xe'yehok sa' eeyanq: «Relik chi yaal naq ralal xk'ajolo li Yos».

San Mateo 16:27

Xb'aan naq li K'ajolb'ej yooq chaq chi chalk sa' li xnimal xloq'al li xYuwa' rochb'eenaqeb' chaq li x'ánjel; toja' naq tixq'ajkamu li junjunq a' yaal chanru li xb'aanuhom.

Daniel 5:23

xaq'etq'eti b'an aawib' chiru li xYos li choxa ut xataqla xk'amb'aleb' chaq arin li sek' oor li ke'k'anjelak sa' li rochoch, re uk'ak b'iin chisa' aawochb'eeneb' li ninqeb' xwankil, eb' laawixaqil jo'wi' li xtz'aqob'leb' laawixaqil. Xenima ruheb' li yos yiib'anb'ileb' rik'in oor ut plaat, q'anch'iich' ut ch'iich', che' ut pek, li ink'a' neke'ilok, ink'a' neke'ab'ink ut maak'a' neke'xtaw ru. Ut ink'a' xanima xloq'al li Yos li wank laayu'am sa' ruq', ut li yaal re sa' xb'een chixjunil li nakab'aanu.

Jeremías 32:19

Sachb'ach'oolej rilb'al laak'anjel ut q'axal nim laawankil chi xb'aanunkil. Kutan saqenk chawu chixjunil li xb'aanuhomeb' li poyanam, re xq'ajkamunkil li junjunq jo' chanru xk'ulub' li xyehom ut xb'aanuhom.

Proverbios 5:21

Li Qaawa' naril li xna'leb' li junjunq ut naxk'e reetal li xb'aanuhom.

Salmos 66:9

A'an xk'ehok wi' chik qayu'am ut ink'a' xkanab'eb' li qoq chi tichk'ok.

Salmos 44:21

Wi xsachk ta sa' qach'ool xk'ab'a' li qaYos, wi xqataqsi ta li quq' re xloq'oninkil li jalanil yos,

Salmos 7:9

At Qaawa' li nakatraqok aatin sa' xb'eeneb' li tenamit, charaq aatin sa' inb'een jo' chanru xtiikilal linch'ool, jo' chanru xchaab'ilal li waanm.

1 Samuel 25:29

Us ta wanq ani taasik'oq aawe re aarahob'tesinkil ut aakamsinkil, ab'anan li Qaawa' laaYos taakoloq aawe: tixkol laayu'am rub'el li xkupuhom, ut li xyu'ameb' li xik' neke'ilok aawe tixkut chi najt jo' rik'in junaq jok'.

1 Samuel 2:6

Li Qaawa' nak'ehok yu'am ut li kamk; nataqlank sa' xna'ajeb' li kamenaq ut na'isink chaq.

1 Samuel 2:3

Meenaab'alob'resi leeq'etq'etil aatin, mi'elk chi xtz'uumal eere li xnimankil eerib', xb'aan naq li Qaawa' a'an jun Yos li naxnaw chixjunil, a'an naraqok aatin sa' xb'een li junjunq.

Salmos 94:9

Ma maak'a' trab'i li xyiib'ank re li xikej? Ma maak'a' tril li xyiib'ank re xsa' li uhej?

Proverbios 12:14

Li junjunq tixk'ul xq'ajkamunkil a' yaal chanru li xyehom ut xb'aanuhom.

Proverbios 5:22

Li ink'a' us xch'ool nat'ane'k sa' li xmaa'usilal; a' ajwi' li xmaak nasachok re.

Proverbios 16:2

Li junjunq naxk'oxla naq us chixjunil li naxb'aanu; ab'an li Qaawa' naxtz'il rix li xchamal li ch'oolej.

Lamentaciones 3:36

Wi ink'a' naraqmank aatin sa' tiikilal, ma ink'a' tab'i' ra sa' xch'ool li Qaawa'?