Proverbios 24:10 - Q'eqchi Bible

¹⁰ Li nach'inank xch'ool naq wank sa' ch'a'ajkilal, naraj naxye naq moko kaw ta xch'ool.

Li Santil hu

¹⁰ Cui nachꞌinan a̱chꞌo̱l nak cuancat saꞌ chꞌaꞌajquilal, aꞌan naraj naxye nak ma̱cꞌaꞌ xcacuilal a̱chꞌo̱l.

Proverbios 24:10 ပူးပေါင်းရင်းမြစ်များ

Efesios 3:13

Jo'kan utan, nintz'aama cheru naq mich'inank leech'ool xb'aan li raaxiik' yookin chi xk'ulb'al cherix laa'ex, xb'aan naq a'an a'in leeloq'al.

Jeremías 51:46

Mich'inank leech'ool chi moko chexxiwaq xb'aan li esil yo xyeeb'al sa' li tenamit. Rajlal chihab' taa'ab'iiq jalan jalanq li esil: taanumtaaq li rahilal sa' xb'een li tenamit ut eb' li awab'ej te'yaloq chirib'ileb' rib'.

1 Samuel 27:1

Laj David kixye sa' xch'ool: “Taawulaq xq'ehil naq laj Saúl tinxkamsi. Jwal us naq tinxik sa' xteepal Filistea re naq laj Saúl tixkanab' insik'b'al sa' chixjunil Israel ut tinkole'q chiru”.

2 Corintios 4:1

Xaqab'anb'ilo sa' li k'anjel a'in xb'aan xnimal ruxtaan li Yos, jo'kan naq ink'a' nach'inank qach'ool.

Li xHu LAJ JOB 4:5

Ab'an anaqwan naq ra wankat, ink'a' nakakuy ut nakatxiwak.

Apocalipsis 2:3

Wank aakuyum; xakuy rahilal sa' ink'ab'a' ut ink'a' xatlub'k.

Apocalipsis 2:13

Ninnaw b'ar wankat: aran b'arwi' wank li xk'ojarib'aal laj tza. Laa'at kaw aach'ool chiwix ut ink'a' xatz'eqtaana inpaab'ankil chi moko sa'eb' li kutan kiwank wi' laj Antipas, li kixch'olob' li yaal chiwix tiik xch'ool ut kikamsiik sa' eeyanq aran b'ar wank wi' laj tza.

Deuteronomio 20:8

“Toja' naq eb' laj tz'iib' te'aatinaq wi' chik rik'ineb' li tenamit ut te'xye: «Ani yo xxiw ut nach'inank xch'ool? Xikaq ut sutq'iiq sa' rochoch re naq ink'a' tixch'ina xch'ooleb' li ras riitz'in, jo' naq xch'ina xch'ool a'an», cha'qeb'.