Proverbios 22:7 - Q'eqchi Bible

⁷ Li b'ihom nanumtaak sa' xb'een li neb'a'; ut li wank xto' tumin nakanaak cho'q xmoos li nak'ehok tumin chi to'.

Li Santil hu

⁷ Eb li biom nequeꞌnumta saꞌ xbe̱neb li nebaꞌ. Ut li ani natoꞌonin riqꞌuin li cuan xtumin, chanchan chic xmo̱s nacana cuiꞌ.

Proverbios 22:7 ပူးပေါင်းရင်းမြစ်များ

2 Reyes 4:1

Jun li ixq, rixaqil jun li propeet, kixb'oq laj Eliseo ut kixye re: “Wa', laa'at nakanaw chi us naq linb'eelom junelik xpaab' li Qaawa'. Ab'anan xkamk chi wank xk'as. Ut anaqwan li winq wan wi' qak'as, xk'ulunk ut traj xk'amk'aleb' linwiib' chi yum chi munil”.

Proverbios 22:16

Li narahob'tesink re li neb'a' re naq taab'ihomo'q, jo' ajwi' li nasihink re li b'ihom, toxneb'a'o'q.

Proverbios 18:23

Li neb'a' natz'aamank ut na'elajink; li b'ihom nasumenk sa' josq'il.

Santiago 2:6

A'ut laa'ex xetz'eqtaana li neb'a'! Ma maawa'eb' tab'i' li b'ihom li neke'numtaak sa' eeb'een? Ma maawa'eb' tab'i' a'an li neke'k'amok eere sa' raqleb' aatin

San Mateo 18:25

Ab'an a'in maak'a' k'aru tixtoj wi'; jo'kan naq kixye li awab'ej naq chik'aymanq li winq a'an rochb'een li rixaqil, li ralal xk'ajol ut chixjunil li k'aru wank re, re xtojb'al li xk'as.

Proverbios 22:22

Maawelq'a li k'aru re li neb'a' yal xb'aan naq neb'a', chi moko chateneb' maak sa' xb'een li toq'ob'aal ru, sa' li raqleb'aal aatin.

Proverbios 14:31

Li natawasink li neb'a', naxmajewa laj Yoob'tesihom re; a'ut li na'uxtaanank ru, naxk'e xloq'al li Qaawa'.

Santiago 5:1

A'ut anaqwan, ex b'ihom, yaab'anqex ut tz'uyinqex xb'aan li rahilal chalk re sa' eeb'een.

Amós 8:6

Aran tooruuq xloq'b'aleb' chi tuminal li maak'a'eb' xwankil, ut eb' li neb'a' tqaloq'eb' yal rik'in jun sumal chi perxaab'. A' ajwi' li xmulel li triiw tqak'ayi!”.

Amós 8:4

Ab'ihomaq a'in laa'ex li nekexrahob'tesink reheb' li neb'a' ut nekeraj xsachb'aleb' ru li kub'enaqeb' xwankil sa' li tenamit.

Amós 4:1

Ab'ihomaq li aatin a'in, ex rixqilal Samaria, chanchanex li ninqi wakax li wankeb' Basán. Laa'ex nekerahob'tesi eb' li neb'a', neketawasiheb' li toq'ob'aal ruheb' ut nekepatz' eeb'iin reheb' leeb'eelom re texkalaaq.

Isaías 24:2

Juntaq'eet li rahilal te'xk'ul laj tij ut li tenamit, laj mun jo' ajwi' laj eechal re; li moos ixq jo' ajwi' laj eechal re; li nak'ayink ut li naloq'ok; li nato'onink ut li nak'ehok to'; li nak'asok ut li nak'ehok k'as.

Santiago 5:4

K'ehomaq reetal: li xtojb'aleb' laj k'anjel li kerelq'a chiruheb' naq ke'q'olok eerik'in, a'an yo chi q'oqonk; ut li xyaab' xkuxeb' laj q'olonel xwulak toj rik'in li xQaawa' eb' li k'iila o'q'ob' chi ánjel.

Amós 2:6

Jo'ka'in kixye li Qaawa': “Ak k'iila sut xinkuy xmaakeb' laj Israel ut anaqwan maak'a' chik xkuyb'al, xb'aan naq neke'xk'ayi chi tuminal li tiik xch'ool ut yal rik'in jun sumal chi perxaab' neke'xk'ayi li neb'a'.