Proverbios 22:22 - Q'eqchi Bible

²² Maawelq'a li k'aru re li neb'a' yal xb'aan naq neb'a', chi moko chateneb' maak sa' xb'een li toq'ob'aal ru, sa' li raqleb'aal aatin.

Li Santil hu

²² Li xbe̱n naꞌleb, aꞌan aꞌin: Me̱relkꞌa li cꞌaꞌru reheb li nebaꞌ yal xban nak nebaꞌeb. Chi moco te̱rahobtesiheb nak yo̱k chi rakecꞌ a̱tin saꞌ xbe̱neb yal xban nak incꞌaꞌ naru teꞌxcol ribeb.

Proverbios 22:22 ပူးပေါင်းရင်းမြစ်များ

Zacarías 7:10

Meerahob'tesi li xmalka'an, li neb'a'yox, laj ab'l tenamit ut li neb'a'; chi moko teek'oxla sa' leech'ool xb'aanunkil li rahilal cherib'il eerib'.

Malaquías 3:5

Li Nimajwal Yos kixye chi jo'ka'in: “Tinchalq re raqok aatin sa' eeb'een ut sa' junpaat tinjiteb' laj tuul, eb' laj muxul sumlaak, eb' li neke'yehok jurament sa' tik'ti', eb' li neke'numtaak sa' xb'eeneb' laj k'anjel, eb' li neke'rahob'tesink reheb' li xmalka'an ut eb' li neb'a'yox, eb' li ra neke'xb'aanu reheb' laj ab'l tenamit, ut ink'a' neke'xxiwa b'ayaq wu, chan li Nimajwal Yos.

Proverbios 22:16

Li narahob'tesink re li neb'a' re naq taab'ihomo'q, jo' ajwi' li nasihink re li b'ihom, toxneb'a'o'q.

Éxodo 23:6

“Maasach xwankil li yaal re xtenq'ankil laawechneb'a'il sa' li xpleet.

Li xHu LAJ JOB 31:21

Maajun sut xinb'aanu rahilal reheb' li neb'a'yox, us ta wank inwankil chiruheb' laj raqol aatin.

Li xHu LAJ JOB 31:16

Maajun wa xinkanab' li neb'a' sa' rajb'al ru chi moko xintz'eqtaana junaq xmalka'an;

Ezequiel 22:29

Eb' li poyanam junes raaxiik' ut elq'ak neke'raj; neke'xrahob'tesi li neb'a' ut li maak'a' wank re, ut ink'a' neke'xk'e li xk'ulub' laj ab'l tenamit.

Levítico 25:17

“Meerahob'tesi leeras eeriitz'in. Chexiwaaq ru leeYos, xb'aan naq laa'in li Qaawa', leeYos.

Deuteronomio 23:16

taakanaaq b'an sa' xyanqeb' laakomon, sa' li na'ajej b'arwi' taawulaq chiru wank, sa' junaq reheb' laatenamit b'arwi' tixk'ul ru; ut maach'i'ch'i'i.

Éxodo 23:3

chi moko chatenq'a li neb'a' sa' li xpleet wi ink'a' us yo chi xb'aanunkil.

Levítico 19:13

“Maarahob'tesi laawas aawiitz'in chi moko chamaq' li k'aru wank re. “Chatoj laj k'anjel chawu tz'aqal sa' xq'ehil, ut maakanab' toj re wulaj.

Proverbios 21:7

Li raaxiik' nasachok reheb' li ink'a' useb' xna'leb', xb'aan naq ink'a' neke'wank sa' tiikilal.

Isaías 10:2

Ink'a' neke'xtenq'aheb' li neb'a' sa' li raqleb'aal aatin, neke'xram b'an li xk'ulub' eb' li ra wankeb' sa' lintenamit, neke'xchoy xsa' li xjunkab'aleb' li xmalka'an ut neke'xmaq' li k'aru wank reheb' li neb'a'yox.