Proverbios 22:1 - Q'eqchi Bible

¹ Jwal us naq nawnooq laachaab'ilal chiru naq wank aab'ihomal; q'axal us wi' chik li loq'al chiru li oor ut li plaat.

Li Santil hu

¹ Kꞌaxal us nak ta̱abi̱k resil nak cha̱bil xnaꞌleb junak chiru nak cua̱nk nabal lix biomal. Kꞌaxal us nak ta̱qꞌuehekꞌ xlokꞌal chiru nak cua̱nk nabal lix oro ut lix plata.

Proverbios 22:1 ပူးပေါင်းရင်းမြစ်များ

Eclesiastés 7:1

Q'axal us naq chaab'il te'aatinaq chawix chiru naq taab'on aawib' sa' k'iila sununkil b'an. Jwal us li xkutankil li kamk chiru li xkutankil li yo'laak.

San Lucas 10:20

Ab'anan misaho'k sa' eech'ool rik'in naq eb' li maa'us aj musiq'ej neke'paab'ank cheru; chexsaho'q b'an rik'in naq tz'iib'anb'il leek'ab'a' sa' choxa.

1 Reyes 1:47

ut eb' laj k'anjel chiru laj David li awab'ej xe'wulak chi xk'eeb'al xsahil xch'ool rik'in xyeeb'al re: «A' taxaq li Yos chixnimob'resi xwankil laj Salomón chi yo'oon chawu laa'at ut chixyu' ru li x'awab'ejihom chiru laawe!». A' ajwi' laj David li awab'ej xchunub' rib' chiru li xch'aat chi xloq'oninkil li Yos

Filipenses 4:3

Jo'kan ajwi' nintz'aama chawu, a Sísigo, tz'aqal “wech aj k'anjelilat”, naq chatenq'aheb' li ixq a'an, xb'aan naq kaw xe'k'anjelak wochb'eeneb' chirix li Chaab'il Esilal. A'an ajwi' xb'aanu laj Klemente ut eb' li junch'ol chik aj tenq' we, li ak wankeb' xk'ab'a' sa' xhuhil li yu'am.

Hechos 7:10

ut kirisi sa' chixjunil li xrahilal. Kixk'e xna'leb' re naq usilal tixtaw chiru laj Parahón, awab'ej re Ejiipt; ut a'in kixxaqab' laj José cho'q aj jolominel re Ejiipt jo'wi' re chixjunil li xjunkab'al.

Hebreos 11:39

Ut chixjunileb' a'an, us ta chaab'il nayeemank chirixeb' xb'aan li xpaab'aaleb', ab'an ink'a' koxe'xtaw li k'aru yeechi'inb'il xb'aan li Yos.

Proverbios 10:7

Junelik osob'tesinb'il li xk'ab'a' li winq chaab'il; a'ut li ink'a' us xna'leb' sa' junpaat taasache'q li xk'ab'a'.