Proverbios 21:4 - Q'eqchi Bible

⁴ Li q'etq'etil ut li nimob'resink ib' a'an maak. Jo'kan ajwi' li xk'a'uxeb' li ink'a' useb' xch'ool.

Li Santil hu

⁴ Li kꞌetkꞌetil ut li nimobresi̱nc ib, aꞌan ma̱c. Joꞌcan ajcuiꞌ lix cꞌaꞌuxeb li incꞌaꞌ useb xnaꞌleb.

Proverbios 21:4 ပူးပေါင်းရင်းမြစ်များ

1 Pedro 5:5

Jo'kan ajwi' laa'ex li saaj al, chexpaab'anq chiruheb' li xcheekel winqilaleb' li Iklees, ut chetiqib'aq eerib' chejunilex rik'in q'unil ch'oolej cherib'il eerib', xb'aan naq: “Li Yos xik' narileb' li b'ach'b'ach'eb', ab'an narusilaheb' li q'uneb' xch'ool”.

Proverbios 6:17

li q'etq'etil, li tik'ti'ik, li kamsink poyanam maak'a'eb' xmaak,

Isaías 2:17

Eb' li neke'xnima rib' te'xkub'si li rilob'aal ut eb' li q'etq'et te'kub'siiq xwankil; chixjunileb' li jalanil yos te'juk'manq, ut ka'aj chik li Qaawa' taanimaaq ru sa' li kutan a'an.

Proverbios 8:13

Roxloq'inkil ru li Yos a'an xtz'eqtaanankil li maa'usilal; laa'in xik' nawil li q'etq'etil, li nimob'resink ib', li yib'ru yu'amej ut li tik'ti'.

Romanos 14:23

Ab'anan li naxka'b'rixink xch'ool naq yo chi tzekank, a'an naxb'oq tojb'amaak sa' xb'een, xb'aan naq ink'a' k'ojk'o xch'ool naq naxb'aanu a'an. Chixjunil li na'uxmank chi ink'a' k'ojk'o qach'ool chi xb'aanunkil, a'an maak.

San Lucas 18:14

“Ninye eere naq a'in kisutq'iik sa' rochoch chi tiikob'resinb'il chik li xch'ool, ut li jun chik ink'a'. Xb'aan naq yalaq ani tixnimob'resi rib', taakub'siiq xwankil; ut li tixkub'si rib', taaterq'usiiq xwankil”.

Isaías 3:16

Li Qaawa' kixye ajwi' chi jo'ka'in: “Eb' li ixq aj Sión q'axal neke'xk'e xwankil, neke'xja'ab' rib' naq neke'b'eek; jwal josq' josq' neke'ilok ut neke'xk'osatq li xyokb' yal re xk'eeb'al chi eek'ank li xsahob' ru li roqeb'.

Proverbios 21:27

Li Qaawa' naxtz'eqtaana li xmayejeb' li ink'a' useb' xch'ool. Ma toja' ta chik naq yal kab' rix xch'ooleb' naq neke'xk'e?

Proverbios 15:8

Li Qaawa' xik' naril li xmayejeb' li ink'a' useb' xch'ool; ab'an naxk'ul chi anchal xch'ool li xtijeb' li chaab'ileb' xyu'am.

Salmos 10:4

Laj maak ink'a' naxsik' li Qaawa' xb'aan naq q'etq'et; junelik naxye sa' xch'ool: “Moko wank ta li Yos!”, chan.

Isaías 2:11

Taawulaq xkutankil naq eb' li neke'xnima rib' te'xkub'si li rilob'aal ut eb' li q'etq'et te'kub'siiq xwankil. Toja' naq ka'aj chik li Qaawa' taanimaaq ru.

Proverbios 30:13

Wankeb' neke'xnimob'resi rib' ut yal sa' rix ruheb' neke'ril chixjunileb'.

San Lucas 11:34

Li xsaqenk li tz'ejwalej a'an li xsa' laawu. Wi saqenk ru xsa' laawu, chixjunil laajunxaqalil saqenaq ajwi' ru; ab'an wi ink'a' chaab'il xsa' laawu, chixjunil laajunxaqalil taawanq sa' aak'ab'.

Proverbios 24:20

Xb'aan naq li ink'a' useb' xch'ool, ra toxe'oso'q wi', ut sa' junpaat te'oso'q jo' naq nachupk junaq saqenk.

Li xHu LAJ JOB 18:5

Taachupq xsaqenk li ink'a' us xna'leb', ut ink'a' chik taalemtz'uno'q li raq' xxamlel.

Li xHu LAJ JOB 18:6

Taamoyq ru li xsaqenk, ut maak'a'aq chik kutan sa' xmuheb'aal.

Salmos 101:5

Li naxyoob' aatin sa' muqmu chirix li ras riitz'in, a'an tintz'eqtaana chi junajwa. Li naxq'etq'eti rib' ut naxnima xwankil, a'an ink'a' tinkuy xmaak.

Salmos 131:1

B'ich re li taqsink. Xsaalm laj David. At Qaawa', ink'a' ninnimob'resi wib' chi moko ninq'etq'eti wib'. Ink'a' ninsik' xninqal ru na'leb' chi moko k'a' re ru jwal ch'a'aj cho'q we.

Proverbios 6:16

Wank waqib' li na'leb', malaj wuqub', li ink'a' nawulak chiru li Yos ut xik' na'ile'k xb'aan chi junajwa:

Isaías 10:12

Naq akaq xraqe'k li Qaawa' chi xb'aanunkil li xk'anjel sa' li tzuul Sión ut Jerusalén, tixrahob'tesi li awab'ej re Asiria xb'aan li xq'etq'etil ut li xnimob'resinkil rib'.