Proverbios 21:3 - Q'eqchi Bible

³ Xb'aanunkil li usilal ut li tiikilal, q'axal loq' cho'q re li Qaawa' chiru chixjunil li k'atb'il mayej.

Li Santil hu

³ Chexcua̱nk saꞌ cha̱bilal ut saꞌ ti̱quilal xban nak aꞌan li kꞌaxal lokꞌ chiru li Dios chiru li cꞌatbil mayej.

Proverbios 21:3 ပူးပေါင်းရင်းမြစ်များ

1 Samuel 15:22

Toja' naq kixye laj Samuel: “Ma rik'in tab'i' k'atb'il mayej ut eeyeechi'om nak'ojlaak xch'ool li Qaawa'? Malaj a' li xpaab'ankil li raatin a'an li q'axal nawulak chiru? Jwal us paab'ank chiru mayejak, jwal loq' ab'ink chiru li xxeeb'ul li karneer.

Oseas 6:6

Li nawoyb'eni eerik'in, a'an naq tineera, ut maawa' junes mayejak. Maak'a' aj e naq nekek'at leemayej chiwu laa'in wi ink'a' nekek'e inloq'al jo' Yos.

Proverbios 15:8

Li Qaawa' xik' naril li xmayejeb' li ink'a' useb' xch'ool; ab'an naxk'ul chi anchal xch'ool li xtijeb' li chaab'ileb' xyu'am.

San Marcos 12:33

ut xraab'al A'an chi anchal qach'ool, chi anchal qak'a'uxl ut chi anchal qametz'ew, jo' ajwi' xraab'aleb' li qas qiitz'in jo' naq naqara qib' a'an q'axal nim xwankil chiru chixjunileb' li k'atb'il xul ut li k'a'aq chik ru chi mayejil.

Salmos 50:8

Moko laamayej ta nakatinq'us wi', chi moko laak'atb'il yeechi'om li junelik nakaq'axtesi we.

Salmos 40:7

Mayejak ut yeechi'ink ink'a' xawaj, xteeb'al b'an chik linxik xab'aanu. Ink'a' xapatz' k'atb'il xul chi moko mayejak;

Zacarías 7:9

“Jo'ka'in naxye li Nimajwal Yos: Chexraqoq aatin sa' tiikilal, aj uxtaanaqex ut rahomaq eerib' cherib'il eerib'.