Proverbios 21:10 - Q'eqchi Bible

¹⁰ Li ink'a' us xna'leb' junes maa'usilal naxik wi' xch'ool; maajun sut naril xtoq'ob'aal ru li ras riitz'in.

Li Santil hu

¹⁰ Li incꞌaꞌ useb xnaꞌleb junes ma̱usilal nequeꞌxcꞌoxla xba̱nunquil. Ut incꞌaꞌ nequeꞌril xtokꞌoba̱l ruheb li ras ri̱tzꞌin.

Proverbios 21:10 ပူးပေါင်းရင်းမြစ်များ

1 Juan 2:16

Xb'aan naq chixjunil li k'a'aq re ru wank sa' ruuchich'och' (li ratawankil li naraj li tz'ejwalej, li ratawankil li naraj li xsa' uhej ut li q'etq'etil xb'aan li b'ihomal) moko rik'in ta li Yuwa'b'ej nachalk, rik'in b'an li ruuchich'och'.

Proverbios 3:29

Matyoob'ank rahilal chirix laawas aawiitz'in li k'ojk'o xch'ool chawix.

Santiago 2:13

Xb'aan naq maak'a'aq uxtaanal sa' li raqb'a aatin cho'q re li ink'a' ki'uxtaanank u; a'ut li na'uxtaanank u naxq'ax ru li raqb'a aatin.

1 Corintios 10:6

Chixjunil a'an kik'ulmank jo' loq'laj eetalil cho'q qe, re naq ink'a' tqarahi ru li ink'a' us kama' naq eb' a'an ke'xrahi chaq ru.

Proverbios 21:13

Li ink'a' naruxtaana ru li neb'a' naq wank sa' rahilal, ink'a' ajwi' taatenq'aaq naq tixpatz' usilal.

Proverbios 12:12

Xrahinkil ru li ink'a' us, a'an chanchan jun ra'al cho'q reheb' li ink'a' useb' xna'leb'; a'ut eb' li chaab'ileb' xch'ool chanchaneb' li che' cham naxik wi' li xxe'eb'.

Salmos 112:9

Nasihink chi yo'oon reheb' li neb'a', ut li xchaab'ilal xch'ool wank chi junelik. Tixtaqsi li rilob'aal chi wanq xloq'al.

Salmos 112:5

Us xaq re li natoq'ob'ank u ut nak'ehok chi to' li xtumin, ut naxjolomi chi chaab'il li xjunkab'al.

Salmos 36:4

Junes tz'ajn aj aatin naxye ut ka'aj chik b'alaq'ik naxb'aanu; ink'a' naraj xtawb'al ru chi moko xb'aanunkil li us.

Proverbios 2:14

a'eb' li neke'saho'k xch'ool chi xb'aanunkil li ink'a' us ut k'ojk'o xch'ooleb' sa' li maa'usilal,

Proverbios 14:21

Xtz'eqtaanankil li amiiw, a'an maak; ab'an li Yos narosob'tesi li naruxtaana ru li neb'a'.

Proverbios 21:9

Jwal us li wank sa' kuukil ochoch chiru li wank sa' chaab'il kab'l rochb'een junaq josq' aj ixq.