Proverbios 21:1 - Q'eqchi Bible

¹ Li xk'a'uxl li awab'ej chanchan jun nima', li nak'ame'k xb'aan li Yos b'arwi' naraj A'an.

Li Santil hu

¹ Joꞌ nak li Ka̱cuaꞌ naxberesi li nimaꞌ, joꞌcan ajcuiꞌ nak naxberesi lix cꞌaꞌuxeb li rey.

Proverbios 21:1 ပူးပေါင်းရင်းမြစ်များ

Proverbios 16:9

Laa'o naqak'uub' li tqab'aanu wulaj kab'ej, ab'an li Yos yaal re b'ar tooxik.

Proverbios 20:24

Li Qaawa' nak'utuk xb'e li junjunq. Maajun naxnaw xjunes b'ar yo chi xik.

Esdras 6:22

Chiru wuqub' kutan ke'xninq'ehi li xKutankil li wa ink'a' yuub'il, chi sa sa' xch'ooleb', xb'aan naq li Qaawa' kixnujob'resiheb' rik'in sahil ch'oolej naq kixjal xk'a'uxl li awab'ej re Asiria re xtenq'ankileb' chi xyiib'ankil wi' chik li rochoch li Qaawa', li xYos laj Israel.

Hechos 7:10

ut kirisi sa' chixjunil li xrahilal. Kixk'e xna'leb' re naq usilal tixtaw chiru laj Parahón, awab'ej re Ejiipt; ut a'in kixxaqab' laj José cho'q aj jolominel re Ejiipt jo'wi' re chixjunil li xjunkab'al.

Proverbios 16:1

Li winq naxk'uub' li k'aru tixb'aanu, ab'an li Qaawa' yaal re xb'aanunkil.

Daniel 4:35

Chiru A'an maak'a' neke'ok wi' eb' li poyanam sa' ruuchich'och'. Naxb'aanu li k'aru naraj rik'ineb' li wankeb' sa' choxa jo' ajwi' rik'ineb' li wankeb' sa' ruuchich'och'; maajun naxkuy wank chiru ut maa'ani taapatz'oq re k'a'ut naq naxb'aanu chi jo'kan.

Salmos 106:46

Kixtoch' xch'ooleb' li wankeb' wi' chi preexil re naq te'xtoq'ob'a ruheb'.

Isaías 43:19

Jalan chik li k'aru tinb'aanu, ut ak xintikib' xb'aanunkil. Ma toj maji' nekek'e reetal? Yaal naq tinte junaq b'e sa' li chaqich'och', jo' junaq nimb'e sa' li junesal na'ajej.

Salmos 105:25

Kixpo' xch'ooleb' laj Ejiipt re naq xik' chik te'ril li xtenamit ut te'xra'aleheb' li sik'b'ileb' ru xb'aan.

Nehemías 2:4

Kixye li awab'ej: “K'aru taawaj tinb'aanu?”. Toja' naq kinyaab'a xk'ab'a' li choxahil Yos

Nehemías 1:11

Nintz'aama chawu, at Qaawa', chawab'i taxaq lintz'aamahom ut li xtijeb' laj k'anjel chawu li neke'raj xnimankil laak'ab'a'. Chak'e taxaq naq us tin'elq ut usilal toxintaw rik'in li awab'ej”. Sa'eb' li kutan a'an laa'in aj k'ehol ruk'a' li awab'ej naq kinwank.

Salmos 74:15

Laa'at kattehok xyo'leb'aal li ha' sa' pek, ut kachaqihob'resi li yu'amha' chi junajwa.

Isaías 44:27

Laa'in wank inwankil chi xyeeb'al re li palaw: «Chatchaqiq! Maak'a'aq chik ha' sa' laachamal!».

Salmos 93:4

A'ut jwal nim laawankil, at Qaawa', chiru li xyaab' li k'iila nima' ut li xkaw oq li palaw; jwal nim laawankil sa' choxa, at Qaawa'.

Apocalipsis 16:12

Li xwaq li ánjel kixhoy li xsek' sa' xb'een li nima' Éwfrates, ut kichaqik li ha' re naq kawresinb'ilaq xb'eheb' li awab'ej te'chalq chaq sa' releb'l saq'e.

Apocalipsis 16:4

Li rox kixhoy li xsek' sa' xb'eeneb' li nima' ut sa' xb'eeneb' li yo'leb'aal ha', ut ke'sutq'iik cho'q kik'.

Salmos 114:5

K'aru xak'ul, at palaw, naq yookat chi elelik, k'a'ut naq nakatq'ajk chawix, at Jordán?

Salmos 114:3

Li palaw kiril ut ki'elelik, li nima' Jordán kiq'ajk chirix.

Jeremías 39:12

“K'am li propeet ut taawil chi us; maab'aanu junaq rahilal re, chab'aanu b'an li k'aru tixye aawe a'an”.

Éxodo 7:3

Ab'an laa'in tinkawub'resi xch'ool laj Parahón; us ta naab'al li xninqal ru eetalil ut li sachb'ach'oolej tinb'aanu sa' xteepal Ejiipt,

2 Reyes 19:33

Taasutq'iiq b'an sa' li b'e xchalk wi', ink'a' taa'ok sa' li tenamit a'in, chan li Qaawa'.

Esdras 1:1

Sa' li xb'een chihab' rokik laj Siro cho'q awab'ej re Persia, re naq taatz'aqloq ru li raatin li Qaawa' kixye chi xtz'uumal re laj Jeremías, li Qaawa' kixtoch' xch'ool laj Siro, awab'ej re Persia, re naq tixtaqla xpuktesinkil li chaq'rab' a'in chi yeeb'il ut chi tz'iib'anb'il, sa' chixjunileb' li na'ajej wankeb' rub'el li xwankil:

Esdras 1:2

“Jo'ka'in xye laj Siro, awab'ej re Persia: Li Qaawa', li xYos li choxa, xk'e rub'el linwankil chixjunileb' li tenamit sa' ruuchich'och'. Ut a'an xchaq'rab'ink we naq tinkab'la jun rochoch aran Jerusalén, sa' xteepal Judá.

Nehemías 2:8

Jo'wi' anchal tz'iib'a junaq hu cho'q re laj Asaf, laj k'aak'alehom reheb' li k'iche' re li awab'ej, re naq tixk'e inche' tinyiib' wi' rokeb'aal li kawub'resinb'il na'ajej chi xk'atq li Loq'laj Ochoch, jo' ajwi' li xsuttz'akil li tenamit ut li ochoch tinhilanq wi'”. Li awab'ej kixk'e we chixjunil li kintz'aama, xb'aan naq li rusilal linYos wank wik'in.

Ester 2:17

Laj Asuero koho xch'ool chirix lix Ester jo' maajun wa kixk'ul xb'aan junaq chik ixq. Jo'kan naq k'ajo' naq kirusila ru ut q'axal kixra chiru chixjunileb' li ixq ak xnawom ruheb'. Kixk'e li koroon chi xjolom ut kixxaqab' cho'q reeqaj lix Vasti.