Proverbios 20:3 - Q'eqchi Bible

³ Li maak'a' xna'leb' naxch'ik rib' sa' raaxiik'; ab'an li narisi rib' chisa', xk'ulub' naq taak'eemanq xloq'al.

Li Santil hu

³ Li ani incꞌaꞌ napletic, aꞌan jun lokꞌal chokꞌ re. Abanan li ani ma̱cꞌaꞌ xnaꞌleb, junes ticoc ple̱t naxba̱nu.

Proverbios 20:3 ပူးပေါင်းရင်းမြစ်များ

Proverbios 16:32

Q'axal us naq wanq aakuyum chiru li xkawilal aawib'; ut jwal us xkuyb'al aawib' chiru reechaninkileb' li k'iila tenamit.

Proverbios 17:14

Xyoob'ankil li raaxiik', a'an jo' xteeb'al li tz'akanb'il ha': q'axal us li elk chi junpaat chiru naq taanimanq li xik'il uuchink.

Efesios 4:32

Chaab'ilaqex b'an cherib'il eerib', aj uxtaanaqex, chekuyaq eemaak cherib'il eerib', jo' ajwi' naq li Yos kixkuy eemaak sa' xk'ab'a' li Kriist.

Proverbios 19:11

Li wank xk'a'uxl naxkuy li xjosq'il; ut naxtaw xloq'al wi ink'a' naxk'e sa' xch'ool li hob'e'k.

Proverbios 14:29

Li wank xna'leb' ink'a' najosq'o'k sa' junpaat; li maak'a' xkuyum naxk'ut li xmemil.

Santiago 4:1

B'ar nachalk chaq li raaxiik' ut li ch'e'oj ib' wank sa' eeyanq? Ma ink'a' tab'i' nachalk xb'aan li maa'usilal naxamnak sa' leejunxaqalil?

Proverbios 18:6

Li maak'a' xna'leb' naxch'ik rib' sa' raaxiik', ut rik'in li raatin naxsik' xlob'.

Santiago 3:14

Ab'anan wi q'axal aj kaqalex ut nekexsemsotk chi wech'ink k'a'uxl, meenimob'resi eerib' chi xyeeb'al naq wank eena'leb'. Rik'in xb'aanunkil a'an nekesutq'isi li yaal cho'q tik'ti'.

Proverbios 21:24

Aj rahob'tesinel, q'etq'et ut aj eetz'unel, a'an nayeemank re li naxnimob'resi rib' chiruheb' li ras riitz'in.

Proverbios 14:17

Li sa' junpaat najosq'o'k ink'a' naxk'oxla li naxb'aanu; ut li naxnaw k'oxlak, wank xkuyum.

2 Reyes 14:9

Ab'an laj Johás, awab'ej re Israel, kixtaqla xsumenkil li raatin laj Amasías, awab'ej re Judá, chi jo'ka'in: “Li jun toon chi k'ix re Líbano kixtaqla xyeeb'al re li jun toon chi yaw re Líbano: «K'e we laarab'in cho'q rixaqil li walal», chan. Ab'anan kinume'k jun josq' aj xul re Líbano ut kixyeq'i li k'ix sa' roq.

Génesis 13:7

Neke'xch'i'ch'i'i rib'eb' laj ilol xketomq laj Abrán rik'ineb' laj ilol xketomq laj Lot (sa'eb' li kutan a'an wankeb' chaq laj Kanahán ut eb' laj Perés sa' li na'ajej a'an).

Génesis 13:8

Jo'kan naq laj Abrán kixye re laj Lot: “Maak'a'aq taxaq raaxiik' sa' qayanq laa'o, sa' xyanqeb' laj ilol re linketomq rik'ineb' laawe, xb'aan naq laa'o qiitz'in qib'.

Proverbios 26:17

Ani naxch'ik rib' sa' xraaxiik' jalan chik, a'an chanchan yo chi xchapb'al li xxik junaq tz'i'.