Proverbios 20:2 - Q'eqchi Bible

² Naq li awab'ej najosq'o'k, naxjap re jo' li kaqkoj; li ani nayoob'ank xjosq'il xiw xiw wank li xyu'am.

Li Santil hu

² Nak najoskꞌoꞌ li rey, aꞌan chanchan nak najoskꞌoꞌ li cakcoj. Li ani naxchikꞌ xjoskꞌil li rey naxqꞌue xyuꞌam saꞌ xiu.

Proverbios 20:2 ပူးပေါင်းရင်းမြစ်များ

Proverbios 19:12

Naq li awab'ej najosq'o'k, naxjap re jo' li kaqkoj; ut naq na'usilank, a'an chanchan li k'ajob' sa' xb'een li pach'aya'.

Eclesiastés 10:4

Wi taajosq'o'q sa' aab'een li wank xwankil, mich'inank aach'ool. Relik chi yaal wi wank aakuyum, naru taak'uub' ru li xninqal ch'a'ajkilal.

Proverbios 8:36

Ab'an li natz'eqtaanank we, naxsach rib' xjunes; li xik' na'ilok we, naxsik' li xkamik”.

1 Reyes 2:23

Toja' naq laj Salomón li awab'ej kixye xjurament sa' xk'ab'a' li Qaawa': “A' taxaq li Yos tinxk'e chi xtojb'al linmaak chi q'axal ra, wi ink'a' taakamq laj Adonías xb'aan li k'aru xtz'aama chiwu.

Oseas 11:10

A' chik li Qaawa' te'xtaaqe, ut A'an tixjap re jo' naxb'aanu li kaqkoj. Tixjap re, ut chixjunileb' li alalb'ej te'chalq sa' xjayal rokeb'l saq'e chi siksootqeb' xb'aan xxiweb'.

Habacuc 2:10

Chi jo'kan xak'e sa' xutaan laawochoch, ut yal xasik' laarahilal naq xajuk'i eb' li k'iila tenamit.

Amós 3:8

Ani ink'a' naxiwak naq naxjap chaq re li kaqkoj? Ani ink'a' taa'aatinaq jo' propeet wi li Qaawa' nayehok re?

Números 16:38

Li xxanxaareb' li winq a'in li xe'kamk xb'aan naq xe'maakob'k, santob'resinb'ileb' chik anaqwan xb'aan naq xe'oksiik chiwu laa'in. Rik'ineb' li xanxaar a'in teeyiib' perpookil ch'iich' ut letzomaq chiru li artal. A'anaq ajwi' jun li reetalil chiruheb' laj Israel”, chan li Qaawa'.

1 Reyes 2:24

Sa' xk'ab'a' li Qaawa' li xk'ojob'ank we sa' xna'aj laj David linyuwa' ut xk'e inwankil cho'q awab'ej ut xkawub' linjunkab'al jo' tz'aqal kixyeechi'i, ninye li waatin naq sa' li kutan a'in ajwi' taakamq laj Adonías”, chan.