Proverbios 2:9 - Q'eqchi Bible

⁹ Taanaw ajwi' xyaalal li tiikil ch'oolej ut li yaal, ut taataw ru k'aru li chaab'ilal.

Li Santil hu

⁹ Cui ta̱cuabi li cua̱tin la̱at, ta̱nau chic bar cuan li us ut bar cuan li ti̱quilal. Ut cua̱nk chic a̱naꞌleb chixtaubal ru chanru li cua̱nc saꞌ cha̱bilal.

Proverbios 2:9 ပူးပေါင်းရင်းမြစ်များ

Jeremías 6:16

Jo'ka'in kixye li Qaawa': “Xaqlinqex sa'atqeb' li b'e ut ilonqex, patz'omaq chirixeb' li najter b'e b'ar wank li b'e chaab'il; a'an li b'e teek'am re naq sa chik texwanq”. A'ut eb' a'an ke'xye: “Ink'a' naqaj xik sa' li b'e a'an”, chankeb'.

Isaías 48:17

Jo'ka'in kixye li Qaawa', laj Kolol aawe, li xSant laj Israel: “Laa'in li Qaawa', laaYos; laa'in nink'ut chawu li k'aru us cho'q aawe ut nakatinb'eres sa' li b'e tento taak'am.

San Juan 14:6

Kixye li Jesus re: —Laa'in li b'e, li yaal ut li yu'am. Maa'ani naxik rik'in li Yuwa'b'ej, wi ink'a' ta sa' ink'ab'a'.

Salmos 119:99

Q'axal chik nintaw inna'leb' chiruheb' chixjunil laj tzolol we, xb'aan naq junelik nink'oxla li nakawaj.

Salmos 32:8

“Tatintzol, tink'ut chawu li b'e li tento taak'am, chan li Qaawa'; junelik yooqin chawilb'al naq tatinb'eres.

Isaías 35:8

Ut taawanq jun nimb'e li tixk'ab'a'in: “Loq'laj B'e”. Ink'a' te'nume'q aran li ink'a' neke'xpaab' li Qaawa', chi moko eb' li maak'a' xna'leb' te'xb'eeni rib' chisa'.

Salmos 119:105

Lochlookil xam laawaatin cho'q we laa'in: a'an nakutanob'resink re linb'e.

Proverbios 4:18

Li xyu'ameb' li tiikeb' xch'ool a'an chanchan xsaqenkil li hik'e'k: na'ok chi lemtz'unk toj reetal nakutano'k ru sa' wa'leb'.

Proverbios 8:20

Laa'in ninb'eek sa' li tiikilal, ut sa' xb'ehil li tz'aqal yaal,

Proverbios 28:5

Eb' li ink'a' useb' xna'leb' ink'a' neke'xtaw ru li tiikilal; ab'an li neke'xsik' li Qaawa', neke'xtaw ru chixjunil.

Salmos 25:12

Ma wank junaq napaab'ank re li Qaawa'? A' ajwi' li Yos taak'utuq chiru li b'e tento tixk'am.

Proverbios 4:12

Chi jo'kan sa' laab'eenik maak'a' taach'i'ch'i'inq aawe, ut wi tat-aanilaq, ink'a' tattichk'oq.