Proverbios 19:2 - Q'eqchi Bible

² Maak'a' sa xb'aanunkil naq maak'a' li k'oxlak; li seeb'ank ib' nak'ehok chi maakob'k.

Li Santil hu

² Junak cristian ma̱cꞌaꞌ xnaꞌleb incꞌaꞌ naxcꞌoxla chi us li cꞌaꞌru naxba̱nu. Xban nak naxba̱nu saꞌ junpa̱t aꞌan naqꞌuehoc re chi ma̱cobc.

Proverbios 19:2 ပူးပေါင်းရင်းမြစ်များ

Proverbios 21:5

Li k'aru k'oxlanb'il rix chi chaab'il, q'axal us na'elk; a'ut li na'uxmank sa' junpaat, taajuk'e'q chi junwaakaj.

Filipenses 1:9

Ut a'an a'in li nintz'aama sa' lintij: naq leerahom chik'iiq chi junelik rik'in xtawb'al eena'leb' jo'wi' xtawb'al xyaalal chixjunil,

Proverbios 29:20

Jwal nim chik li woyb'enihom rik'in junaq li maak'a' xna'leb' chiru li qoyb'enihom rik'in li ink'a' naxk'oxla li k'aru naxye.

Romanos 10:2

Ninch'olob' xyaalal chirixeb' naq q'axal neke'x'oxloq'i li Yos, ab'anan moko jo' ta tz'aqal naraj li paab'ank.

San Juan 16:3

Te'xb'aanu a'in xb'aan naq ink'a' xe'xnaw ru li Yuwa'b'ej chi moko xe'xnaw wu laa'in.

Oseas 4:6

Yo chi kamk lintenamit xb'aan naq ink'a' neke'xnaw wu. Ut laa'at, aj tij, xatz'eqtaana xnawb'al wu, jo'kan naq tatwisi sa' laak'anjel. Xb'aan naq xatz'eqtaana li xchaq'rab' laaYos, laa'in ajwi' teb'intz'eq chirix inch'ool eb' laawalal aak'ajol.

Isaías 28:16

Jo'kan naq li Qaawa' kixye chi jo'ka'in: “K'ehomaq reetal naq aran Sión tink'ojob' jun li pek sik'b'il ru ut jwal loq'; a'anaq li xnimal ru pek ut rub'elankilaq li ochoch. Li k'ojk'o sa' xb'een a'an, ink'a' taawiib'anq xch'ool.

Proverbios 28:20

Li tiik xch'ool, naab'aleb' neke'osob'tesink re; a'ut li nab'ihomo'k chi junpaat, toxtoj rix li xmaak.

Eclesiastés 12:9

Laj Ch'olob'anel a'an jun li winq kiwank xna'leb' ut kixtzoleb' chi us li tenamit. Kixk'e xch'ool chi xtz'ilinkil rix ut xtawb'al xyaalal chixjunil. Kixtz'iib'a ajwi' naab'al li tustuukil na'leb'.

Eclesiastés 7:9

Matjosq'o'k sa' junpaat, xb'aan naq li josq'il wank sa' xch'ooleb' li jipeb'.

Proverbios 28:22

Li pix aj winq narataw b'ihomo'k chi junpaat, ut ink'a' naxnaw naq sa' neb'a'il tox'oso'q.

Proverbios 25:8

matxik sa' aanil chi jitok sa' raqleb'aal aatin, xb'aan naq mare jalan chik toxch'olob'anq li yaal ut laa'at ink'a' chik taanaw k'aru taab'aanu.

Proverbios 14:29

Li wank xna'leb' ink'a' najosq'o'k sa' junpaat; li maak'a' xkuyum naxk'ut li xmemil.

Proverbios 1:16

xb'aan naq neke'xseeb'a rib' chi xb'aanunkil li maa'usilal ut chi xkamsinkil li ras riitz'ineb'.

Proverbios 10:21

Li raatin li tiik xch'ool naxtenq'a naab'aleb' chi poyanam; a'ut li kaw xjolom nakamk xb'aan xmaak'a'il xna'leb'.

Isaías 27:11

Naq eb' li ruq' che' neke'chaqik, neke'toqiik; toja' naq neke'chalk eb' li ixq ut neke'xtz'ab' xxameb' chiru. Li tenamit a'an maak'a' xna'leb', jo'kan naq Li kiyoob'tesink re, laj Winqob'resihom re, ink'a' taaril xtoq'ob'aal ru.

Li xHu LAJ JOB 31:5

Ninye li waatin naq maajun sut xinye li tik'ti' chi moko xinb'alaq'i anihaq.

2 Reyes 4:39

Jun reheb' li propeet koho sa' k'aleb'aal chi xsik'b'al richaj, ut kixtaw chaq k'umpaap. Rik'in a'an kixnujob'resi chaq li xt'ikr, ut naq kisutq'iik chaq, kixseti sa' uk'al, sa' xyanq li tzekemq, chi ink'a' naxnaw k'aru a'an.