Proverbios 17:8 - Q'eqchi Bible

⁸ Li natuminank u, sa' xch'ool a'an naq us na'elk sa' chixjunil li naxb'aanu.

Li Santil hu

⁸ Li tumina̱nc u kꞌaxal terto xtzꞌak chiruheb li cꞌaynakeb chi tuminac u xban nak riqꞌuin aꞌan us nequeꞌel riqꞌuin chixjunil li nequeꞌxba̱nu.

Proverbios 17:8 ပူးပေါင်းရင်းမြစ်များ

Éxodo 23:8

“Matk'uluk maatan, xb'aan naq li maatan naxmutz'o'b'resi li seeb'eb' xch'ool ut naxpo' ru li tiikilal.

Miqueas 7:3

K'aynaqeb' li ruq'eb' chi xb'aanunkil li maa'usilal; eb' laj jolominel kaw neke'titz'ok toj, eb' laj raqol aatin neke'tuminaak ruheb', ut eb' li ninqeb' xwankil neke'xb'aanu li neke'raj ut neke'xk'uub' ru li ink'a' us.

Amós 5:12

Laa'in ninnaw naq k'ajo' xk'ihal leemaa'usilal, ninnaw naq numtajenaq leemaak: nekerahob'tesi li tiik xch'ool, natuminaak eeru ut nekesach xwankileb' li neb'a' sa'eb' li raqleb'aal aatin.

Isaías 1:23

Q'axal q'etq'eteb' laj k'amol eeb'e ut wankeb' sa' amiiwil rik'ineb' laj elq'. Sa neke'ril li tuminaak li junjunq ut jwal neke'wulak chiru li k'uluk maatan. Ink'a' neke'xb'aanu usilal reheb' li neb'a'yox ut maak'a' neke'raj wi' li xch'a'ajkilal li xmalka'an.

Proverbios 21:14

Li sihink sa' muqmu naxkotz li josq'il wi nak'eemank sa' xq'ehil.

Proverbios 17:23

Li ink'a' us xna'leb' nak'uluk tumin sa' muqmu, re naq ink'a' taawanq li tiikilal.

1 Samuel 25:35

Chirix chik a'an laj David kixk'ul sa' ruq' lix Abigahil li k'aru kixk'am chaq, ut kixye re: “Anaqwan ayu sa' laawochoch chi maak'a'aq aak'a'uxl. K'e reetal, xwab'i li k'aru xaye ut tinb'aanu li xatz'aama chiwu”.

Deuteronomio 16:19

Ink'a' taajal ru li k'ulub'ej, ink'a' taati ruheb' li poyanam, maak'ulub'a naq te'xtumina aawu, xb'aan naq li tuminaak naxmutz'o'b'resi li ani wank xna'leb' ut naxjal ru li raatineb' li tiikeb' xch'ool.

Génesis 43:11

Toja' naq laj Israel, li xyuwa'eb', kixye reheb': “Wi maak'a' xja'lenkil, b'aanuhomaq. K'amomaq sa' leechakach li q'axal chaab'il na'elk sa' li qatenamit ut k'amomaq xsimaatan li winq a'an: b'ayaq xq'ol sununkil che', b'ayaq xya'al kab', miir ut sununkil b'an ut b'ayaq ki'il q'een.

Salmos 29:4

Li xyaab' xkux li Qaawa' a'an q'axal kaw, li xyaab' xkux li Qaawa' a'an rajawal nim xwankil.

Salmos 21:13

Xb'aan naq laa'at tat-aanilasinq reheb', laa'at tatjayalinq reheb' rik'in laasimaj.

Salmos 19:6

ut chanchan junaq b'eelomej li na'elk sa' xwarib'aal, nasaho'k sa' xch'ool li saq'e naq na'elk chaq eq'la, kama' junaq aj aanilanel li naxchap xb'e chi aanilak.

Salmos 18:16

Toja' naq xk'utunk xchamal li palaw, x'ilmank li rub'elankil li ruuchich'och' naq xatjosq'o'k, at Qaawa', rik'in xnimal aawapusihom.

Eclesiastés 7:7

Li wank xna'leb' namemob'resiik xch'ool naq nanumtaak sa' xb'eeneb' li ras riitz'in. Ut wi naxk'e rib' chi tuminaak ru, timil timil taapo'q li xna'leb'.

Génesis 32:14

lajeek'aal (200) chi ixqi chib'aat ut junmay chi teelom chib'aat, lajeek'aal chi ixqi karneer ut junmay chi teelom karneer.

Génesis 32:21

Jo'kan naq kixtaqla li maatan chi uub'ej ut kixnumsi li q'oqyink sa' xmuheb'aal.

Proverbios 18:16

Li sihink naxte chixjunileb' li b'e ut nokooxk'am toj wankeb' wi' li ninqeb' xwankil.