Proverbios 17:5 - Q'eqchi Bible

⁵ Li naxse'e li neb'a' naxhob' li Yos; li nasaho'k xch'ool rik'in li xrahilal, taaraqmanq aatin sa' xb'een.

Li Santil hu

⁵ Li ani nequeꞌhoboc reheb li nebaꞌ, aꞌ li Dios li quiyi̱ban reheb nequeꞌxhob. Ut li ani nasahoꞌ saꞌ xchꞌo̱l chirilbal li raylal nequeꞌxcꞌul, aꞌan incꞌaꞌ ta̱cana̱k chi incꞌaꞌ teꞌxtoj xma̱c.

Proverbios 17:5 ပူးပေါင်းရင်းမြစ်များ

Proverbios 14:31

Li natawasink li neb'a', naxmajewa laj Yoob'tesihom re; a'ut li na'uxtaanank ru, naxk'e xloq'al li Qaawa'.

1 Juan 3:17

Wi junaq b'ihom naril li ras riitz'in naq wank sa' rajb'al ru ut ink'a' tixtenq'a, chanru naq li xrahom li Yos wanq rik'in?

Proverbios 16:5

Li Qaawa' xik' naril li q'etq'et; ch'olch'o naq a'in tixk'ul li xq'ajkamunkil.

Li xHu LAJ JOB 31:29

Ink'a' xsaho'k inch'ool rik'in xrahilal li xik' na'ilok we, chi moko rik'in rilb'al naq wank sa' ch'a'ajkilal.

Proverbios 14:21

Xtz'eqtaanankil li amiiw, a'an maak; ab'an li Yos narosob'tesi li naruxtaana ru li neb'a'.

Romanos 12:15

Chisaho'q sa' eech'ool rik'ineb' li saheb' sa' xch'ool, chexyaab'aq rik'ineb' li yookeb' chi yaab'ak.

Jeremías 17:16

Ab'an laa'in maajun sut xwelaji aawu naq taataqla chaq li rahilal sa' xb'eeneb', chi moko xinyo'oni li rahilal cho'q reheb' a'an. Laa'at nakanaw chi us chixjunil linyehom, xb'aan naq inyehom chawu ut sa' laak'ab'a'.

Salmos 69:9

Ink'a' chik neke'xnaw wu eb' li was wiitz'in; ab'lin aj chik chiruheb' li ralal xk'ajol linna'.

Abdías 1:16

“Jo' naq xereek'a laa'ex xk'ahil li rahob'tesiik sa' linloq'laj tzuul, jo'kan ajwi' eb' li jalanil tenamit te'ruk' xsa' li xsek'ul linjosq'il chi kok'aq xsa' toj reetal te'oso'q chi junajwa.

Ezequiel 25:3

naq te'rab'i li aatin naxye li Qaawa': «Laa'ex xexsaho'k naq xsachmank xloq'al li wochoch, xjuk'mank li tenamit Israel ut eb' laj Judá xe'k'ame'k chi preexil.

Abdías 1:10

“Sa' xk'ab'a' xrahob'tesinkil ut xkamsinkil laawiitz'in laj Jakob, tatkanaaq sa' xutaan ut tat-oso'q chi junwaakaj.