Proverbios 17:3 - Q'eqchi Bible

³ Li oor ut li plaat sa' xam neke'ch'ajob'resiik; ab'an li qach'ool nayale'k rix xb'aan li Qaawa'.

Li Santil hu

³ Li oro ut li plata isinbil lix tzꞌajnil riqꞌuin xam. Abanan li Ka̱cuaꞌ narisi li ma̱usilal saꞌ xchꞌo̱leb li cristian.

Proverbios 17:3 ပူးပေါင်းရင်းမြစ်များ

Isaías 48:10

K'e reetal naq xatinch'ajob'resi; ab'anan moko jo' ta na'uxk re li plaat, xinyal b'an aawix rik'in li rahilal.

Jeremías 17:10

Laa'in, li Qaawa', nintz'il rix li ch'oolej ut ninnaw toj sa' xchamal li aanmej; ninq'ajkamu li junjunq a' yaal chanru li xyehom ut li xb'aanuhom”.

Salmos 26:2

Ka'yahin chi us, at Qaawa', chayal linpaab'aal; chatz'il rix link'a'uxl jo'wi' li waanm,

Proverbios 27:21

Li oor ut li plaat neke'ch'ajob'resiik sa' li xam; ut li winq nak'utunk rik'in li xloq'al nak'eemank.

1 Pedro 1:7

Xb'aan naq leepaab'aal, a'an chanchan li oor li nayale'k sa' xam re rilb'al ma chaab'il. Li paab'aal li naxkuy li yale'k, a'an q'axal loq' chiru li oor li nalajk na'oso'k. Jo'kan wi tz'aqal re ru leepaab'aal, taanimaaq leek'ab'a', jo' ajwi' leeloq'al ut leeroxloq'inkil sa' li xk'utb'esinkil rib' li Jesukriist.

1 Crónicas 29:17

Laa'in ninnaw, at inYos, naq laa'at nakatz'ili xch'ool chixjunileb' ut nawulak chawu li tiikilal. Jo'kan naq rik'in xtiikilal inna'leb' x'alaak sa' inch'ool xyeechi'inkil aawe chixjunil a'in. Ut anaqwan xink'e reetal rik'in xsahil inch'ool naq laatenamit, li ch'utch'uukeb' arin, xe'xk'e aawe li xmayejeb'.

Salmos 66:10

At qaYos, laa'at xatyalok rix li qapaab'aal ut xatz'il qix kama' naq nayale'k li plaat.

Apocalipsis 2:23

Tinq'axtesiheb' li ralal xk'ajol chi kamk. Chi jo'kan chixjunileb' li Iklees te'xnaw naq laa'in li nintz'ili li xch'ooleb' ut li xk'a'uxeb'. Tink'e eere chejunjunqal jo' chanru leeb'aanuhom.

Zacarías 13:9

Ut li jun jachal a'in tinnumsiheb' sa' xam, tinch'ajob'resiheb' jo' na'uxk re li plaat, tinpuuxi ruheb' jo' na'uxk re li oor. Toja' naq te'xyaab'a link'ab'a', ut laa'in tinsumeheb' chaq: «Intenamitex laa'ex», cha'qin reheb'; ut eb' a'an te'xye: «Li Qaawa' a'an li qaYos», cha'qeb'”.

Salmos 139:23

At Qaawa', chatz'ili wix ut chawil chanru linch'ool; chayal wix re xnawb'al chixjunil li naweek'a.

Proverbios 15:11

Wi li Qaawa' naxnaw k'aru wank sa' li xna'ajeb' li kamenaq, ma toja' ta chik sa' li qak'a'uxl?

Proverbios 17:2

Laj k'anjel seeb' xk'a'uxl taakanaaq cho'q aj eechal re li alab'ej maak'a' xna'leb', ut taatz'aqonq chi eechanink sa' xyanqeb' li wankeb' sa' li junkab'al a'an.

Ezequiel 22:18

“At kaamel winq, eb' li ralal xk'ajol laj Israel maak'a' chik neke'ok wi': chanchaneb' li rela' li q'unil q'anch'iich', li saqiq'unil ch'iich', li ki'ch'iich', li raxch'iich' malaj jo' li rela' li plaat ink'a' chik us naq naha'lesiik.

Daniel 11:35

Wankeb' aj k'ehol xna'leb' li tenamit te'kamsiiq, ab'an yal re xyalb'aleb' rix li junch'ol chik, re xch'ajob'resinkil xna'leb'eb' ut xsaab'esinkileb' li xkomon, toj sa' roso'jikeb' li kutan li ak xaqxo xb'aan li Qaawa'.

Deuteronomio 8:2

“Wanq sa' laach'ool chixjunil li b'e kixk'e chab'eeni li Qaawa' laaYos chiru li ka'k'aal chihab' a'in sa' li chaqich'och' re xkub'sinkil aawankil, re xyalb'al aawix ut xnawb'al k'aru wank sa' laach'ool: ma taapaab' li xchaq'rab' malaj ut ink'a'.

Deuteronomio 8:16

ut katxch'oolani sa' li chaqich'och' rik'in li maná li ink'a' xnawomeb' ru laana' laayuwa'. Kixkub'si aawankil ut kixyal aawix re naq moqon tixk'e xsahil laach'ool.

Li xHu LAJ JOB 23:10

A'ut a'an naxnaw chixjunil linb'aanuhom: wi tixyal wix, tinkanaaq jo' tz'aqal li chaab'il oor.

Li xHu LAJ JOB 28:1

Wank na'ajej na'isiik wi' li plaat ut wank na'ajej nach'ajob'resiik wi' li oor.

Proverbios 16:2

Li junjunq naxk'oxla naq us chixjunil li naxb'aanu; ab'an li Qaawa' naxtz'il rix li xchamal li ch'oolej.

Proverbios 21:2

Li junjunq naxk'oxla naq us chixjunil li naxb'aanu; ab'an li Qaawa' naxnaw li k'aru wank sa' li ch'oolej.