Proverbios 17:23 - Q'eqchi Bible

²³ Li ink'a' us xna'leb' nak'uluk tumin sa' muqmu, re naq ink'a' taawanq li tiikilal.

Li Santil hu

²³ Eb li incꞌaꞌ useb xnaꞌleb nequeꞌtumina̱c ru chi mukmu re xsachbal xcuanquil li ti̱quilal.

Proverbios 17:23 ပူးပေါင်းရင်းမြစ်များ

Miqueas 7:3

K'aynaqeb' li ruq'eb' chi xb'aanunkil li maa'usilal; eb' laj jolominel kaw neke'titz'ok toj, eb' laj raqol aatin neke'tuminaak ruheb', ut eb' li ninqeb' xwankil neke'xb'aanu li neke'raj ut neke'xk'uub' ru li ink'a' us.

Proverbios 17:8

Li natuminank u, sa' xch'ool a'an naq us na'elk sa' chixjunil li naxb'aanu.

Éxodo 23:8

“Matk'uluk maatan, xb'aan naq li maatan naxmutz'o'b'resi li seeb'eb' xch'ool ut naxpo' ru li tiikilal.

Deuteronomio 16:19

Ink'a' taajal ru li k'ulub'ej, ink'a' taati ruheb' li poyanam, maak'ulub'a naq te'xtumina aawu, xb'aan naq li tuminaak naxmutz'o'b'resi li ani wank xna'leb' ut naxjal ru li raatineb' li tiikeb' xch'ool.

Miqueas 3:11

Eb' laj raqol aatin sa' eeyanq neke'tuminaak ruheb', eb' laj tij neke'k'anjelak yal xb'aan aj chik li tumin ut eb' li propeet neke'xk'ayi eb' li raatin, neke'xkawub'resi xch'ooleb' rik'in li Qaawa' chi xyeeb'al: “Li Qaawa' wank sa' qayanq, ut maak'a' junaq rahilal tqak'ul”, chankeb'.

Ezequiel 22:12

Wankeb' neke'tuminaak ru chi xkamsinkileb' li poyanam, ut numtajenaq ral li to' tumin neke'xpatz'; neke'xtawasi eb' li ras riitz'ineb' ut neke'xmaq' sa' josq'il li k'a'aq ru reheb', ut xine'xtz'ek laa'in chirix xch'ooleb' -chan li Qaawa'-.

Isaías 1:23

Q'axal q'etq'eteb' laj k'amol eeb'e ut wankeb' sa' amiiwil rik'ineb' laj elq'. Sa neke'ril li tuminaak li junjunq ut jwal neke'wulak chiru li k'uluk maatan. Ink'a' neke'xb'aanu usilal reheb' li neb'a'yox ut maak'a' neke'raj wi' li xch'a'ajkilal li xmalka'an.

Proverbios 21:14

Li sihink sa' muqmu naxkotz li josq'il wi nak'eemank sa' xq'ehil.

Proverbios 18:16

Li sihink naxte chixjunileb' li b'e ut nokooxk'am toj wankeb' wi' li ninqeb' xwankil.

1 Samuel 12:3

ut we'kin cheru. Wi wank junaq xinmaq' li xb'ooyx malaj li xb'uur, wi wank junaq xintawasi malaj xinrahob'tesi, wi xink'e wib' chi tuminaak re naq ink'a' tinye li yaal, ch'olob'omaq linmaak chiru li Qaawa' ut chiru li awab'ej sik'b'il ru xb'aan. Yehomaq ut tintoj li k'aru tento sa' inb'een”, chan laj Samuel.

1 Samuel 8:3

Ab'anan eb' li ralal laj Samuel ink'a' ke'xtaaqe li xb'e, ke'xik b'an xch'ooleb' chirix li tumin, neke'tuminaak ruheb' ut ink'a' neke'raqok aatin sa' tiikilal.

Eclesiastés 7:7

Li wank xna'leb' namemob'resiik xch'ool naq nanumtaak sa' xb'eeneb' li ras riitz'in. Ut wi naxk'e rib' chi tuminaak ru, timil timil taapo'q li xna'leb'.

Isaías 5:23

Laa'ex li natuminaak eeru chi xyeeb'al naq maak'a' xmaak li xmaakob'k, ut neketeneb' maak sa' xb'een li maak'a' xmaak.

Ezequiel 22:27

Li xjolomileb' li tenamit chanchaneb' laj xojb' li neke'xt'upi li xtzakeb', yo'ooneb' chi kamsink ras riitz'in re relq'ankil li xb'ihomaleb'.

Miqueas 3:9

Ab'ihomaq anaqwan li aatin a'in, ex xjolomileb' laj Jakob; ab'ihomaq laa'ex li nekextaqlank sa' xb'eeneb' li ralal xk'ajol laj Israel. Laa'ex xik' nekeril li tiikilal ut nekepo' ru li k'ulub'ej;