Proverbios 17:17 - Q'eqchi Bible

¹⁷ Li tz'aqal amiiw junelik narahok; sa' xq'ehil junaq rahilal tatxtenq'a jo' junaq tz'aqal asb'ej.

Li Santil hu

¹⁷ Li cha̱bil amigo junelic narahoc, ut tixcꞌojob a̱chꞌo̱l nak yo̱kat chi cꞌuluc raylal joꞌ junak tzꞌakal asbej.

Proverbios 17:17 ပူးပေါင်းရင်းမြစ်များ

Proverbios 18:24

Wankeb' amiiw nokoohe'xk'am sa' raaxiik'; ab'an wankeb' li q'axal nokoohe'xra ut jwal paab'ajeleb' chiru junaq asb'ej.

1 Samuel 20:17

Jun sut chik laj Jonatán kixb'aanu li jurament, xb'aan naq k'ajo' naxra laj David: naxra kama' naq naxra rib' a'an.

Proverbios 19:7

Li neb'a' natz'eqtaanaak xb'aaneb' li rech'alal; ma toja' ta chik ink'a' taakanab'aaq xjunes xb'aaneb' li ramiiw? Us ta naxtz'aama usilal chiruheb', ab'an eb' a'an maak'a' neke'raj re.

1 Samuel 18:3

Ut laj Jonatán kixk'uub' jun sumwank rik'in laj David, xb'aan naq naxra jo' naxra rib' a'an.

Hebreos 2:11

Xb'aan naq laj santob'resinel ut eb' li santob'resinb'ileb' jun ajwi' li xYuwa'eb'. Jo'kan naq li Jesus ink'a' naxutaanak chi xyeeb'al was wiitz'in reheb',

Li xHu LIX RUT 1:16

Ab'anan lix Rut kichaq'ok ut kixye: “Maawelaji wu re tatinchaq'rab'i ut tin'elq aawik'in, xb'aan naq b'ar tatxik laa'at, aran tinxik ajwi' laa'in; b'ar wanqat laa'at, aran wanqin laa'in. Laatenamit a'anaq lintenamit, ut laayos a'anaq linyos.

Ester 4:14

Wi maak'a' taaye anaqwan, li xtenq'ankileb' ut xkolb'aleb' laj Judiiy taachalq rik'in jalan chik; a'ut laa'at ut eb' laawech'alal tex'oso'q. Mare wachik xatwulak cho'q xna'eb' li tenamit anaqwan re qatenq'ankil sa' li rahilal a'in!”.

2 Samuel 1:26

K'ajo' linyot'ik aab'aan, a Jonatán, at was li numtajenaq inrahomat! Q'axal xchaq'al ru cho'q we laarahom chiru li xrahomeb' li ixq.

1 Samuel 23:16

Sa' jun kutan laj Jonatán, ralal laj Saúl, kixchap xb'e ut koho wan wi' laj David aran Jorsa re xk'ojob'ankil xch'ool sa' xk'ab'a' li Qaawa'.

1 Samuel 19:2

ut kixye re: “Laj Saúl linyuwa' yo chasik'b'al re aakamsinkil. Jo'kan naq wulaj eq'la yo'oon wanqat: chasik' junaq na'ajej b'arwi' maajun tatril, ut toxaamuq aawib' aran.

2 Samuel 15:21

Kichaq'ok laj Itay: “At awab'ej, aj eechal we, sa' xk'ab'a' li yo'yookil Yos ut sa' xk'ab'a' laayu'am ninye aawe naq yalaq b'ar wanqat laa'at, aran ajwi' wanqin laa'in aj k'anjel chawu, a' yaal ma yo'yooqat malaj tatkamq aawochb'eenaqin laa'in”, chan.

1 Samuel 19:3

Laa'in tinxik wochb'een linyuwa' sa' li k'aleb'aal, nach' wanqat wi'. Tin'aatinaq chawix chiru linyuwa' ut tolinye aawe k'aru xookanaak wi'”, chan.

Proverbios 16:28

Li ink'a' us xna'leb' nayoob'ank raaxiik'; laj molonel aatin nayoob'ank jachok ib' sa' xyanqeb' li ramiiweb' rib'.

Proverbios 19:13

Li alalb'ej maak'a' xna'leb' naxk'e xtib'l xjolom li xyuwa'; ut li ixaqilb'ej aj raaxiik' a'an kama' li okes na'ok sa' li kab'l.