Proverbios 17:14 - Q'eqchi Bible

¹⁴ Xyoob'ankil li raaxiik', a'an jo' xteeb'al li tz'akanb'il ha': q'axal us li elk chi junpaat chiru naq taanimanq li xik'il uuchink.

Li Santil hu

¹⁴ Li xtiquibanquil jun li ple̱t chanchan xtebal jun rok li haꞌ xban nak junpa̱t naniman ru. Joꞌcan nak kꞌaxal us chokꞌ e̱re nak incꞌaꞌ te̱chꞌic e̱rib saꞌ li ple̱t.

Proverbios 17:14 ပူးပေါင်းရင်းမြစ်များ

Proverbios 25:8

matxik sa' aanil chi jitok sa' raqleb'aal aatin, xb'aan naq mare jalan chik toxch'olob'anq li yaal ut laa'at ink'a' chik taanaw k'aru taab'aanu.

Proverbios 20:3

Li maak'a' xna'leb' naxch'ik rib' sa' raaxiik'; ab'an li narisi rib' chisa', xk'ulub' naq taak'eemanq xloq'al.

1 Ts 4:11

Yalyooq eeq'e chi wank sa' li tuqtuukilal; cheb'aanu li k'aru tento xb'aanunkil ut chexk'anjelaq rik'in eeruq' jo' chanru chaq'rab'inb'ilex qab'aan,

Proverbios 15:1

Li nasumenk rik'in q'unil aatin, naxkotz li josq'il; a'ut li nasumenk sa' josq'il, naxnimob'resi li ch'a'ajkilal.

Romanos 12:18

Wi naru xb'aanunkil, chexwanq sa' usilal rik'ineb' chixjunil, jo'ch'inal jo'nimal naxk'e rib' cheru.

Proverbios 29:22

Li sa' junpaat najosq'o'k, naxyoob' raaxiik'; ut laj q'etol chaq'rab' k'iila sut namaakob'k.

Proverbios 26:21

Si'ij ut si', a'an re xtz'ab'b'al li xam; ut li josq' aj winq, a'an nayoob'ank raaxiik'.

Proverbios 17:19

Li nawulak chiru li wech'ij ib', naxra li maak; li naxnimob'resi rib' naxsik' xrahilal xjunes rib'.

Proverbios 16:32

Q'axal us naq wanq aakuyum chiru li xkawilal aawib'; ut jwal us xkuyb'al aawib' chiru reechaninkileb' li k'iila tenamit.

Proverbios 14:29

Li wank xna'leb' ink'a' najosq'o'k sa' junpaat; li maak'a' xkuyum naxk'ut li xmemil.

Proverbios 13:10

Li q'etq'etil junes raaxiik' naxyoob'; a'ut li chaab'il k'a'uxl wank rik'ineb' li neke'xkub'si xwankil.

2 Crónicas 28:6

Laj Pékaj, ralal laj Romelías, yal chiru jun kutan kixkamsi waqk'aal mil (120,000) chi winq aran Judá, chixjunileb' a'an jwal kaweb' rib'. Kik'ulmank chi jo'kan xb'aan naq ke'xtz'eqtaana li Qaawa', li xYos eb' li xxe'toonil yuwa'eb'.

2 Crónicas 13:17

Laj Abías rochb'eeneb' laj puub' ke'xq'ax ruheb' laj Israel. Ke'xkamsi o'k'aal xkab' o'q'ob' mil (500,000) chi winq li sik'b'ileb' ru.

2 Samuel 19:41

Toja' naq chixjunileb' laj Israel ke'xk'ut rib' chiru li awab'ej ut ke'xye re: “At awab'ej, k'a' naq li qas qiitz'ineb' aj Judá xe'ochb'eenink aawe xjuneseb' naq xatnume'k junpak'al li nima' Jordán aawochb'eeneb' laajunkab'al ut chixjunileb' laj puub'?”.

Proverbios 19:11

Li wank xk'a'uxl naxkuy li xjosq'il; ut naxtaw xloq'al wi ink'a' naxk'e sa' xch'ool li hob'e'k.