Proverbios 17:11 - Q'eqchi Bible

¹¹ Li q'etq'et junelik naxsik' li raaxiik', ab'an sa' junaq kutan taachalq junaq jwal kaw rib' chi yalok rik'in.

Li Santil hu

¹¹ Li incꞌaꞌ useb xnaꞌleb junes sicꞌoc ple̱t nequeꞌxba̱nu. Kꞌaxal ra li tojba ma̱c ta̱cha̱lk saꞌ xbe̱neb.

Proverbios 17:11 ပူးပေါင်းရင်းမြစ်များ

2 Samuel 18:15

Chirix chik a'an ke'jilok chaq lajeeb' chi saaj winq, a'eb' li neke'k'aak'alenk re laj Johab, ke'xtiq' laj Absalón ut ke'xkamsi chi junajwa.

1 Reyes 2:46

Toja' naq laj Salomón li awab'ej kixtaqla laj Benaías, ralal laj Johadá, re xkamsinkil laj Semehí, ut a'an ki'elk ut kixkamsi. Chi jo'kan li xwankilal li awab'ejihom kikanaak chi kaw sa' ruq' laj Salomón.

San Lucas 19:27

Ut eb' li xik' neke'ilok we, li ink'a' xe'raj naq laa'in tin'awab'ejinq reheb', k'amomaqeb' chaq arin ut kamsihomaqeb' chiwu»”.

San Mateo 22:7

“K'ajo' naq kijosq'o'k li awab'ej, ut kixtaqlaheb' laj puub' chi xsachb'aleb' laj kamsinel a'an ut xk'atb'al li xtenamiteb'.

San Mateo 21:41

Ke'xye re: —Eb' a maa'us aj k'alom a'an tixsacheb' chi junajwa ut tixk'e chi to' li xch'och' reheb' jalan chik aj k'alom re naq te'xtoj ru li rawimq sa' xq'ehil.

1 Reyes 2:31

Kichaq'ok li awab'ej: “B'aanu re jo' xye a'an. Kamsi ut taamuq. Rik'in a'an taawisi sa' inb'een ut sa' xb'eeneb' li ralal xk'ajol linyuwa' li maak kixb'aanu laj Johab naq kixkamsiheb' li winq li maak'a'eb' xmaak.

2 Samuel 20:22

Tikto koxseeraq'i reheb' chixjunileb' li rech tenamitul rik'in xseeb'al xch'ool, ut ke'xch'ot xjolom laj Sebá, ralal laj Bikrí, ut ke'xkut chaq re laj Johab. Toja' naq a'in kixye naq chiyaab'asiiq li xukub' ut chixjunileb' ke'elk sa' li tenamit, koheb' chi xjunjunqaleb' sa' rochocheb'. Ut laj Johab kisutq'iik Jerusalén rik'in li awab'ej.

2 Samuel 20:1

Sa' li tenamit Kilkal kiwank jun li winq ink'a' us xna'leb', aj Sebá xk'ab'a', ralal laj Bikrí, aj Benjamín. A'an kixyaab'asi li xukub' ut kixye: “Laa'o maak'a' wank qe rik'in laj David chi moko wank qeechanihom rik'in li ralal laj Jesé. Ex aj Israel, xikaqo chiqajunilo sa' li qochoch!”, chan.

2 Samuel 18:19

Toja' naq laj Ajimás, ralal laj Sadok, kixye: “Xik we sa' aanil chi xyeeb'al re li awab'ej naq li Qaawa' xkolok re sa' ruq'eb' li xik' neke'ilok re”.

2 Samuel 15:12

Naq laj Absalón yo chi mayejak, kixtaqla ajwi' xb'oqb'al laj Ajitófel aj Kilón, laj k'ehol xna'leb' laj David, sa' li tenamit wan wi' a'an. Chi jo'kan yookeb' chi tamk li neke'okenk chirix laj Absalón ut neke'raj xjuk'b'al xwankil laj David.

Proverbios 17:10

Q'axal us li q'use'k cho'q re li wank xna'leb' chiru naq taajiliiq chi che' li maak'a' xna'leb'.

Proverbios 17:12

Jwal us naq taataw aawib' rik'in junaq josq' aj xul chiru naq toxaataw junaq winq maak'a' xna'leb'.

Proverbios 24:21

At walal ink'ajol, chawoxloq'i li Yos ut li awab'ej, ut maajunaji aawib' rik'ineb' laj q'etol aatin,