Proverbios 16:7 - Q'eqchi Bible

⁷ Naq li Qaawa' naxk'ul xch'ool li qayu'am, a'eb' ajwi' li xik' neke'ilok qe neke'ok wi' chik sa' amiiwil qik'in.

Li Santil hu

⁷ Nak li Ka̱cuaꞌ nacuulac chiru li cꞌaꞌru nequeꞌxba̱nu li cristian, aꞌan ajcuiꞌ naqꞌuehoc reheb chixcꞌambaleb rib saꞌ usilal riqꞌuineb li xicꞌ nequeꞌiloc reheb.

Proverbios 16:7 ပူးပေါင်းရင်းမြစ်များ

Romanos 8:31

K'aru tqaye chirix a'an? Wi li Yos na'okenk chiqix, ani truuq twanq sa' xiik'ilal qik'in?

1 Juan 3:22

ut chixjunil li tqatz'aama tqak'ul sa' ruq'. K'a'ut? Xb'aan naq yooko chi xpaab'ankileb' li xchaq'rab' ut naqab'aanu li k'aru nawulak chiru.

Colosenses 1:10

re naq chiwanq taxaq leeyu'am jo' chanru xk'ulub' li Qaawa', tz'aqal jo' nawulak chiru. Cheruuchin chixjunil li chaab'il b'aanuhom ut chexk'iiq chi xnawb'al ru li Yos.

2 Crónicas 17:10

Li Qaawa' kiroksi xxiweb' chixjunileb' li tenamit wankeb' chi xsutam Judá; jo'kan naq ink'a' ke'yalok rik'in laj Josafat.

Hebreos 13:21

a'an taxaq chik'uub'anq re leeyu'am rik'in chixjunil li chaab'ilal re xb'aanunkil li rajom. A'an taxaq chib'aanunq qik'in li nawulak chiru sa' xk'ab'a' li Jesukriist: rehaq taxaq li loq'al junq'e junq'e kutan. Jo'kan taxaq.

Jeremías 15:11

At Qaawa', ye we wi ink'a' us xink'anjelak chawu, wi ink'a' xintijok chirixeb' li xik' neke'ilok we, naq yookeb' chaq chi k'uluk rahilal ut rahil ch'oolej.

Génesis 33:4

Ab'an laj Esaú ki'aanilak chi xk'ulb'al, kixq'alu chi xkux, kixtz'ub' ru ut kiyaab'ak.

Génesis 32:28

li winq kixye: “Chalen anaqwan ink'a' chik taak'ab'a'in aj Jakob, aj Israel b'an chik laak'ab'a'. Xb'aan naq xayal laametz'ew rik'in li Yos ut rik'ineb' li winq, ut xatq'axok u”.

Colosenses 3:20

Ex alalb'ej, chex'ab'inq chiru leena' leeyuwa' rik'in chixjunil, xb'aan naq a'an li nawulak chiru li Qaawa'.

Filipenses 4:18

Wank li k'aru we, re xq'axb'al li junjunq chi kutan, ut na'ela'ank ajwi'. Sa chik wankin rik'in li tenq'aal li xetaqla chaq we chirix laj Epafrodito: a'an sununkil b'ook ut chaab'il mayej li nawulak chiru li Yos.

Salmos 69:31

Tinnima xk'ab'a' li Qaawa' rik'in b'ichank, tinterq'usi xloq'al ut tinyoxinq chiru.

Génesis 27:41

Chalen sa' li kutan a'an laj Esaú ki'ok chi xxik'b'al rilb'al laj Jakob xb'aan li osob'tesiik xk'ulum rik'in li xyuwa'. Ut kixye sa' xch'ool: “Taanach'oq chaq li xkamik linyuwa'. Toja' naq tinkamsi laj Jakob li wiitz'in”, chan sa' xch'ool.

1 Pedro 3:13

Ani tab'i' taarahob'tesinq eere wi nekeyal eeq'e chi xb'aanunkil li us?

Éxodo 3:21

Laa'in tinb'aanu naq teetaw usilal chiruheb' laj Ejiipt re naq sa' leerelik ink'a' texxik chi maak'a' teek'am.

Proverbios 3:17

Xtaaqenkil li xnums, a'an q'axal sahilal; wi tatb'eeq jo' naxye a'an, tatwanq sa' tuqtuukilal.

Proverbios 16:8

Jwal us li wank sa' neb'a'il ut tiikaq qach'ool chiru li b'ihomo'k sa' b'alaq'il.

Jeremías 39:12

“K'am li propeet ut taawil chi us; maab'aanu junaq rahilal re, chab'aanu b'an li k'aru tixye aawe a'an”.

Jeremías 42:12

Ninye li waatin naq twuxtaana eeru ut tink'e laj Nabukodonosor chi ruxtaanankil eeru re naq texxkanab' chi sutq'iik sa' leetenamit».

Daniel 1:9

Li Qaawa' kirusila ru laj Daniel ut kixk'e naq li xtz'aamahom taak'ulub'aaq xb'aan laj Aspenas, xjolomileb' laj k'anjel.

2 Crónicas 20:30

Chalen sa' li kutan a'an li x'awab'ejom laj Josafat kiwank sa' tuqtuukilal, xb'aan naq li Qaawa' li xYos kixk'eheb' chi wank sa' xyaalal chixjunileb' li wankeb' chi xsutam.

Esdras 8:36

Chirix chik a'an ke'xq'axtesi li xchaq'rab' li awab'ej reheb' laj tenq'anel re jo'wi' reheb' li neke'taqlank sa' xb'eeneb' li tenamit wankeb' junpak'al li nima' Éwfrates. Ut eb' a'in ke'xtenq'a li tenamit ut li rochoch li Yos.