Proverbios 15:8 - Q'eqchi Bible

⁸ Li Qaawa' xik' naril li xmayejeb' li ink'a' useb' xch'ool; ab'an naxk'ul chi anchal xch'ool li xtijeb' li chaab'ileb' xyu'am.

Li Santil hu

⁸ Li Ka̱cuaꞌ xicꞌ naril lix mayejeb li incꞌaꞌ useb xnaꞌleb. Abanan lix tijeb li ti̱queb xchꞌo̱l li Ka̱cuaꞌ naxcꞌul chi sa saꞌ xchꞌo̱l.

Proverbios 15:8 ပူးပေါင်းရင်းမြစ်များ

Proverbios 15:29

Li Qaawa' najt wank rik'ineb' li ink'a' useb' xna'leb'; ab'an naxk'ulub'a li xtijeb' li tiikeb' xch'ool.

Proverbios 21:27

Li Qaawa' naxtz'eqtaana li xmayejeb' li ink'a' useb' xch'ool. Ma toja' ta chik naq yal kab' rix xch'ooleb' naq neke'xk'e?

1 Crónicas 29:17

Laa'in ninnaw, at inYos, naq laa'at nakatz'ili xch'ool chixjunileb' ut nawulak chawu li tiikilal. Jo'kan naq rik'in xtiikilal inna'leb' x'alaak sa' inch'ool xyeechi'inkil aawe chixjunil a'in. Ut anaqwan xink'e reetal rik'in xsahil inch'ool naq laatenamit, li ch'utch'uukeb' arin, xe'xk'e aawe li xmayejeb'.

Jeremías 6:20

K'aru na'ok wi' we li k'ajpom re Sabá ut li sununkil b'an chalenaq sa' najtil tenamit? Laa'in ink'a' nawulak chiwu leek'atb'il mayej chi moko naxk'ul wu li k'a'aq chik ru nekeyeechi'i we”.

Proverbios 28:9

Li ink'a' naxpaab' xchaq'rab' li Qaawa', ink'a' ajwi' nak'ule'k li xtij xb'aan li Yos.

Isaías 61:8

Xb'aan naq laa'in, li Qaawa', jwal ninra li tiikilal ut xik' nawil li elq'ak ut li kamsink poyanam. Tinq'ajkamuheb' chi tz'aqal re ru ut tink'ojob' rik'ineb' jun sumwank xaqxooq xwankil chi junelik.

San Juan 4:24

Li Yos a'an musiq'ej, ut eb' li neke'loq'onink tento te'loq'oninq rik'in Musiq'ej ut rik'in li yaal.

Eclesiastés 5:1

Naq tatxik sa' rochoch li Yos, chak'e reetal li k'aru taab'aanu. Wankeb' maak'a'eb' xna'leb' li neke'xik aran chi mayejak, ab'anan ink'a' neke'xk'e reetal naq ink'a' us yookeb'. A'ut laa'at jilon chiru li Qaawa' chi kub'enaq aawankil ut sa' q'unil ch'oolej.

Isaías 66:3

Ab'anan wankeb' li neke'mayejak teelom wakax, ut neke'xkamsi ajwi' junaq winq; neke'xxeq' junaq karneer, ut neke'xch'ot ajwi' xkux junaq tz'i'; neke'mayejak triiw, ut neke'xyeechi'i ajwi' xkik'el li aaq; neke'k'atok k'ajpom chiwu, ut neke'xloq'oni ajwi' li jalanil yos. Eb' li xe'sik'ok re li jo'maajo'il na'leb' a'in q'axal sa sa' xch'ooleb' chi xb'aanunkil chixjunil a'an.

Cantares 2:14

“At inmukuy, li nakamuq aawib' sa'eb' li saqoonak, sa'eb' li na'ajej ch'a'aj xtawb'al, k'ut chiwu laawilob'aal, kanab'in rab'inkil xyaab' laakux, xb'aan naq jwal sa rab'inkil xyaab' laakux ut k'ajo' xch'ina'usal laawu.

Salmos 17:1

Xtij laj David. At Qaawa', chawab'i taxaq li nintz'aama sa' tiikilal, chak'e reetal xyaab' linkux ut chasume lintij, xb'aan naq maak'a' b'alaq'il chi xtz'uumal we.

Levítico 7:18

Ut wi ani tixtzeka sa' rox li kutan xtib'el li mayej re k'amok ib' sa' usilal, li mayej a'an ink'a' k'ulb'ilaq chi moko k'eeb'ilaq sa' ajl, ut li tib' a'an tz'eqtaananb'ilaq chi junajwa. Ani taatzekanq re, taakanaaq li maak sa' xb'een.

Proverbios 10:24

Li ink'a' us xch'ool naxk'ul li naxxiwa ru; a'ut li chaab'il xch'ool naxtaw li naxrahi ru.

Proverbios 15:7

Naq na'aatinak li wank xna'leb', naxpuktesi li xnawom; a'ut li maak'a'eb' xna'leb' moko jo'kan ta neke'xb'aanu.

Proverbios 21:3

Xb'aanunkil li usilal ut li tiikilal, q'axal loq' cho'q re li Qaawa' chiru chixjunil li k'atb'il mayej.

Miqueas 6:7

Ma tixk'ul tab'i' li Qaawa' jun milaq chi karneer malaj k'iila o'q'ob' kuk chi aseeyt? Malaj ut tinmayeja li xb'een walal xb'aan naq xinq'etq'eti wib' chiru? Ma tinmayeja tab'i' li walal re xtojb'al rix linmaak?”.

Hageo 2:14

Toja' naq laj Hageo kixye reheb': “Ab'ihomaq anaqwan li naxye li Qaawa' li qaYos: «Jo'kan ajwi' nak'ulmank rik'in li tenamit a'in: jo'nimal neke'xb'aanu ut chixjunil li xmayejeb' muxb'ileb' ru.

2 Samuel 15:12

Naq laj Absalón yo chi mayejak, kixtaqla ajwi' xb'oqb'al laj Ajitófel aj Kilón, laj k'ehol xna'leb' laj David, sa' li tenamit wan wi' a'an. Chi jo'kan yookeb' chi tamk li neke'okenk chirix laj Absalón ut neke'raj xjuk'b'al xwankil laj David.

1 Reyes 3:10

Li Qaawa' kiwulak chiru li k'aru kixpatz' laj Salomón.

Salmos 141:2

Chiwulaq ta aawik'in lintij jo' xb'ook li pom. Naq ninterq'usi li wuq' chawu, jo' taxaq li mayej nayeechi'imank ewu.

Daniel 9:23

Chalen naq xatikib' tijok, li Qaawa' xrab'i laatz'aamahom, ut laa'in xinchalk chi xyeeb'al aawe li xsumehom, xb'aan naq q'axal raarookat xb'aan li Yos. K'e b'i' aach'ool chi xtawb'al ru li tinye ut chatawaq xyaalal li moy u:

Miqueas 6:6

“K'aru tink'am re li Qaawa'? Chanru toxinwiq'ib' wib' chiru li xYos li choxa? Ma tinloq'oni tab'i' ru rik'in kok' wakax aj jun chihab' malaj rik'in k'atb'il mayej?

Malaquías 1:10

Us rajan naq jun taxaq sa' eeyanq tixtz'ap li rokeb'aal li wochoch re naq ink'a' texk'atoq mayej sa' lin'artal chi maak'a' rajb'al! Xb'aan naq moko sa ta linch'ool cherix chi moko tink'ul chik leemayej.