Proverbios 15:7 - Q'eqchi Bible

⁷ Naq na'aatinak li wank xna'leb', naxpuktesi li xnawom; a'ut li maak'a'eb' xna'leb' moko jo'kan ta neke'xb'aanu.

Li Santil hu

⁷ Eb li cuanqueb xnaꞌleb nequeꞌxqꞌue xnaꞌlebeb nabal. Ut eb li ma̱cꞌaꞌeb xnaꞌleb moco joꞌcan ta nequeꞌxba̱nu.

Proverbios 15:7 ပူးပေါင်းရင်းမြစ်များ

San Mateo 12:34

Ex ral q'anb'olay, chan ta wi' ru naq teeye chaab'il aatin, naq moko usex ta? Xb'aan naq rik'in li xnumnujenaqil li ch'oolej na'aatinak li xtz'uumal re li winq.

Santiago 3:6

Ut li ru'uj qaq' a'an xam, a'an jun ruuchich'och' nujenaq chi maa'usilal. Li ru'uj qaq' a'an jun xcha'al li qatz'ejwal, ab'an nokooxtz'ajni chi qajunxaqalil; naxloch xxamlel chixjunil li qayu'am chalen sa' xtiklajik, rik'in jun xam nachalk chaq sa' li xb'alb'a.

Efesios 4:29

Mi'elk chi xtz'uumal eere yib' aj aatin, a'anaq b'an li chaab'il, li nawaklesink ch'oolej b'arwi' aajel ru, re naq trusilaheb' li te'ab'inq.

San Marcos 16:15

Ut kixye reheb': “Ayuqex sa' chixjunil li ruuchich'och' ut chepuktesi li Chaab'il Esilal junsut junrub'el choxa.

San Mateo 10:27

Li k'aru ninye eere sa' aak'ab', cheye chi kutankil; ut li nekerab'i chi hasb'anb'il sa' eexik, chepuktesi resil sa' xb'een kab'l.

Cantares 4:11

Xya'al kab' na'elk chi xtz'uumal aawe, at xsumwaanm. Xya'al kab' ut leech wank rub'el ru'uj aawaq', ut li xsununkil laawaq' kama' xsununkil li tzuul Líbano.

Salmos 119:13

Rik'in xtz'uumal we tinpuktesi resil chixjunil li aatin yeeb'il aab'aan.

Salmos 45:2

Sa' li waanm na'elk chaq xchaq'alil ru aatin, ok we chi b'ichank cho'q re jun li awab'ej; li ru'uj waq' a'an xtz'iib'leb' li sa' junpaat natz'iib'ak.

Salmos 37:30

Li chaab'il xch'ool junes choxahil na'leb' naxye; naq na'aatinak, junes li yaal na'elk sa' re.

2 Timoteo 2:2

ut jo'ch'inal jo'nimal li xawab'i wik'in chiruheb' naab'al chi testiiw, a'an ajwi' chaq'axtesi reheb' winq aj paab'anel li te'xnaw moqon xtzolb'al jalaneb' chik.

Proverbios 15:2

Naq na'aatinak li wank xna'leb', naxpuktesi li xnimal xk'a'uxl; a'ut li raatin li ink'a' us xch'ool, a'an yal memil.

Proverbios 15:6

Sa' rochoch li tiik xch'ool k'ajo' li chaab'il eechej; a'ut li ink'a' us xna'leb' maak'a' aj e li k'aru nareechani.

Proverbios 15:8

Li Qaawa' xik' naril li xmayejeb' li ink'a' useb' xch'ool; ab'an naxk'ul chi anchal xch'ool li xtijeb' li chaab'ileb' xyu'am.

Proverbios 5:2

Chi jo'kan taak'oxla rix li taaye, ut tat-aatinaq chi wank aana'leb'.

Proverbios 16:23

Li nak'oxlak chi chaab'il naxk'e reetal li k'aru naxye, ut eb' li raatin nak'ojob'ank ch'oolej.

Eclesiastés 10:2

Li ani wank xna'leb', junelik naxik xch'ool chirix li us, ab'an li maak'a' xna'leb' naxik xch'ool chirix li ink'a' us.