Proverbios 15:3 - Q'eqchi Bible

³ Li Qaawa' wank yalaq b'ar ut narileb' li chaab'il ut li ink'a' useb' xch'ool.

Li Santil hu

³ Li Ka̱cuaꞌ cuan yalak bar ut yo̱ chixqꞌuebal retal li cꞌaꞌru yo̱queb li cha̱bileb xnaꞌleb joꞌ ajcuiꞌ li incꞌaꞌ useb xnaꞌleb.

Proverbios 15:3 ပူးပေါင်းရင်းမြစ်များ

Hebreos 4:13

Maa'ani muqmu chiru a'an, chixjunil b'an k'utk'u ut saqenk chiru li Yos li toxqaye wi' qayehom qab'aanuhom.

Jeremías 16:17

Xb'aan naq kutan saqenk chiwu chixjunil li xb'aanuhomeb', nawil li xmaakeb' ut nink'e reetal chi us li xmaa'usilaleb'.

Jeremías 23:24

Ma naru tixmuq rib' junaq poyanam chiwu b'arwi' ink'a' twil ru laa'in? Laa'in wankin yalaq b'ar jo' sa' choxa jo' sa' ruuchich'och' -chan li Qaawa'-.

2 Crónicas 16:9

Xb'aan naq li Qaawa' naxb'eeni chixjunil li ruuchich'och' re xkawub'resinkil xch'ooleb' li yo'ooneb' rik'in. Aamemil xab'aanu wi' a'in. Jo'kan naq chalen anaqwan junelik wanqat sa' raaxiik'”.

Proverbios 5:21

Li Qaawa' naril li xna'leb' li junjunq ut naxk'e reetal li xb'aanuhom.

Li xHu LAJ JOB 31:4

Li Yos naril chixjunil li ninb'aanu ut naxnaw chixjunil linb'e.

Jeremías 32:19

Sachb'ach'oolej rilb'al laak'anjel ut q'axal nim laawankil chi xb'aanunkil. Kutan saqenk chawu chixjunil li xb'aanuhomeb' li poyanam, re xq'ajkamunkil li junjunq jo' chanru xk'ulub' li xyehom ut xb'aanuhom.

Li xHu LAJ JOB 28:24

xb'aan naq A'an na'ilok toj sa' xmaril li ruuchich'och' ut naxnaw jo'nimal wank junsut junrub'el choxa.

Proverbios 15:4

Li q'unil aatin, a'an chanchan li che' re li yu'am; a'ut li b'alaq'il aatin narahob'tesink ch'oolej.

Zacarías 4:10

Li ink'a' xk'e xloq'al li xtiklajik li k'anjel, taasaho'q chik naq taaril chi yaalo'k li xk'anjel laj Sorobabel”. Chirix chik a'an li ánjel kixye: “Eb' li wuqub' chi eetalil a'in, a'aneb' xsa' ruheb' li Qaawa' li naril wi' chixjunil li ruuchich'och'”, chan.

Li xHu LAJ JOB 24:23

Naxkanab'eb' chi wank chi maak'a'eb' xk'a'uxl, ab'an yo xk'eeb'al reetal li k'aru neke'xb'aanu.

Salmos 33:13

Li Qaawa' na'ilok chaq toj sa' choxa, ut naril chixjunileb' li poyanam: