Proverbios 15:18 - Q'eqchi Bible

¹⁸ Li ani ch'inpo' nayoob'ank ch'a'ajkilal; a'ut li wank xkuyum naxch'anab' li raaxiik'.

Li Santil hu

¹⁸ Li ani chꞌinpoꞌ naxnimobresi ru li chꞌaꞌajquilal. Abanan li ani incꞌaꞌ najoskꞌoꞌ saꞌ junpa̱t, aꞌan naxyi̱b ru li chꞌaꞌajquilal saꞌ usilal.

Proverbios 15:18 ပူးပေါင်းရင်းမြစ်များ

Proverbios 26:21

Si'ij ut si', a'an re xtz'ab'b'al li xam; ut li josq' aj winq, a'an nayoob'ank raaxiik'.

Proverbios 15:1

Li nasumenk rik'in q'unil aatin, naxkotz li josq'il; a'ut li nasumenk sa' josq'il, naxnimob'resi li ch'a'ajkilal.

San Mateo 5:9

Us xaq reheb' li neke'k'anjelak chirix li tuqtuukilal, xb'aan naq nawnooqeb' ru jo' ralal xk'ajol li Yos.

Proverbios 29:22

Li sa' junpaat najosq'o'k, naxyoob' raaxiik'; ut laj q'etol chaq'rab' k'iila sut namaakob'k.

Proverbios 14:29

Li wank xna'leb' ink'a' najosq'o'k sa' junpaat; li maak'a' xkuyum naxk'ut li xmemil.

Eclesiastés 10:4

Wi taajosq'o'q sa' aab'een li wank xwankil, mich'inank aach'ool. Relik chi yaal wi wank aakuyum, naru taak'uub' ru li xninqal ch'a'ajkilal.

Proverbios 16:28

Li ink'a' us xna'leb' nayoob'ank raaxiik'; laj molonel aatin nayoob'ank jachok ib' sa' xyanqeb' li ramiiweb' rib'.

Proverbios 10:12

Li xik'il uuchink nayoob'ank raaxiik'; a'ut li rahok naxkuy chixjunil li maak.

Proverbios 28:25

Li naxrahi ru li tumin, nayoob'ank raaxiik'; ab'an li k'ojk'o xch'ool rik'in li Qaawa', us taa'elq.

Proverbios 25:15

Li ani wank xkuyum, naxtuulanob'resi laj raqol aatin; ut li na'aatinak sa' q'unil, naxchup li josq'il.

2 Samuel 19:43

Ke'chaq'ok eb' laj Israel: “Laa'o yaal qe sa' xb'een li awab'ej, sa' xb'een laj David. K'a' naq nokooheetz'eqtaana? Laa'o asb'ejo cheru ut laa'o li tz'aqal xoo'aatinak xb'enwa re naq taasutq'iiq chaq li awab'ej”, chankeb'. Ab'anan eb' laj Judá q'axal kaw wi' chik ke'aatinak chiruheb' laj Israel.

Proverbios 15:19

Li yu'amej cho'q re laj q'em, a'an chanchan k'ix ru; ut cho'q re li tiik xch'ool, a'an chanchan li nimb'e.

Proverbios 16:14

Naq li awab'ej najosq'o'k, a'an resilal li kamk. Jo'kan wi wank aana'leb', yal aaq'e xtuulanob'resinkil.

Proverbios 22:24

Maak'am aawib' sa' amiiwil rik'in li josq' aj winq, chi moko chawochb'eeni li ch'i'ch'i' re.