Proverbios 15:10 - Q'eqchi Bible

¹⁰ Li naxkanab' li chaab'il b'e taak'ajtesiiq ru; li naxtz'eqtaana li xq'usb'al, tixtaw li kamk.

Li Santil hu

¹⁰ Li nequeꞌxcanab xba̱nunquil li us tento xkꞌusbaleb chi cau. Li ani xicꞌ naril lix kꞌusbal ta̱ca̱mk.

Proverbios 15:10 ပူးပေါင်းရင်းမြစ်များ

Proverbios 12:1

Li naxk'ul ru li tije'k, a'an wank xna'leb'. Li xik' nareek'a q'use'k, a'an maak'a' xna'leb'.

San Juan 3:20

Chixjunil ani naxb'aanu li ink'a' us, xik' naril li saqenk ut ink'a' naxik wan wi' li saqenk, re naq ink'a' taaq'use'q rik'in li xb'aanuhom.

Proverbios 13:1

Li alalb'ej chaab'il xna'leb' naxpaab' li xyuwa'; a'ut li kaw xjolom ink'a' naxk'e sa' xch'ool li xq'usb'al.

Proverbios 10:17

Li naxpaab' li xtijb'al, chaab'il b'e naxik wi'; a'ut li ink'a' naxpaab', taasachq.

San Juan 7:7

Li ruuchich'och' ink'a' naru xik' nekexril; a'ut laa'in xik' nikinril xb'aan naq nink'ut naq ink'a' us li xb'aanuhomeb'.

Proverbios 5:12

Ut taaye: “K'a'ut naq ink'a' xinpaab' linq'usb'al? K'a'ut naq xintz'eqtaana lintzolb'al?

Proverbios 1:30

Ink'a' xeraj rab'inkil li waatin chi moko xepaab' linq'usum.

1 Reyes 22:8

Ut li awab'ej re Israel kixye re laj Josafat: “Toj wank jun chik winq li naru nokoopatz'ok wi' k'aru naxye li Qaawa'. Ab'an q'axal xik' nawil, xb'aan naq maajun wa naxye li us cho'q we, junes b'an rahilal naxye we. A'an laj Mikeas, ralal laj Imlá”, chan. Kichaq'ok laj Josafat ut kixye: “Mat-aatinak chi jo'ka'in, at awab'ej”.

1 Reyes 21:20

Naq laj Elías kiwulak aran, laj Ajab kixye: “Ma xolinaataw laa'at li xik' nakat-ilok we?”, chan. Kixye laj Elías: “Xolatintaw. Laa'at xak'ayi aawib' chi xb'aanunkil li ink'a' nawulak chiru li Qaawa';

1 Reyes 18:17

ut naq kiril ru, kixye re: “Ma laa'at laj sachonel reheb' laj Israel?”.

Proverbios 23:35

Ut taaye: “Xine'xsak' ut ink'a' xweek'a; xine'xrap chi tz'uum chi ink'a' xinnaw. Ab'an naq taa'ajq wu, tinxik wi' chik chi kalaak”, cha'qat.

Proverbios 1:25

Xetz'eqtaana b'an chixjunileb' li waatin ut ink'a' xeraj xk'ulub'ankil linq'usum.

Proverbios 15:9

Li Qaawa' ink'a' naxk'ul ru li xyu'ameb' laj maak, ab'anan naxra li chaab'ileb' xyu'am.

Proverbios 15:11

Wi li Qaawa' naxnaw k'aru wank sa' li xna'ajeb' li kamenaq, ma toja' ta chik sa' li qak'a'uxl?

Li xHu LAJ JOB 34:27

xb'aan naq ink'a' xe'raj xpaab'ankil li Qaawa' chi moko xe'xtaaqe li xb'e.

Salmos 50:17

laa'at li xik' nakawil laatijb'al inb'aan, laa'at li nakatz'eqtaana chixjunil li waatin?

Jeremías 2:17

Ma ink'a' tab'i' xek'ul chi jo'kan xb'aan naq xetz'eqtaana li Qaawa' leeYos, li xk'amok chaq b'e sa' leeb'eenik?

Ezequiel 33:9

Ab'anan wi taaq'us li ink'a' us xna'leb' ut a'an ink'a' tixyot' xch'ool tixjal xk'a'uxl, relik chi yaal naq taakamq sa' li xmaak, a'ut laa'at taakol laayu'am.