Proverbios 14:8 - Q'eqchi Bible

⁸ Li seeb' xch'ool naxnaw xb'eresinkil li xyu'am xb'aan naq wank xna'leb'; a'ut li maak'a' xna'leb' naxb'alaq'i rib' xjunes.

Li Santil hu

⁸ Li ani se̱b xchꞌo̱l cuan xnaꞌleb chixqꞌuebal retal chanru lix yuꞌam. Abanan li ma̱cꞌaꞌeb xnaꞌleb incꞌaꞌ nequeꞌxnau xqꞌuebal retal chanru lix yuꞌameb. Xjuneseb nequeꞌxbalakꞌi rib.

Proverbios 14:8 ပူးပေါင်းရင်းမြစ်များ

Efesios 5:17

Jo'kan naq mexwank chi maak'a' eena'leb', chetawaq b'an ru li naraj li Qaawa'.

2 Timoteo 3:13

A'ut eb' laj maak ut eb' laj b'alaq' taanumtaaq li xmaa'usilaleb', yooqeb' chi b'alaq'ink ut yooqeb' ajwi' chi b'alaq'iik.

Santiago 3:13

Ma wank junaq sa' eeyanq wank xna'leb' ut xk'a'uxl? Chixk'utaq rik'in xtiikilal li xyu'am, rik'ineb' li xb'aanuhom uxb'ileb' sa' tuulanil jo' li wank xna'leb'.

Efesios 4:22

Xetzol risinkil cherix li na'leb' keroksi junxil, a' li najteril winq li naq'aak rik'in li naq'unb'esiik wi' xb'aan li ruuchich'och'.

Proverbios 11:18

Li yib'ru xna'leb' moko ch'olch'o ta li xq'ajkamunkil; a'ut li naxb'aanu li tiikilal, a'an ch'olch'o li xtojb'al.

Proverbios 8:20

Laa'in ninb'eek sa' li tiikilal, ut sa' xb'ehil li tz'aqal yaal,

Proverbios 2:9

Taanaw ajwi' xyaalal li tiikil ch'oolej ut li yaal, ut taataw ru k'aru li chaab'ilal.

Salmos 119:73

Laa'at xatk'uub'ank we ut xinaapak' rik'in laawuq'; chak'e taxaq inna'leb' ut tintaw ru laachaq'rab'.

Salmos 119:5

Us rajan naq kawaq inch'ool sa' laab'e re naq tinpaab' chixjunil laataqlahom.

Salmos 111:10

Li xtiklajik li choxahil na'leb' a'an roxloq'inkil li Qaawa'; q'axal wankeb' xna'leb' li neke'k'anjelank re a'an. Li Qaawa' a'an xk'ulub' naq taanimaaq ru chi junelik.

Jeremías 13:20

“At Jerusalén, taqsi laawilob'aal ut k'e reetal naq sa' xjayal releb'l iq' yookeb' chaq chi chalk eb' li xik' neke'ilok aawe. B'ar xkoheb' li jun ch'uut chi karneer li xk'eemank chawil? B'ar wankeb' anaqwan eb' laachaq'alil ru karneer?

Salmos 143:8

Eq'la chak'e taxaq chi week'a laarahom: k'ojk'o linch'ool aawik'in. Chak'ut taxaq chiwu li b'e tento tink'am, xb'aan naq aawik'in wank li woyb'enihom.

1 Corintios 3:19

Xb'aan naq li xnimal xk'a'uxl li ruuchich'och' a'in a'an sachalil na'leb' chiru li Yos. Tz'iib'anb'il sa' li Santil Hu: “Naxchapeb' li wankeb' xna'leb' rik'in ajwi' li xseeb'aleb'”.

Proverbios 15:21

Li maak'a' xna'leb' nasaho'k xch'ool rik'in li xmemil; a'ut li tiik xch'ool nawank sa' tiikilal.

Proverbios 12:5

Li tiikeb' xch'ool a' li tiikilal neke'xk'oxla; a'ut li ink'a' useb' xna'leb' junes li b'alaq'ik naxik wi' xch'ooleb'.

Eclesiastés 2:13

Toja' naq xwil naq li choxahil na'leb' naxq'ax ru li jipul, jo' li saqenk naxq'ax ru li aak'ab'.

Eclesiastés 2:16

Ink'a' patz'b'ilaq li wank xna'leb' chi moko li jip, ut xkab'ichaleb' te'kamq. Naq yooqeb' chi xik li kutan, nasachmank sa' qach'ool chixjunil.