Proverbios 14:6 - Q'eqchi Bible

⁶ Li q'etq'et naxsik' li chaab'il na'leb', ut ink'a' naxtaw; ab'an cho'q re li seeb' xk'a'uxl, moko ch'a'aj ta xtawb'al.

Li Santil hu

⁶ Li ani incꞌaꞌ naxtau xya̱lal naxsicꞌ lix naꞌleb, abanan incꞌaꞌ naxtau. Li ani se̱b xchꞌo̱l moco chꞌaꞌaj ta chokꞌ re xtaubal xnaꞌleb.

Proverbios 14:6 ပူးပေါင်းရင်းမြစ်များ

Santiago 1:5

Wi wank junaq eere yo chi majelo'k xna'leb', chixtz'aamaq re li Yos, ut taak'ehe'q re, xb'aan naq li Yos nak'ehok chi anchal xch'ool ut chi chaab'il reheb' chixjunileb'.

1 Corintios 8:2

Wi wank junaq nak'oxlank re naq wank xna'leb' chirix junaq k'a'aq re ru, a'an toj maji' xtikib' xnawb'al jo' chanru tento xnawb'al.

Proverbios 8:9

Ch'olch'o ru chixjunil cho'q re li seeb' xch'ool, ut tz'aqal yaal li waatin cho'q re li wank xk'a'uxl.

Jeremías 8:9

Eb' li wankeb' xna'leb' te'kanaaq sa' xutaan; taasachq xna'leb'eb' ut te't'ane'q sa' li xtik'ti'eb'. Xe'xtz'eqtaana li raatin li Qaawa': k'a' chik na'ok wi' li xna'leb'eb'?

Isaías 8:20

Us raj te'aatinaq chi jo'ka'in, ab'anan li k'aru neke'xye, maak'a' na'ok wi'.

Proverbios 26:12

Toj naru xk'eeb'al xna'eleb'eb' li maak'a'eb' xna'leb'; ab'an jwal ch'a'aj xtenq'ankil junaq li naxk'oxla naq naxnaw chixjunil.

Proverbios 18:2

Li maak'a' xna'leb' ink'a' naraj tzole'k; ka'ajwi' naraj xk'utb'al li k'aru naxk'oxla.

Proverbios 17:24

Li seeb' xk'a'uxl junelik naxsik' xtz'aqob' li xna'leb'; a'ut li maak'a' xna'leb' ink'a' naxnaw b'ar yo chi xik.

Salmos 119:18

Chate taxaq xsa' li wu re naq tinka'ya li xloq'al laachaq'rab'.

Proverbios 1:5

Li wank xna'leb' ut seeb' xk'a'uxl naxk'e xch'ool chi rab'inkil, ut chi jo'kan naxtaw xtz'aqob' li xna'leb' ut li xk'a'uxl,

Proverbios 14:5

Li tz'aqal testiiw naxye li yaal, ut laj b'alaq', tik'ti' naxye.

Proverbios 14:7

Elen chiru li maak'a' xna'leb', xb'aan naq maak'a' taataw rik'in.

Proverbios 24:7

Li maak'a' xna'leb' ink'a' naxnaw k'aru tixye sa' li raqleb'aal aatin, xb'aan naq maak'a' li chaab'il na'leb' rik'in.

Proverbios 8:8

Tz'aqal re ru li aatin ok we xyeeb'al, ut maajun junaq b'alaq'il aatin tinye.

Proverbios 15:12

Li q'etq'et ink'a' naxra li naq'usuk re, chi moko nawulak chiru wank rik'ineb' li chaab'ileb' xna'leb'.

Proverbios 17:16

K'aru taa'ok wi' li tumin sa' ruq' li maak'a' xna'leb'? Li chaab'il na'leb' ink'a' naloq'mank!