Proverbios 14:2 - Q'eqchi Bible

² Li tiik ru xyu'am naroxloq'i li Qaawa'; li ink'a' tiik xch'ool naxtz'eqtaana li Qaawa'.

Li Santil hu

² Li ani ti̱c xyuꞌam naxxucua ru li Ka̱cuaꞌ. Ut eb li incꞌaꞌ ti̱queb xchꞌo̱l nequeꞌxtzꞌekta̱na li Ka̱cuaꞌ.

Proverbios 14:2 ပူးပေါင်းရင်းမြစ်များ

Hechos 10:35

ut sa naxk'ul chixjunileb' li neke'paab'ank re ut neke'xb'aanu li tiikilal, a' yaal k'a' chi tenamitul yo'lajenaqeb' wi'.

Proverbios 28:6

Jwal us li neb'a' tiik xch'ool, chiru li b'ihom aj b'alaq'.

Salmos 112:1

Aleluya! Us xaq re li naroxloq'i li Qaawa' ut q'axal nasaho'k sa' xch'ool rik'in xpaab'ankil li xchaq'rab'!

Li xHu LAJ JOB 28:28

Ut kixye reheb' li poyanam: “Wi laa'ex nikineepaab' ut neketz'eqtaana li maa'usilal, naraj naxye naq eetawom chik li choxahil na'leb'”.

Hechos 9:31

Sa'eb' li kutan a'an li Iklees wank sa' tuqtuukilal sa' chixjunil Judea, Galilea ut Samaria; yo chi kawuuk jo'wi' chi k'iik rik'in xpaab'ankil li Qaawa'. K'ajo' naq yookeb' chi tamk laj paab'anel rik'in li xk'ojob'ankil xch'ooleb' xb'aan li Santil Musiq'ej.

Eclesiastés 12:13

Tz'aqalaq li aatin. Ak xinye chixjunil. Chawoxloq'i li Yos ut paab' li xchaq'rab', xb'aan naq a'in naxk'ul wi' rib' chixjunil laatzolb'al.

Salmos 25:21

Li xsaqal ru li waanm ut li tiikilal che'k'aak'alenq we, xb'aan naq kaw linch'ool aawik'in, at Qaawa'.

Hechos 10:22

Ke'chaq'ok eb' a'an, ut ke'xye: —Laj Kornelio, laj jolominel, a'an jun li winq tiik xch'ool ut naxpaab' li Yos, jo' neke'xye chixjunileb' laj Judiiy. A'an xk'ulum jun li esil rik'in jun santil ánjel, naq tento tatxb'oq sa' li rochoch re rab'inkil laawaatin.

San Lucas 16:14

Naq ke'rab'i chixjunil a'in eb' laj Pariseey, a'aneb' aj raholeb' ru li tumin, ke'ok chi reetz'unkil li Jesus.

San Lucas 10:16

“Ani taa'ab'inq eere, laa'in tinrab'i; ut ani taatz'eqtaananq eere, laa'in tinxtz'eqtaana; ut li taatz'eqtaananq we, tixtz'eqtaana ajwi' li kitaqlank chaq we”.

Proverbios 19:1

Jwal us li neb'a' ut tiik xch'ool chiru li maak'a' xna'leb' ut laj b'alaq'.

Proverbios 16:17

Li tiikeb' xch'ool xik' neke'ril li maa'usilal; neke'xk'e reetal li xb'aanuhomeb' re naq te'xkol rix li xyu'ameb'.

Proverbios 11:12

Li maak'a' xna'leb' na'aatinak chirix li ramiiw; a'ut li chaab'il xk'a'uxl nakanaak chi ch'anch'o.

Proverbios 2:15

eb' li ink'a' neke'b'eek sa' tiikilal ut neke'sachje'k sa' li xb'eheb'.

Li xHu LAJ JOB 1:1

Sa' li tenamit Us kiwank jun li winq aj Job xk'ab'a', tiik xch'ool ut chaab'il xk'a'uxl: naroxloq'i li Yos ut naxtz'eqtaana li ink'a' us.

1 Reyes 3:6

Kichaq'ok laj Salomón ut kixye: “Laa'at q'axal xara laj David linyuwa', laj k'anjel chawu, xb'aan naq tiik xch'ool chawix, tuqtuuk xna'leb' ut xk'anjelak chi chaab'il chawe chawu. Jo'kan naq laa'at q'axal xawusila ru ut xak'e re jun ralal li tento taak'ojlaaq sa' xk'ojarib'aal, jo' xk'ulmank chiru li kutan a'in.

Li xHu LAJ JOB 12:4

Junelik xinwank sa' tiikil ch'oolej, ut li Yos junelik xsume lintz'aamahom. Ab'an anaqwan a'eb' ajwi' li wamiiw nikine'xse'e.

2 Samuel 12:9

Ab'anan k'a' naq xatz'eqtaana li waatin ut xab'aanu li ink'a' nawulak chiwu? Xakamsi chi ch'iich' laj Urías laj Hit, xataqla chi kamsiik xb'aaneb' laj Amón ut xak'am li rixaqil.

2 Reyes 17:34

Toj anaqwan ajwi' neke'xb'aanu jo' naxye li najter na'leb'. Ink'a' neke'xloq'oni chi chaab'il li Qaawa' ut ink'a' neke'xpaab' li raatin ut li xchaq'rab'; ink'a' neke'xk'uula sa' xch'ooleb' li xtaqlahom li Qaawa', li kixchaq'rab'iheb' wi' li ralal xk'ajol laj Jakob, li kik'ehe'k aj Israel cho'q xk'ab'a'.

Proverbios 16:6

Wi nakatrahok chi yaal, taakuye'q laamaak; wi nakawoxloq'i li Qaawa', tatnajto'q rik'in li maak.