Proverbios 13:22 - Q'eqchi Bible

²² Li winq chaab'il naxkanab' x'erens eb' li ralal xk'ajol; a'ut li xb'ihomal laj maak a' chik li tiik xch'ool taa'eechaninq re.

Li Santil hu

²² Li ani cha̱bil xnaꞌleb naxcanab li cꞌaꞌru re chokꞌ reheb li ralal xcꞌajol. Abanan laj ma̱c, aꞌaneb chic li ti̱queb xchꞌo̱l teꞌe̱chani̱nk re li cꞌaꞌru re.

Proverbios 13:22 ပူးပေါင်းရင်းမြစ်များ

Eclesiastés 2:26

Naq junaq narahe'k xb'aan li Qaawa', nak'eemank xna'leb', xseeb'al xk'a'uxl ut xsahil xch'ool; a'ut laj maak, li Yos naxk'e chi k'anjelak ut chi tamok b'ihomal yal re xkanab'ankil moqon chixjunil a'an re li ani raaro xb'aan. A'in ajwi' maak'a' rajb'al ut chanchan li chapok iq'!

Proverbios 28:8

Li nak'ehok tumin chi to' ut terto li ral naxpatz', a'an nab'ihomo'k; ab'an li k'aru naxtamresi, tkanaaq cho'q re li na'uxtaanank ru li neb'a'.

Salmos 37:25

Sa' chaq insaajilal ut chalen anaqwan sa' intiixilal maajun wa wilom junaq tiik xch'ool tz'eqtaananb'il ta xb'aan li Yos, chi moko wab'ihom naq eb' li ralal xk'ajol xe'xlemooxni ta xwaheb'.

Salmos 112:2

Jwal kawaqeb' rib' li ralal xk'ajol sa' ruuchich'och'; osob'tesinb'ilaq li riyajil li tiikeb' xch'ool.

Esdras 9:12

Jo'kan utan, meek'e leerab'in reheb' li ralaleb', chi moko teesumub' leeralal rik'ineb' li xrab'ineb' a'an. Maajun wa teesik' tuqtuukilal ut sahilal cho'q reheb' li poyanam a'an, re naq kawaq eerib' laa'ex, teetzeka linchaab'il eechej na'elk sa' li ch'och' ut teekanab' leeralal eek'ajol chi reechaninkil li na'ajej chi junelik».

Salmos 128:6

Toxaawil ajwi' eb' laawi aamam. Chiwanq taxaq tuqtuukilal sa' xb'een laj Israel!

Salmos 102:28

A'ut laa'at a'anat ajwi' chi junelik: relik chi yaal naq malaajel ma'oso'jel laayu'am.

Proverbios 17:6

Li xsahil xch'ooleb' li ak tiixeb' a'aneb' li ri xmameb'; li xloq'al eb' li alal k'ajolb'ej a'aneb' li xna' xyuwa'eb'.