Proverbios 13:21 - Q'eqchi Bible

²¹ Laj maak ink'a' nakanab'aak xb'aan li rahilal; a'ut li chaab'il xna'leb' naq'ajkamuuk xb'aan li usilal.

Li Santil hu

²¹ Eb laj ma̱c ta̱cha̱lk raylal saꞌ xbe̱neb. Abanan eb li ti̱queb xchꞌo̱l teꞌkꞌajca̱mu̱k riqꞌuin usilal.

Proverbios 13:21 ပူးပေါင်းရင်းမြစ်များ

Salmos 32:10

K'ajo' li rahilal wank sa' xb'een li ink'a' us xna'leb'; a'ut li kaw xch'ool rik'in li Qaawa' a' li xrahom li Yos nasutuk re.

Proverbios 13:13

Ra tixk'ul li naq'etok aatin; li ani naxpaab' li xchaq'rab'inkil, taaq'ajkamuuq.

Salmos 140:11

Chichalq ta lochlookil ru xam sa' xb'eeneb', ut che'sub'e'q ta sa' xchamal li jul b'arwi' ink'a' chik te'ruuq chi wakliik.

Números 32:23

Ab'anan wi ink'a' teeb'aanu chi jo'kan, chenawaq naq xexmaakob'k chiru li Qaawa' ut li maak a'an nakanaak sa' eeb'een chi junajwa.

Génesis 4:7

Wi ta us li nakab'aanu, ma ink'a' tab'i' tento raj naq taataqsi laawilob'aal? Ab'an wi ink'a' us li nakab'aanu, chire li kab'l wank li maak, naxaaqank chanchan josq' aj xul, yo chawatawankil. A'ut laa'at tatruuq chi xq'axb'al ru”.

Hechos 28:4

Eb' laj aran naq ke'ril li xul t'uyt'u chi ruq' laj Pablo, ut ke'xye chirib'ileb' rib': “Ch'olch'o naq li winq a'in a'an aj kamsinel ras riitz'in: xkol chaq rib' sa' li palaw, ab'an li Choxahil Tiikilal ink'a' naxkanab' chi yo'yo”.

Salmos 54:5

Xb'aan naq wankeb' q'etq'et te'raj numtaak sa' inb'een; jun ch'uuteb' ink'a' useb' xch'ool yookeb' xk'uub'ankil inkamsinkil, chi ink'a' nakate'xk'e sa' xnaq' ruheb'.

Proverbios 11:31

Wi li tiik xch'ool naxk'ul li xq'ajkamunkil arin sa' ruuchich'och', ma toja' ta chik laj maak ut li ink'a' us xna'leb'.

Proverbios 17:13

Li naxk'e maa'usilal cho'q reeqaj li usilal ki'uxk re, junelik wanq li rahilal sa' li xjunkab'al.

Isaías 47:11

Jo'kan naq taachalq sa' aab'een jun rahilal chi ink'a' tatruuq chi xkolb'al aawib' chiru; q'axal ra taak'ul ut maak'a' xja'lenkil. Chi junpaat taachaalunq jun raaxiik' sa' aab'een li ink'a' nakawoyb'eni.

Proverbios 24:16

Us ta wuqub' sut nat'ane'k li tiik xch'ool, ab'an nawakliik wi' chik; a'ut li ink'a' useb' xna'leb', ra toxe'oso'q wi'.

Ezequiel 7:5

“Laa'in li Qaawa' ninye chi jo'ka'in: Chalk re jun nimla rahilal, naab'al li rahilal taachalq sa' aab'een.