Proverbios 12:23 - Q'eqchi Bible

²³ Li seeb' xch'ool ink'a' naxnimob'resi rib' rik'in li xnawom; a'ut li jip naxk'ut li xmemil yalaq b'ar.

Li Santil hu

²³ Li ani cuan xnaꞌleb incꞌaꞌ naxnimobresi rib xban nak cuan xnaꞌleb: Abanan li ma̱cꞌaꞌeb xnaꞌleb nequeꞌxcꞌutbesi nak ma̱cꞌaꞌ xnaꞌleb.

Proverbios 12:23 ပူးပေါင်းရင်းမြစ်များ

Proverbios 13:16

Li wank xna'leb', toj naxk'oxla rix li naxb'aanu; a'ut li maak'a' xna'leb' naxk'ut li xmemil.

Proverbios 11:13

Li namolok aatin naxseeraq'i chixjunil, a'ut li winq paab'ajel ru naxk'uula sa' xch'ool.

Proverbios 10:14

Li chaab'il xna'leb' naxk'uula li xnawom; ut naq na'aatinak li kaw xjolom, raaxiik' naxyoob'.

Proverbios 15:2

Naq na'aatinak li wank xna'leb', naxpuktesi li xnimal xk'a'uxl; a'ut li raatin li ink'a' us xch'ool, a'an yal memil.

Proverbios 10:19

Li k'ajo' naxye, naab'al sut namaakob'k; li naxkuy rib' chi aatinak, a'an chaab'il xna'leb'.

Eclesiastés 10:3

Sa' chixjunil li naxb'aanu li jip, nak'utunk li xmajelal xna'leb', us ta naxye naq eb' li junch'ol chik maak'a'eb' xna'leb'.

Proverbios 18:2

Li maak'a' xna'leb' ink'a' naraj tzole'k; ka'ajwi' naraj xk'utb'al li k'aru naxk'oxla.

Proverbios 29:11

Li maak'a' xna'leb' sa' junpaat najosq'o'k; ab'an li wank xna'leb' naxkuy rib'.

1 Samuel 10:16

Laj Saúl kixsume li rikan: “Ka'ajwi' xye qe naq ak xe'tawe'k li b'uur”, chan. Ab'an maajun t'orol li aatin kixye chirix naq taa'ok chi awab'ejink, jo' kiyehe'k chaq xb'aan laj Samuel.

Nehemías 2:12

Chirix chik a'an kinwakliik chiru q'oqyink wochb'een wiib' oxib' chi winq, ab'an maajun reheb' kinye wi' li k'aru xyehom we li Yos tinb'aanu cho'q re Jerusalén; ut maajun xul kink'am chiwix, ka'ajwi' linkawaay.

Nehemías 2:16

Eb' li wankeb' sa' chaq'rab' ink'a' ke'xnaw b'ar kohin chi moko k'aru kinb'aanu chaq. Maak'a' ajwi' kinye reheb' laj Judiiy: chi moko reheb' laj tij chi moko reheb' li wankeb' sa' chaq'rab', chi moko reheb' laj jolominel ut eb' laj k'anjel.

Proverbios 14:33

Li chaab'il na'leb' nawank rik'ineb' li neke'xnaw k'oxlak; a'ut maajoq'e taatawmanq sa' xyanqeb' li jip.