Proverbios 12:16 - Q'eqchi Bible

¹⁶ Li maak'a' xna'leb' najosq'o'k chi junpaat; li wank xna'leb' ink'a' naxk'e sa' xch'ool li hob'e'k.

Li Santil hu

¹⁶ Li ani ma̱cꞌaꞌ xnaꞌleb saꞌ junpa̱t najoskꞌoꞌ. Abanan li ani cuan xnaꞌleb ma̱cꞌaꞌ naraj re usta nahobeꞌ.

Proverbios 12:16 ပူးပေါင်းရင်းမြစ်များ

Proverbios 29:11

Li maak'a' xna'leb' sa' junpaat najosq'o'k; ab'an li wank xna'leb' naxkuy rib'.

Santiago 1:19

Ex was wiitz'in raarookex inb'aan, chiwanq sa' eech'ool a'in: li junjunq seeb'aq xch'ool chi ab'ink, chixkuyaq rib' chi aatinak ut chixkuyaq rib' chi josq'o'k.

Proverbios 10:12

Li xik'il uuchink nayoob'ank raaxiik'; a'ut li rahok naxkuy chixjunil li maak.

Proverbios 17:9

Li naxtz'eq chirix xch'ool li hob'e'k, naxnaw rahok; li ink'a' nakuyuk, naxnajtob'resi li ramiiw.

Proverbios 25:28

Li winq li ink'a' naxkuy rib', a'an chanchan junaq tenamit maak'a' xsuttz'akil re xkolb'al rib'.

Proverbios 16:22

Li k'oxlak chi chaab'il a'an xyo'leb'aal li yu'am; ut li xtzolb'aleb' li maak'a'eb' xna'leb' a'an b'ayok ib'.

Proverbios 14:33

Li chaab'il na'leb' nawank rik'ineb' li neke'xnaw k'oxlak; a'ut maajoq'e taatawmanq sa' xyanqeb' li jip.

Li xHu LAJ JOB 5:2

Ka'ajwi' eb' li jip ut maak'a'eb' xna'leb' neke'kamk xb'aan xrahilaleb' malaj xkaqaleb' xch'ool.

Proverbios 12:17

Li tz'aqal testiiw naxye li yaal, ut laj b'alaq' naxkuutu li tik'ti'.

Proverbios 27:3

Jwal aaleb' li pek ut li samahib'; jo'kan ajwi' li raalal li xjosq'il li maak'a' xna'leb'.