Proverbios 12:12 - Q'eqchi Bible

¹² Xrahinkil ru li ink'a' us, a'an chanchan jun ra'al cho'q reheb' li ink'a' useb' xna'leb'; a'ut eb' li chaab'ileb' xch'ool chanchaneb' li che' cham naxik wi' li xxe'eb'.

Li Santil hu

¹² Li ti̱queb xchꞌo̱l cꞌojcꞌo̱queb xchꞌo̱l saꞌ xbe̱n li ti̱quilal. Abanan li incꞌaꞌ useb xnaꞌleb junes li incꞌaꞌ us nequeꞌxrahi ru xba̱nunquil.

Proverbios 12:12 ပူးပေါင်းရင်းမြစ်များ

San Juan 15:5

“Laa'in li xtoonal li uub'; laa'ex li ruq'. Ani nakanaak wik'in ut laa'in rik'in, a'an q'axal na'uuchink, xb'aan naq wi jachjooqex wik'in maak'a' naru teeb'aanu.

Isaías 37:31

Eb' li te'kole'q sa' xyanqeb' li ralal xk'ajol laj Judá ut ink'a' te'kamq, jo'kaqeb' li che': cham te'xe'enq ut taqe'q te'uuchinq.

Isaías 27:6

Chiruheb' li kutan chaalel laj Jakob tixchap xxe'; laj Israel taa'atz'umaq ut taak'ihanq, tixnujob'resi li ruuchich'och' rik'ineb' li ralal xk'ajol.

Salmos 10:9

Chanchan li kaqkoj sa' li xjob' naq naxmuq rib' chi oyb'enink; naroyb'eni li toq'ob' ru, re xchapb'al; naxchap ut naxjuku sa' li xra'al.

Salmos 1:3

Chanchaneb' jun toon chi che' awb'il chire roq nima', li na'uuchink sa' xq'ehil ut ink'a' natz'umaak li xxaq: us neke'elk rik'in chixjunil li neke'xb'aanu.

Romanos 6:22

A'ut anaqwan ach'ab'anb'ilex chik chiru li maak ut oksinb'ilex cho'q aj k'anjel chiru li Yos, yookex chi uuchink cho'q re li santilal; ut li xraqik a'an, a' chik li junelik yu'am.

San Juan 15:16

“Moko laa'ex ta xexsik'ok wu; laa'in b'an xinsik'ok eeru ut xexinxaqab' re texxik ut chi'uuchinq leepaab'aal, ut li taaruuchin leepaab'aal wanq chi junelik. Chi jo'kan chixjunil li teetz'aama chiru li Yuwa'b'ej sa' ink'ab'a', taak'eemanq eere.

Proverbios 10:15

Li b'ihom naru tixkol rib' rik'in li xb'ihomal; a'ut li neb'a' maak'a' tixkol wi' rib'.

Salmos 9:15

re naq tinpuktesi resil laawusilal sa' rokeb'aal li tenamit Jerusalén, ut tinninq'ehi naq laa'at xinaakol.

Miqueas 7:2

Sa' ruuchich'och' maajun chik tiik xch'ool ut maa'ani chik junaq aj paab'anel. Chixjunileb' kawal wankeb' chi b'aanunk maa'usilal ut neke'xra'le rib' chirib'ileb' rib'.

Proverbios 11:30

Li tiikilal nak'ehok yu'am; wi wank aana'leb', jalaneb' chik te'taaqenq aawe.

Proverbios 21:10

Li ink'a' us xna'leb' junes maa'usilal naxik wi' xch'ool; maajun sut naril xtoq'ob'aal ru li ras riitz'in.