Proverbios 12:11 - Q'eqchi Bible

¹¹ Li naxk'e xch'ool chi k'anjelak sa' li xch'och' twanq chi yo'oon li xtzekemq; a'ut li maak'a' xna'leb' naxsik' li maak'a' na'ok wi'.

Li Santil hu

¹¹ Li ani naxqꞌue xchꞌo̱l chi a̱uc ta̱cua̱nk nabal lix tzacae̱mk. Abanan li ani nequeꞌxic xchꞌo̱l chirix li ma̱cꞌaꞌ na-oc cuiꞌ ma̱cꞌaꞌeb xnaꞌleb.

Proverbios 12:11 ပူးပေါင်းရင်းမြစ်များ

Proverbios 28:19

Li naxk'anjela li xch'och', yo'oon xtzekemq taawanq; a'ut li yal narahink, sa' neb'a'il tox'oso'q.

Proverbios 14:23

Us na'elk li ani naxk'e xch'ool chi k'anjelak; a'ut li junes aatinak naxb'aanu, wank sa' neb'a'il.

Salmos 128:2

Rik'in li naruuchin laak'anjel tattzekanq. K'ajo' naq taasaho'q laach'ool; us tat-elq rik'in chixjunil li taab'aanu.

Efesios 4:28

Li x'elq'ak, mi'elq'ak chik, chixyalaq b'an xq'e chi k'anjelak sa' tiikilal rik'in ruq', re naq twanq k'aru tixwotz rik'in li wank sa' rajb'al ru.

2 Ts 3:8

chi moko xoowa'ak chi maatan rik'in anihaq, xqatawasi b'an qib' chi k'anjelak chi q'eq ut chi kutan, a' xqaj naq maa'ani xqach'i'ch'i'i sa' eeyanq.

Proverbios 9:6

Kanab'omaq li xmajelalil eena'leb', ut taawanq eeyu'am; taaqehomaq xb'ehil li seeb'al k'a'uxl”.

Proverbios 14:4

Naq ink'a' nach'oolaniik li ch'och', li awimq ink'a' na'uuchink; ab'an wi nach'oolaniik chi chaab'il, k'ajo' naq taa'uuchinq.

Proverbios 7:7

ut ke'wil jun ch'uuteb' li saaj al li maak'a'eb' xna'leb'; ut sa' xyanqeb' a'an wank jun li maak'a' xk'a'uxl.

Proverbios 13:20

Li narochb'eeniheb' li chaab'ileb' xna'leb', tixtaw xna'leb'; ab'an li nawank rik'ineb' li jip, taasachq chi junwaakaj.

Génesis 3:19

Rik'in xtiqob' laapeekem tatwa'aq, toj reetal tatsutq'iiq sa' li ch'och' xat-elk wi' chaq. Xb'aan naq pojtz' okenaqat chaq ut pojtz' tatsutq'iiq wi' chik”.

Proverbios 6:32

Ab'an li naxch'ik rib' rik'in junaq ab'li ixq, xjunes rib' naxsach li xyu'am.

Proverbios 9:16

“Kimqex arin laa'ex li maak'a' eek'a'uxl. K'ehomaq reetal laa'ex li maak'a' eena'leb':

Proverbios 9:13

Li xmajelalil seeb'al k'a'uxl a'an chanchan jun li ixq aj molol aatin, jip ut maak'a' naxnaw.

Salmos 26:4

Ink'a' xinhilank sa' xyanqeb' laj b'alaq', chi moko xinjunaji wib' rik'ineb' laj ka'pak'al u.

Jueces 9:4

Ke'xchap lajeeb' xkaak'aal chi tumin plaat, xtuminal li rochochil laj Bahal-Berit, ut ke'xk'e re laj Abimélek. Chiru li tumin a'in laj Abimélek kixtojeb' winq ink'a' useb' xna'leb' re naq te'xik chirix. Koheb'

Jonás 2:8

Eb' li neke'loq'onink eb' li yal k'oxlanb'il yos, moko tiikeb' ta xch'ool chawix.

Proverbios 27:27

ut taawanq naab'al xya'al xtu' eb' laachib'aat re naq taach'oolani aawib' laa'at jo' ajwi' laajunkab'lal ut chixjunileb' laj k'anjel chawu.

Proverbios 13:23

Sa' li xk'aleb'aal li neb'a' na'elk naab'al li tzekemq; ab'an wi maak'a' li tiikilal, taasachq chixjunil.

Proverbios 20:13

Mixik aach'ool chi wark, re naq ink'a' tatneb'a'o'q; k'e b'an aach'ool chi k'anjelak, ut taawanq aatzekemq.