Proverbios 11:4 - Q'eqchi Bible

⁴ Li b'ihomal maak'a' na'ok wi' sa' xkutankil li raqok aatin; ka'ajwi' li tiikilal nakolok chiru li kamk.

Li Santil hu

⁴ Li biomal incꞌaꞌ naru nacoloc saꞌ xkꞌehil li rakba a̱tin. Abanan li ti̱quilal nacoloc chiru li ca̱mc.

Proverbios 11:4 ပူးပေါင်းရင်းမြစ်များ

Proverbios 10:2

Li nab'ihomo'k sa' b'alaq'il maak'a' na'ok wi'; ab'an li tiik xch'ool naxkol li xyu'am.

Sofonías 1:18

Sa' xkutankil li xjosq'il li Qaawa', maak'a' taakoloq reheb' li poyanam, chi moko li plaat chi moko li oor, xb'aan naq chixjunil li ruuchich'och' taa'oso'q sa' xxamlel xjosq'il li Yos. Jo'k'ihaleb' li wankeb' junsut junrub'el choxa te'oso'q sa' junpaat.

Génesis 7:1

Chirix chik a'an li Qaawa' kixye re laj Noé: “Okan sa' li jukub' kab'l laa'at ut chixjunileb' li wankeb' sa' laawochoch, xb'aan naq xwil naq ka'jat wi' laa'at tiik aach'ool sa' li tenamit a'in.

Ezequiel 7:19

Te'xpaji li plaat sa'eb' li b'e ut te'xkuti li oor jo' tawi' li mul. Li oor ut li plaat li wank rik'ineb', ink'a' te'kole'q xb'aan sa' xkutankil xjosq'il li Qaawa'. Ink'a' tixkotz li xtz'okajikeb' chi moko tixk'ojob' li xch'ooleb', xb'aan naq li b'ihomal xk'amok reheb' chi maakob'k.

1 Timoteo 4:8

Li tzolokb'atz'unk kach'in ajwi' xk'anjel; ab'an li xraab'al li Yos nak'anjelak cho'q re chixjunil xb'aan naq naxyeechi'i li yu'am anaqwan ut sa'eb' li kutan chalk re chiqu.

San Lucas 12:20

A'ut li Yos kixye re: «At jip, sa' ajwi' li q'oqyink a'in taamaq'e'q chawu laayu'am. Ut li k'a'aq re ru xakawresi, ani taa'eechaninq re?».

San Mateo 16:26

K'a' put ru tixra junaq winq naq taareechani chixjunil li ruuchich'och', wi taasachq li xyu'am chiru? Malaj k'aru tixk'e cho'q reeqaj li xyu'am?

Romanos 5:17

Wi sa' xk'ab'a' li xmaak jun chi winq kiwank xwankil li kamk, jo'kan ajwi' sa' xk'ab'a' li jun chirib'il, a' li Jesukriist, k'ajo' chik naq te'awab'ejinq sa' li ak' yu'am eb' li neke'xmaatani chi yo'oon li tiikil ch'oolej, sa' xk'ab'a' xnimal rusilal li Yos!

Proverbios 12:28

Li ani nawank sa' tiikilal, taawanq xyu'am; a'ut li nab'aanunk li ink'a' us, tixtaw li kamk.

Proverbios 6:34

Xb'aan naq li b'eelomej aj sowen, a'an chanchan li xam; ink'a' taakuyuq naq twulaq xkutankil li eeqajunk.

Li xHu LAJ JOB 20:28

Taa'oso'q li rochoch xb'aan li b'ut', naq li xjosq'il li Qaawa' taachalq sa' xb'een.

Isaías 10:3

K'aru teeb'aanu naq taachalq li raqb'a aatin sa' eeb'een, naq toj chi najt taachalq chaq li raaxiik'? Ani teepatz' wi' eetenq'ankil ut b'ar teekanab' leeb'ihomal?

Ezequiel 14:14

Ut wi sa' li tenamit a'an wanqeb' laj Noé, laj Danel ut laj Job, ka'ajwi' eb' a'an te'kole'q xb'aan li xtiikilaleb' xch'ool -chan li Qaawa'-.