Proverbios 11:24 - Q'eqchi Bible

²⁴ Wankeb' neke'sihink, ut b'ihomo'k chik neke'xb'aanu; wankeb' ajwi' aj pix neke'k'uulank, ut neb'a'il nokoxe'oso'q wi'.

Li Santil hu

²⁴ Cuanqueb cristian nequeꞌsihin ut kꞌaxal cuiꞌchic nabal li nequeꞌxcꞌul. Ut cuanqueb ajcuiꞌ li cristian caꞌchꞌin ajcuiꞌ nequeꞌsihin ut nequeꞌcana saꞌ nebaꞌil xban nak caꞌchꞌin ajcuiꞌ nequeꞌxsi.

Proverbios 11:24 ပူးပေါင်းရင်းမြစ်များ

Proverbios 19:17

Li naruxtaana ru li neb'a', chanchan ajwi' re li Yos yo chi xb'aanunkil, ut li Qaawa' taak'ehoq reeqaj re.

San Lucas 6:38

Chexk'ehoq, ut taak'eemanq eere: jun chaab'il b'isok, tz'ajtz'otq, chiq'b'ilaq, b'uyb'utq taak'ehe'q eere. Xb'aan naq rik'in li b'isleb' nekexb'isok wi', texb'ise'q ajwi' laa'ex”.

Deuteronomio 15:10

Tento taak'e k'aru re chi ink'a' taaraho'q aach'ool, xb'aan naq rik'in xb'aanunkil a'an tatrosob'tesi li Qaawa' laaYos sa' chixjunil li k'anjel taab'aanu.

Salmos 112:9

Nasihink chi yo'oon reheb' li neb'a', ut li xchaab'ilal xch'ool wank chi junelik. Tixtaqsi li rilob'aal chi wanq xloq'al.

Eclesiastés 11:6

Aw laawiyaj eq'la, ut aw wi' chik ewu, xb'aan naq ink'a' nakanaw b'arwan li taa'elq chi us, ma li xawaw xb'enwa malaj li moqon, malaj us taa'elq xkab'ichal.

Hageo 1:6

K'ajo' li awimq xeraw, ut kach'in ajwi' nekexok; xextzekank, ab'an ink'a' nak'ojlaak leech'ool; xex'uk'ak, ab'an ink'a' nanume'k leechaqi'eel; xelan eerib' chi us, ut ink'a' nekextiqwo'k; ut li tojb'il moos yal sa' q'ichil koxtal naxk'e li xtojb'al.

Proverbios 11:18

Li yib'ru xna'leb' moko ch'olch'o ta li xq'ajkamunkil; a'ut li naxb'aanu li tiikilal, a'an ch'olch'o li xtojb'al.

Proverbios 28:8

Li nak'ehok tumin chi to' ut terto li ral naxpatz', a'an nab'ihomo'k; ab'an li k'aru naxtamresi, tkanaaq cho'q re li na'uxtaanank ru li neb'a'.

Proverbios 11:23

Li tiikeb' xch'ool junes li us neke'raj xb'aanunkil; a'ut li royb'enihom li ink'a' useb' xna'leb' naxk'am chaq josq'il ut rahilal.

Proverbios 11:25

Li natenq'ank chi anchal xch'ool, nab'ihomo'k; li ani nasihink, k'uluk ajwi' naxb'aanu.

Proverbios 13:7

Wankeb' neke'yehok naq b'ihomeb', ut maak'a' nayo'laak reheb'; ut wankeb' chik neke'yehok naq neb'a'eb', ut maak'a' namajelo'k reheb'.

Proverbios 28:27

Li naruxtaanaheb' li neb'a', maak'a' taalajq chiru; ab'an li ink'a' naxtenq'aheb', naab'al li majewaak tixk'ul.

2 Crónicas 31:10

ut kichaq'ok laj Asarías, li xb'eenil aj tij, xkomoneb' laj Sadok, ut kixye: “Chalen naq ke'xtikib' xk'amb'al chaq li mayej cho'q re li rochoch li Qaawa', nokootzekank ut nokoonujak, ut toj wank naab'al li tzekemq na'ela'ank. Chixjunil a'in x'ela'ank, xb'aan naq li Qaawa' xrosob'tesi li xtenamit”, chan.

Malaquías 3:8

Ut laa'in ninpatz' wib': Ma naru junaq winq xb'alaq'inkil li Yos? Naru, xb'aan naq laa'ex xineeb'alaq'i. Ut chirix a'an toj nekeye: «K'aru xatqab'alaq'i wi'?», chankex. Xineeb'alaq'i, xb'aan naq ink'a' nekek'e li junjunq sa' xlajeetqil ru leerawimq chi moko nekek'e leeloq'laj mayej.