Proverbios 11:20 - Q'eqchi Bible

²⁰ Li Qaawa' xik' narileb' li yib'ru xna'leb'eb', ab'an nasaho'k xch'ool rik'ineb' li chaab'ileb' xyu'am.

Li Santil hu

²⁰ Li Ka̱cuaꞌ Dios xicꞌ narileb li incꞌaꞌ useb xnaꞌleb. Aꞌut li nequeꞌxba̱nu li us sa xchꞌo̱l riqꞌuineb.

Proverbios 11:20 ပူးပေါင်းရင်းမြစ်များ

Salmos 119:1

Us xaq reheb' li wankeb' sa' tiikilal ut neke'b'eek jo' chanru xchaq'rab' li Qaawa'.

1 Crónicas 29:17

Laa'in ninnaw, at inYos, naq laa'at nakatz'ili xch'ool chixjunileb' ut nawulak chawu li tiikilal. Jo'kan naq rik'in xtiikilal inna'leb' x'alaak sa' inch'ool xyeechi'inkil aawe chixjunil a'in. Ut anaqwan xink'e reetal rik'in xsahil inch'ool naq laatenamit, li ch'utch'uukeb' arin, xe'xk'e aawe li xmayejeb'.

Proverbios 21:29

Li ink'a' us xna'leb', naxb'aanu rib' naq kaw xch'ool; a'ut ka'ajwi' li nawank sa' li tiikilal k'ojk'o xch'ool xb'aan naq maak'a' xmaak.

Proverbios 6:14

Yib'ru li xna'leb': junes maa'usilal wank sa' xch'ool ut junelik yo chi xyoob'ankil raaxiik'.

Proverbios 16:17

Li tiikeb' xch'ool xik' neke'ril li maa'usilal; neke'xk'e reetal li xb'aanuhomeb' re naq te'xkol rix li xyu'ameb'.

Proverbios 15:8

Li Qaawa' xik' naril li xmayejeb' li ink'a' useb' xch'ool; ab'an naxk'ul chi anchal xch'ool li xtijeb' li chaab'ileb' xyu'am.

Proverbios 13:6

Li tiikilal naxkol li winq maak'a' xmaak; li maa'usilal naxsach laj maak.

Proverbios 12:22

Li Qaawa' xik' narileb' laj tik'ti', ab'an nasaho'k xch'ool rik'ineb' li neke'wank sa' tiikilal.

Proverbios 9:7

Li naq'usuk re li q'etq'et, naxk'am chaq tz'eqtaanaak sa' xb'een; li naq'usuk re li ink'a' us xch'ool, junes hob'e'k tixb'oq chaq sa' xb'een.

Proverbios 8:13

Roxloq'inkil ru li Yos a'an xtz'eqtaanankil li maa'usilal; laa'in xik' nawil li q'etq'etil, li nimob'resink ib', li yib'ru yu'amej ut li tik'ti'.

Salmos 140:13

Laa'in ninnaw naq li Qaawa' naraqok aatin chirix li kub'enaq xwankil ut naxkol li neb'a' sa' xkutankil li raqb'a aatin.

Salmos 51:6

Xinmaakob'k chawu, ka'ajwi' chawu xinmaakob'k; xinb'aanu li ink'a' nawulak chawu. Jo'kan naq tz'aqal yaal li aatin xaraq sa' inb'een, tiik aach'ool chi xyeeb'al naq wank inmaak.

Salmos 11:7

Li Qaawa' a'an tiik xch'ool ut naxra li tiikilal: eb' li tiikeb' ru xyu'am toxe'ril ru li Yos.

Salmos 101:4

Chinajto'q wik'in li ink'a' us xna'leb', ink'a' nawaj rilb'al li nab'aanunk maa'usilal.

Proverbios 3:32

xb'aan naq li Qaawa' xik' narileb' li ink'a' useb' xna'leb', ab'an naxraheb' li tiikeb' xch'ool.

Proverbios 11:21

Ch'olch'o naq li ink'a' us xna'leb' tixtoj rix li xmaak; ab'an li tiikeb' xch'ool te'kole'q.

Proverbios 14:9

Eb' li maak'a' xna'leb' neke'xse'e li xmaakeb'; a'ut li chaab'ileb' xch'ool neke'xsik' li rusilal li Yos.

Proverbios 15:26

Li Qaawa' xik' naril li xk'uub'ahom li ink'a' us xch'ool, ab'an nawulak chiru li q'unil aatin.