Proverbios 11:10 - Q'eqchi Bible

¹⁰ Naq li tiik xch'ool us na'elk, k'ajo' naq neke'saho'k xch'ool li tenamit; ut naq nakamk li ink'a' us xna'leb', neke'xajok chixjunileb'.

Li Santil hu

¹⁰ Nak eb li ti̱queb xchꞌo̱l us nequeꞌel, eb li tenamit nequeꞌsahoꞌ saꞌ xchꞌo̱leb. Ut nak nequeꞌcam li incꞌaꞌ useb xnaꞌleb, li tenamit kꞌaxal cuiꞌchic nequeꞌsahoꞌ saꞌ xchꞌo̱leb.

Proverbios 11:10 ပူးပေါင်းရင်းမြစ်များ

Proverbios 28:12

Naq li tiik xch'ool naxaqab'aak xwankil, nawank ninq'ehik; ab'an naq neke'numtaak li ink'a' useb' xna'leb', chixjunileb' neke'xmuq rib' xb'aaneb' xxiw.

Jueces 5:31

“Jo'ka'in taxaq naq che'oso'q chixjunileb' li xik' neke'ilok aawe, at Qaawa'. Ut eb' li neke'rahok aawe, chanchanaqeb' taxaq li saq'e naq nalemtz'unk chaq wa'leb'!”. Ut li tenamit ke'wank sa' tuqtuukilal chiru ka'k'aal chihab'.

Proverbios 28:28

Naq na'awab'ejink li ink'a' us xna'leb', chixjunileb' neke'xmuq rib' xb'aaneb' xxiw; ab'an naq nach'anaak chi awab'ejink, sa chik wankeb' li tiikeb' xch'ool.

Li xHu LAJ JOB 27:23

K'ajo' naq te'xpoq'poq'i li ruq'eb' li poyanam chi rilb'al li roso'jik; ut te'xuxb'aq yalaq b'ar taanume'q a'an.

Éxodo 15:21

Ut lix Miriam kixsume li b'ich chi kama'in: “B'ichanqex chiru li Qaawa', xb'aan naq jwal nim xwankil: kixkuteb' sa' palaw li kawaay ut eb' li b'eleb'aal ch'iich'”.

2 Reyes 11:20

K'ajo' xsahilaleb' sa' xch'ool chixjunileb'! Kamenaq chik lix Atalía sa' rochochil li awab'ej. Jo'kan naq li tenamit kikanaak sa' tuqtuukilal.

Proverbios 11:11

Naq li Yos narosob'tesiheb' li tiikeb' xch'ool, nawakliik chixjunil li tenamit; a'ut li ink'a' useb' xna'leb' neke'xjuk' li tenamit rik'in li raatineb'.

Proverbios 29:2

Naq neke'k'ihank li tiikeb' xch'ool, nake'saho'k eb' li poyanam; ab'an naq neke'taqlank li ink'a' useb' xna'leb', ra neke'xk'ul li tenamit.

2 Crónicas 23:13

Ut aran kiril li awab'ej xaqxo chi xk'atq roqechal li rochoch li Yos, sa' li okeb'aal. Wankeb' ajwi' chi xk'atq li awab'ej eb' laj jolominel jo'wi' eb' laj yaab'asinel pur, ut chixjunileb' li tenamit q'axal saheb' sa' xch'ool, yookeb' chi xyaab'asinkil eb' li pur. Eb' laj b'ichanel yookeb' chi xch'e'b'al li xwajb'eb' rik'in b'ichank re xloq'oninkil li Qaawa'. Toja' naq lix Atalía kixq'ich li raq' ut kixjap re chi xyeeb'al: “Xinb'alaq'iik, xinb'alaq'iik!”, chan.

2 Crónicas 23:21

K'ajo' xsahilaleb' xch'ool chixjunileb'! Kamenaq chik lix Atalía, jo'kan naq li tenamit kikanaak sa' tuqtuukilal.

Jeremías 51:48

Li choxach'och' ut jo'ch'inal jo'nimal li wank chisa' k'ajo' naq te'saho'q naq taajuk'e'q Babilonia ut tole'elq chaq laj sachonel sa' xjayal releb'l iq' -chan li Qaawa'-.