Proverbios 10:3 - Q'eqchi Bible

³ Li Qaawa' ink'a' naxk'e chi kuyuk tz'okaak li tiik xch'ool; ab'an ink'a' naxk'e re li ink'a' us xna'leb' li k'aru narataw.

Li Santil hu

³ Li Ka̱cuaꞌ incꞌaꞌ tixcanab li ti̱c xchꞌo̱l chixcuybal xtzꞌocajic xban nebaꞌil. Abanan eb li incꞌaꞌ useb xnaꞌleb ma̱cꞌaꞌ tixqꞌue reheb re risinquil lix tzꞌocajiqueb.

Proverbios 10:3 ပူးပေါင်းရင်းမြစ်များ

Salmos 37:25

Sa' chaq insaajilal ut chalen anaqwan sa' intiixilal maajun wa wilom junaq tiik xch'ool tz'eqtaananb'il ta xb'aan li Yos, chi moko wab'ihom naq eb' li ralal xk'ajol xe'xlemooxni ta xwaheb'.

Salmos 37:3

Kawaq aach'ool rik'in li Qaawa' ut b'aanu li us, wanqat sa' laana'aj ut chatk'iiq sa' tuqtuukilal;

Sofonías 1:18

Sa' xkutankil li xjosq'il li Qaawa', maak'a' taakoloq reheb' li poyanam, chi moko li plaat chi moko li oor, xb'aan naq chixjunil li ruuchich'och' taa'oso'q sa' xxamlel xjosq'il li Yos. Jo'k'ihaleb' li wankeb' junsut junrub'el choxa te'oso'q sa' junpaat.

Salmos 37:19

Moko ra ta te'xk'ul sa' xq'ehil li rahilal; ut naq taawanq we'ej, numtajenaqaq li xtzekemqeb'.

Salmos 33:19

re naq te'kole'q chiru li kamk ut te'ch'oolaniiq sa' xkutankil li we'ej.

Li xHu LAJ JOB 5:20

Sa' xq'ehil li we'ej tatxkol chiru li kamk; sa' xkutankil li yalok tatxkol chiru li ch'iich'.

San Lucas 12:31

Sik'omaq xb'enwa li xnimajwal awab'ejihom li Yos, ut chixjunil a'in taak'eemanq chaq eere cho'q xtz'aqob'.

Isaías 33:16

A'an taawanq sa' jun na'ajej najt xteram, taahilanq sa' jun kawub'resinb'il ochoch, ut taawanq xwa ruk'a' chi junelik.

Proverbios 14:32

Li ink'a' us xna'leb', a' ajwi' li xmaa'usilal nasachok re; a'ut li tiik xch'ool nakole'k xb'aan li xtiikilal.

Salmos 112:10

Naq li ink'a' us xna'leb' taaril a'an, taajosq'o'q, tixk'uxuxi ruuch re ut taamayoq sa' xch'ool. Maak'a' taakanaaq wi' li ratawomeb' li ink'a' useb' xna'leb'!

Li xHu LAJ JOB 20:28

Taa'oso'q li rochoch xb'aan li b'ut', naq li xjosq'il li Qaawa' taachalq sa' xb'een.

Salmos 10:14

Laa'at aawilom chik li xmaa'usilal ut li xq'etq'etil; nakawil re xk'eeb'al sa' tojb'amaak. Li q'axal xtoq'ob'aal ru naxq'axtesi rib' rub'el laawoq rub'el laawuq', laa'at nakattenq'ank re li neb'a'yox.

Proverbios 13:25

Li winq chaab'il sa natzekank; a'ut li ink'a' us xna'leb', ink'a' nanujak.

Proverbios 28:9

Li ink'a' naxpaab' xchaq'rab' li Qaawa', ink'a' ajwi' nak'ule'k li xtij xb'aan li Yos.

Proverbios 28:25

Li naxrahi ru li tumin, nayoob'ank raaxiik'; ab'an li k'ojk'o xch'ool rik'in li Qaawa', us taa'elq.

Li xHu LAJ JOB 15:23

Li xtib'el a'anaq xtzekemq eb' li so'sol; naxnaw chi us naq taa'oso'q chi junajwa.