Proverbios 10:22 - Q'eqchi Bible

²² Li rosob'tesihom li Qaawa' nab'ihomob'resink ut ink'a' naxk'am chaq rahil ch'oolej.

Li Santil hu

²² Li ani na-osobtesi̱c xban li Dios, aꞌan cuan xbiomal, ut incꞌaꞌ naxqꞌue rahil chꞌo̱lej.

Proverbios 10:22 ပူးပေါင်းရင်းမြစ်များ

Salmos 107:38

Li Qaawa' kirosob'tesiheb' ut q'axal ke'k'ihank; ink'a' kixk'e chi lajk eb' li xketomq.

Génesis 26:12

Sa' li chihab' a'an laj Isahak ki'awk sa' li na'ajej a'an ut kixxok o'taqk'aal sa' xb'een li junjunq, xb'aan naq ki'osob'tesiik xb'aan li Qaawa'.

Génesis 24:35

Li Qaawa' xrosob'tesi chi yo'oon laj eechal we, ut a'an xb'ihomo'k chi us, xb'aan naq xmaatani xkarneer, xwakax, xplaat ut x'oor, winq ut ixq li neke'k'anjelak chiru, xkameey ut xb'uur.

Génesis 12:2

Aawik'in twisi jun xnimal ru tenamit. Tatwosob'tesi ut tinnimob'resi laak'ab'a'. Laa'at tatkanaaq cho'q xyo'leb'aal li usilal.

Salmos 37:22

Li osob'tesinb'il xb'aan li Qaawa', a'an taa'eechaninq re li chaab'il na'ajej; ab'an li tz'eqtaananb'il xb'aan, taasache'q chi junajwa.

Proverbios 20:21

Li nab'ihomo'k chi junpaat, ink'a' tox'osob'tesiiq moqon.

Génesis 13:2

Q'axal b'ihom laj Abrán: wank xketomq, x'oor ut xplaat.

Proverbios 28:22

Li pix aj winq narataw b'ihomo'k chi junpaat, ut ink'a' naxnaw naq sa' neb'a'il tox'oso'q.

Zacarías 5:4

Laa'in xintaqlank chaq re -chan li Nimajwal Yos- re naq taa'ok sa' rochoch laj elq' ut sa' rochoch li xyehok jurament sa' ink'ab'a' chi yal tik'ti'; ut aran taakanaaq chi xsachb'al ut xjuk'b'al li roqechal ut li xpekul li rochoch”.

Génesis 14:23

naq maajun li noq', maajun xk'aamal xaab', chi moko k'aru aawe tink'am laa'in, re naq ink'a' naru taaye: «Laa'in xinb'ihomob'resink re laj Abrán».

Josué 6:18

A'ut laa'ex, chek'e reetal. Maak'a' teexok, chi moko teerahi ru li k'a' re ru ak q'axtesinb'il re sache'k. Wi teeb'aanu a'an, teeb'oq chaq li majewaak ut li rahilal sa' xb'eeneb' chixjunil li xmuheb'aaleb' laj Israel.

1 Reyes 21:19

Taawaatina chi kama'an: «Jo'ka'in xye li Qaawa': Laa'at xakamsi laj Nabot ut xamaq' li xch'och'. Jo'kan naq sa' li na'ajej xe'xreq' wi' li xkik'el laj Nabot eb' li tz'i', aran ajwi' te'xreq' laakik'el laa'at»”.

Génesis 26:13

Ki'ok chi b'ihomo'k, kitamk li k'aru re toj kib'ihomo'k chi q'axal yo'oon.

Deuteronomio 26:10

Ut anaqwan laa'in xink'am chaq li xb'een ru li awimq x'elk sa' li ch'och' aak'ehom we, at Qaawa'». “Chirix chik a'an taaq'axtesi chixjunil a'an re li Qaawa' laaYos ut taawiq'ib' aawib' chiru.

Deuteronomio 28:11

Li Qaawa' tixk'e aawe li chaab'il eechej chi numtajenaq: tixk'e naab'al laawalal laak'ajol, jo'wi' laawakax ut laawawimq, chiru li ch'och' kixyeechi'i reheb' laana' laayuwa' chaweechani laa'at.

2 Crónicas 25:9

Kichaq'ok laj Amasías ut kixye re li xtaql li Yos: “K'aru taakanaaq wi' li o'taqk'aal chi tumin xink'e reheb' laj puub' aj Israel?”. Kichaq'ok li xtaql li Yos: “Q'axal naab'al chik chiru a'an tixk'e aawe li Qaawa'”, chan.

Proverbios 8:21

re xb'ihomob'resinkil eb' li neke'rahok we ut xnujob'resinkil li rochocheb' chi sahil eechej.

Proverbios 14:24

Li xkoroon li wank xna'leb', a'an li xchaab'il na'leb'; li xq'ajkamunkil li maak'a'eb' xna'leb', a'an li memil.

Daniel 1:15

Ut naq ak xnume'k li lajeeb' kutan, jwal ch'ina'us li rilob'aaleb' li saaj winq ut ninqeb' chik li xtib'el chiruheb' li yookeb' xtzekankil li xtzekemq li awab'ej.

1 Crónicas 4:10

Laj Yabés kitijok chiru li xYos laj Israel ut kixye: “At Qaawa', nintz'aama chawu naq chinaawosob'tesi ut taak'e junaq inch'och' numtajenaq nim. Chinaatenq'a taxaq ut chinaakol chiru li maa'usilal, re naq ink'a' tin'iloq rahilal”, chan. Ut li Yos kixk'e re li k'aru kixpatz'.

2 Crónicas 32:27

K'ajo' xb'ihomal ut xloq'al laj Esekías. Naab'al li plaat ut li oor kixch'utub'; ke'tamk li xchaq'alil ru pek, li sununkil b'an, li koleb' ch'iich' ut chixjunil li k'a'aq re ru jwal chaab'il.

2 Crónicas 32:29

Naab'aleb' li tenamit kixyiib', ut naab'al li ketomq ut li karneer kiwank re laj Esekías, xb'aan naq li Qaawa' k'ajo' li b'ihomal kixk'e re.

Salmos 127:2

Maak'a' rajb'al naq nekeseeb'a eerib' chi wakliik ut toj ewu nekexxik chi hilank, malaj neketawasi eerib' chi xsik'b'al leetzekemq: li Qaawa' naxk'eheb' xtzekemq li ramiiw us ta eb' a'an yookeb' chi wark!