Proverbios 10:21 - Q'eqchi Bible

²¹ Li raatin li tiik xch'ool naxtenq'a naab'aleb' chi poyanam; a'ut li kaw xjolom nakamk xb'aan xmaak'a'il xna'leb'.

Li Santil hu

²¹ Li cha̱bil a̱tin nequeꞌxye li ti̱queb xchꞌo̱l naxtenkꞌa nabal. Abanan eb li ma̱cꞌaꞌeb xnaꞌleb nequeꞌcam xban nak incꞌaꞌ nequeꞌxtau xya̱lal.

Proverbios 10:21 ပူးပေါင်းရင်းမြစ်များ

Oseas 4:6

Yo chi kamk lintenamit xb'aan naq ink'a' neke'xnaw wu. Ut laa'at, aj tij, xatz'eqtaana xnawb'al wu, jo'kan naq tatwisi sa' laak'anjel. Xb'aan naq xatz'eqtaana li xchaq'rab' laaYos, laa'in ajwi' teb'intz'eq chirix inch'ool eb' laawalal aak'ajol.

Proverbios 17:16

K'aru taa'ok wi' li tumin sa' ruq' li maak'a' xna'leb'? Li chaab'il na'leb' ink'a' naloq'mank!

San Mateo 13:19

Chixjunileb' li neke'rab'i li aatin chirix li xnimajwal awab'ejihom li Yos ut ink'a' neke'xtaw ru, nachalk li maa'us rik'ineb' ut nokolxsaapu li awb'il sa' xch'ooleb': a'an a'in li ki'awmank chire li b'e.

Proverbios 1:29

Xb'aan naq xetz'eqtaana li chaab'il k'a'uxl ut ink'a' xeraj roxloq'inkil li Qaawa'.

Proverbios 15:4

Li q'unil aatin, a'an chanchan li che' re li yu'am; a'ut li b'alaq'il aatin narahob'tesink ch'oolej.

Proverbios 5:23

Li xmaak'a'il xna'leb' taakamsinq re, ut li xmemil ut li xjipil taasachoq re.

Proverbios 5:12

Ut taaye: “K'a'ut naq ink'a' xinpaab' linq'usb'al? K'a'ut naq xintz'eqtaana lintzolb'al?

Proverbios 1:31

Jo'kan naq teek'ul reeqaj leeb'aanuhom ut texnujaq rik'in leeyib' aj na'leb'.

Li xHu LAJ JOB 23:12

Maajun wa xinq'et li xchaq'rab', ut junelik xink'uula sa' li waanm li raatin.

Jeremías 15:16

Naq xak'e we laawaatin, xink'uleb' chi anchal linch'ool ut xintzeka; a'an tz'aqal nak'ehok xsahil li waanm, xb'aan naq sik'b'il wu aab'aan, at Qaawa', at Nimajwal Yos.

Proverbios 12:18

Wan li aatin ra nanaqk wi' jo' naxset li q'esnal ch'iich'; ab'an li raatin li wank xna'leb', a'an chanchan li chaab'il b'an.

1 Pedro 5:2

cheberesiheb' li xkarneer li Yos k'eeb'ileb' cheril ut chek'aak'aleheb' chi ink'a' yal minb'ilaq eeru, chi anchalaq b'an eech'ool jo' naraj li Yos; moko re ta xsik'b'al eetumin, sa' eech'ool b'an chi'alaaq;

Romanos 1:28

Ink'a' ke'raj xk'uulankil sa' xch'ooleb' li yaal chirix li Yos, jo'kan naq ke'q'axtesiik xb'aan li Yos sa' li xmaa'us aj k'a'uxeb' re te'xb'aanu li moko uxk naraj.

Jeremías 3:15

Tinxaqab' eb' li te'k'aak'alenq eere jo' chanru naraj linch'ool, ut eb' a'an te'ch'oolaninq eere rik'in chaab'il na'leb' ut xseeb'al xch'ooleb'.

Salmos 37:30

Li chaab'il xch'ool junes choxahil na'leb' naxye; naq na'aatinak, junes li yaal na'elk sa' re.

San Mateo 12:35

Li chaab'il winq narisi chaq li us sa' li xch'ool xb'aan naq li chaab'ilal wank rik'in; ut li ink'a' usil winq narisi chaq li ink'a' us sa' li xch'ool xb'aan naq li maa'usilal wank rik'in.

Proverbios 6:32

Ab'an li naxch'ik rib' rik'in junaq ab'li ixq, xjunes rib' naxsach li xyu'am.

Proverbios 10:11

Li aatin naxye li tiik xch'ool, nak'ehok yu'am; a'ut li ink'a' us xna'leb' junes maa'usilal muqmu chi xtz'uumal re.

Proverbios 1:32

Eb' li ink'a' neke'xnaw k'oxlak neke'kamk, xb'aan naq ink'a' neke'raj xk'ulb'al li xna'leb'eb'; ut eb' li jip neke'sachk xb'aan naq ink'a' neke'xk'e xch'ool chi tzolok.

Proverbios 5:2

Chi jo'kan taak'oxla rix li taaye, ut tat-aatinaq chi wank aana'leb'.

Proverbios 15:7

Naq na'aatinak li wank xna'leb', naxpuktesi li xnawom; a'ut li maak'a'eb' xna'leb' moko jo'kan ta neke'xb'aanu.

Eclesiastés 12:11

Li raatineb' li wankeb' xna'leb', chanchaneb' li topleb'; ut naq tustuukeb' chi chaab'il sa' hu, chanchaneb' li che' lapb'ileb' xb'aan laj k'aak'alenel sa' xna'ajeb' li xketomq.

Isaías 5:13

Maak'a' xna'leb' lintenamit, jo'kan naq te'chape'q ut te'isiiq sa' xna'ajeb'. Li xninqaleb' ru winq kamkeb' re xb'aan tz'okaak ut chixjunileb' li poyanam te'chaqiq xb'aan chaqi'eel.